豬油渣，好肥呀，不少人聽到怕怕，但愛者極愛，近年更有翻生之勢。這五間小店打正旗號以豬油渣粉麵作招徠，人氣鼎盛，必定有吸引之處。
1.品記
圍村小店，離港鐵站不遠，地方淺窄但乾淨企理。主打油渣麵、豬膶麵及狗仔粉。油渣自家炸，炸得夠透，香脆無油膉味，即使浸了湯，仍然鬆化甘香。湯底最讚，有豬骨和冬菇香味，另外更加入打碎的蝦米，飲落好有層次，吃罷不口渴。上海麵有咬口，菜脯可選辣或不辣，切得大大粒很爽口，但無得任舀，可惜。
品記麵食
地址：大圍大圍村第十街6號地下
電話：6283 2378
詳情： http://bit.ly/2OZjdo2
2.錦田粉仔掂
由錦田搬往元朗，人氣鼎盛，經常排長龍，晚上閒閒哋等半小時。店子有三寶，論受歡迎程度，招牌豬油渣粉仔肯定居首位。豬油渣炸得不算狠，相對較淺色，但鬆化可口。粉仔用數種麵粉搓成，比上海麵煙韌。加上辣菜脯，非常香辣。另有孖寶，碗仔翅，足料；魚蓉燒賣配自家製辣醬，惹味。吃罷兒時回憶返晒來。
錦田粉仔掂
電話：9606 4403
地址：元朗鳳攸北街11-15號益發大廈地下5號鋪
詳情： http://bit.ly/2DTHrdq
3.英記油渣麵
大角咀老字號，晚上七時營業，未開已有顧客在門口守候。店子闊落、乾淨、光猛。人人來到，店主只需問大或細，多葱少葱，皆因個個必吃豬油渣麵。油渣是軟渣，厚肉得像豬腩肉，吃來腍身但有豬油香，每碗另有一塊炸得較透的，甘香酥脆。清湯以冬菜提味，麵粗身，但未夠煙韌。菜脯葱花各半，並有兩三粒冬菇，足料。
英記油渣麵
地址：大角咀大角咀菩提街4號
電話：2390 7397
詳情： http://bit.ly/2EQO3uh
4.春潤堂
家庭式小店，門前一個車仔檔，韭菜豬紅大腸魚蛋牛柏葉碗仔翅甚麼都有，成名作是豬油渣麵。款式多，座位少，很多人排隊買外賣。說回油渣麵，油渣是軟渣，部分鬆化，部分硬身。麵，用上海麵有彈性。菜脯任舀，有辣有不辣，辣的有豆辦醬香味，抵讚。湯是敗筆，雖有冬菇，卻沒有冬菇香，兼且重味精，吃罷要狂灌水。
春潤堂
地址：深水埗大埔道14-16號華都大廈2號鋪
電話：2788 2383
詳情： http://bit.ly/2Juqqop
5.老三油渣麵王
土瓜灣地踎麵店，製作卻用心。主打油渣麵，店主是醉瓊樓太子爺，選用肥瘦比例9:1的肥豬膏來炸油渣。油渣炸得甘香硬脆無油膉，非常鹹香。上海麵的基本配料有蒜油、炸蒜、冬菜等，滋味豐富。油渣麵以外，滷水亦不錯。包括滷豬耳、豬頸肉、豬手、豬肚絲等，入味有層次，大胃王都可以吃得飽飽。
老三油渣麵王
地址：土瓜灣新山道4號長城大廈地下1A鋪
電話：6736 2623
詳情： http://bit.ly/2KIFPDD
採訪：關廣恩
攝影：攝影組
===================================
立即Subscribe我哋YouTube頻道：http://bit.ly/2Mc1aZA (飲食男女)
新店食評，名家食譜，一App睇晒！
立即免費下載飲食男女App： http://onelink.to/etwapp
《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相：http://bit.ly/2J4wWlC (@eat_travel_weekly)
鼎爺燒腩仔食譜 在 阿爺廚房｜鑊底燒肉｜李家鼎｜譚玉瑛｜鼎爺｜消失的味道 ... 的推薦與評價
【阿爺廚房】鑊底燒肉燒肉相信好多人鐘意食，屋企無焗爐又可以點解決？原來用鑊就可以炮製燒肉，既方便又快捷，要做出「荔枝皮」又有咩技巧呢？ 鼎爺 仲 ... ... <看更多>