#星期一至四有75折
#嘆7道菜蟹宴338元起
秋風起，又係食大閘蟹既季節🦀，往年都有自己買返屋企蒸來食，但全屋其實得我一個熱愛，我係有諗過揾日自己去買幾隻夜閑人靜時獨食慢慢嘆😂 不過始終未的起心肝行動。反而出街食又方便又有人煮埋，仲有其他小菜，又好似開心D喎🎉，約埋好耐無見既閨密一齊食👭，開懷咁傾足一晚，真係好開心呀😘。
#東海 今年都推出左大閘蟹宴，有2人餐同4人餐，星期一至四入座仲有75折，計落每人都只係$338起就食到7道菜既蟹宴，價錢都幾公道👍。
套餐包左 #2隻約4兩重既大閘蟹公🦀，雖然又唔係好大隻，不過慢慢嘆，其實都夠食。拆蟹當然都要d技巧，我每次最興奮係搣走嗰塊六角型蟹心🤍，人地話好寒涼架嘛❄️，女人千祈唔好食。以細細隻蟹來講，蟹膏都算多💥，係半軟硬既，都有少少白膏，味道夠鮮夠甘香，點埋蟹醋提味一流😋，慢慢拆慢慢食，食完2隻都好滿足啦。
#宋嫂魚羹 🍲濃稿度剛剛好，味道清清地又食到爽口魚肚，暖一暖胃都唔錯。
#蟹粉小籠飽🥟
一籠2件，皮薄饀靚，要趁熱食，蟹粉融入湯汁中，濃郁鮮味。
#美極煎大花蝦🦐
唔知點解依種煮法好有兒時味道，越簡單既菜式，越能帶出食物原味係真的。大蝦本身已經新鮮彈牙，加上醬汁吊一吊味真係好正。
其他仲有 #濃雞湯千層菜苗🥬，#酸辣肉燥手打烏冬🍜，夠晒飽肚。最後食埋個 #薑汁芝麻湯圓🍡，驅一驅寒，滋潤軟糯，好滿足❤️。
上菜速度十分快，不過店員都好貼心，問我地其他野洗唔洗先hold一hold，食左D先再上，費事凍晒，真係周到。Weekday食都爆滿，大部份人都為蟹而來，想試要早d book啦☎️！
#東海薈 #東海酒家 #東海薈拉斐特 #大閘蟹宴 #東海大閘蟹 #秋天限定 #hkfoodies #美食推介
2隻約4兩重既大閘蟹公 在 香港大閘蟹關注組| 陶X，3個人叫咗12隻| Facebook 的推薦與評價
我大鄉里第一次食咁大隻大閘蟹, 其實食到第二隻我已有小小半飽, 因為真係好多膏, ... 我買呢幾隻6両都一樣係爆晒膏咁, 不過我都只係食左2隻, 留返4飯比老公食, ... ... <看更多>