關於 點解叫兵頭花園 ，我們在網路上蒐集到這些相關的討論、資訊與評價

//支持本Page請Click入內文比Clap，已為Medium收費會員請直接Click入內文閱讀，謝謝！//

天下制裁遊行係響一連兩個星期沈寂之後嘅遊行集會，而亦正如所先前所言，經歷過之前一連串捉鬼天屍分化撕裂之後，成場抗爭亦開始失去佢本身嘅衝擊力，呢次嘅遊行集會最尾會唔會回歸「夠鐘散水第朝準時番工」嘅舊有飯民模式、跌破「抗爭榮枯線」。

其實警察亦一早知道今次成功打確運動嘅重要性，所以一早就經已作出好全盤部署：先反對遊行路線而逼迫主辦單位響遮打花園舉行集會，再響附近佈重兵形成圍捕包圍網，響遊行正式開始前已瘋狂搜身拉咗四個人；然後再響集會開始不足兩小時內就要求腰斬集會，務求就係要將集會扼殺於萌芽之間。

當然另一邊主辦單位同文宣組亦已做好準備，響開始集會前已呼籲將集會改成流水式，以響不違反對通知書嘅前提下，將民眾「溢出」廣場四周；然後又事先規劃去逃生路線，務求一見勢色唔對就比老弱傷殘走先。

然後就出現咗當日經典一幕：當一名聲稱警民關係科、拒絕出示委任證嘅疑似警察強行要求集會中止之後，佢同佢身邊嘅疑似便衣立刻比憤怒嘅群眾圍毆；當中曾經有疑似阻膠嘗試掩護便衣，結果卻被打埋一份，然後一行倉皇逃至長江中心對出仍然被追打，直至防暴重兵前來解圍為止。

之後警方又係用回佢近來一貫驅散手法，先TG驅散群眾、再亂拉一輪立威；然後再進行若干大圍捕截查相關人士，但最終拘捕人數明顯係比新年元旦遊行少──有人話係因為警察改變濫捕策略，其實真正原因卻係響現場好多示威者經已好醒、始終同防暴保持安全距離，一見勢色唔對就散水安全地方，大部份時間差佬係欲拉無從。

1月19日天下制裁遊行同過去有一個好大分別係，班捉鬼天屍全線失蹤；唔止係咁，和理非KOL如蕭若元、劉細良，對呢場示威更只係輕輕帶過、提過下有呢件事就算。出現呢個情況有兩個可能，一係呢班和理非KOL覺得無辦法老屈獅鳥便衣嘅義士係鬼、加上主辦單位唔係民陣，於是就索性低調帶過，廢事幫你班非大台搞手造勢，同時亦唔想比勇武派Credit；二係早前好多人對亂咁捉鬼都表達過不滿，呢班捉鬼天屍避免犯罪憎唯有稍避風頭，等風聲無咁緊時先再出番黎捉鬼。

響度當然要強調，天下制裁遊行舉行期間一樣遭受好多不公平對待，尤其係警方老屈主辦人劉穎匡故意「迫爆」遮打花園違反不反對通知書要求，但警方估計當日集會最高峰人數只有1.25萬人，遠遠不及遮打花園超過2萬5千人嘅容量；而且話佢明知在場便衣係真警察都要扮唔知而被捕，呢啲擺明就係政治迫害，作為一個時事評論員係有責任同社會公眾解釋究竟有幾不公義。

再者，當日嘗試保護疑似警員免被圍毆嘅「阻膠」，之後被確認到一直陪同被毆便衣直到最後，幾乎可以肯定係鬼──點解一班捉鬼天屍咁鍾意捉裝修、放火魔法係鬼，擺明就係真「鬼」嘅阻膠卻又扮睇唔倒？講到尾，捉鬼天屍從來只係想將自己唔鍾意見倒嘅勇武裝修同其他勇武行徑妖魔化，但去到和理非自己成日都會做嘅阻膠行為，就隻眼開隻眼閉，所謂「捉鬼為咗分清敵我」、「保護群眾」根本從來係藉口。

最後講到今次1月19日衝突嘅檢討就係，警方同抗爭者似乎都各自進行進一步嘅博弈：前者希望繼續用超重兵佈防加提前腰斬集會進行阻嚇，令一般市民唔敢再上街；而後者則繼續往「不受傷不被捕」、Hit & Run路線發展以保持有生力量之餘，卻仍然以勇武行動對政府造成壓力，唔比佢粉飾太平。

所以一方面大家應該慶幸勇武派並無完全離棄大家，但另一方面和理非亦都要自我檢討一下，係咪一定要掛民陣牌頭兼有哂不反對通知書，仲要確保現場唔會有勇武衝擊，你班身嬌肉貴嘅大少爺大小姐先肯企出黎？天下制裁遊行集會講到尾只係得唔夠十萬人，以對政府施壓黎講呢個人數係唔合格。

好多人都經已唔記得咗，當日佔中928、三罷612，好多市民都係基於警暴亂射TG嘅義憤，撲出黎保護企響第一線嘅義士；唔知點解過往講嘅「勇武為矛、和理非為盾，盾牌係響矛出擊完再收回後再提供掩護」，竟然去到而家比劉細良之流歪曲成「勇武係盾，負責保護和理非安全」，然後仲要話唔顧和理非安危嘅勇武全部都係鬼，就算唔係鬼都要檢討點解要做啲和理非唔鍾意嘅嘢，真係屌你老母。

而家好多和理非KOL經已Shift咗去搞功能組別選民登記，覺得呢個就係抗爭嘅出路，至於一班學者則狂抽「黃色經濟圈」水，借住引入各種所謂學術分析搶奪話語權。我唔係反對搞呢啲嘢（甚至進軍功能組別選舉都唔完全反對，但首先要清算現任果班無能議員先），但呢啲從來只係輔助，真正比倒壓力嘅一向都係有風險嘅街頭抗爭，如果你以為自己登記咗選民、食飯果陣幫襯咗幾次黃店就叫做咗嘢，叫你上街又要諗過度過，咁你只係自欺欺人。

［失身記］性交轉運 — 我的第一次（下）

1. 上集在此（http://bit.ly/2R6wzwZ）

2. 呢度講多少少。我失身，同陳慧嫻有乜關係？答案：對手係讀瑪利曼嘅，陳慧嫻亦都係。名校女生。係喎，打後我都對名校女生有啲癖好，就連我老婆都係。當然我冇好刻意咁揀。嗰時膚淺，主要都係睇樣。後來先知身材同就手都係好重要的。

3. 當事人屋企都係有啲錢的。唔係富豪，但i mean，中上級嘅中產啦。住雲景道喎（唔怕講）。一層兩伙嗰啲喎，好似千鳩幾尺喎。對我呢啲住屯門元朗天水圍（三度都住過）三四百尺嘅小朋友嚟講，好震憾架。

4. 當然佢就有工人（好似唔係賓，不重要，我又唔係搞佢工人）。但更重要嘅係，有後門！i mean間屋有後門，唔係條女有。BTW，我從來都唔搞後門，一次都冇。我好怕任何搞後門嘅AV，亦唔明點解啲鬼佬咁撚鍾意玩後門，有話係因為啲鬼婆鬆 — 但你見interracial 搞亞洲女佢地都一樣係咁。只能講句習慣成自然。

5. 係喎，我點知有後門？因為我去過作客咯。當年其實只會主場同作客，冇中立場。冇錢爆房，亦冇錢一年去幾次日本。作客就梗係難踢。因為我呢位男朋友係唔見得光嘅。我要做嘅，就係去天后打躉。好似有架小巴上雲景道定乜？然後仲要坐後門嘅電梯，在後樓睇等。在後樓梯搞？你就想。唔好睇咁多向西。我就真係等，寂寞到夜深。

6. 而當年，當然係未有whatsapp，冇得打住機等（打住飛機就可以嘅，但為何浪費彈樂？），冇得上Facebook，冇智能電話。幸好已經有部手提，愛立信嘅3系。但除咗打出打入，同埋買本一本便利嚟入do rei mi鈴聲外，冇其他功能（可以掟人嘅）。

7. 在後樓梯我做乜？就係睇書。有時睇文學書，但最記得係睇C。係睇C，唔係睇詩。C語言。結果我得個C，注定數學再好（咩呀？挑我機？阿叔數學差不多次次滿分，由附加數到純數都係，三個嘅卷我一個鐘左右做完）都唔會做到quant，又冇得做data scientist 大數據呃食飯。應該係嗰期考試（考試唔使扑嘢？就係考試先要扑嘢減壓！）。如果有呢個後樓梯我應該C都冇

8. 呀，去到作客，就真係唔同，就好似阿仙奴對巴塞咁（係！當年就有呢個對決！）。後生仔唔知，阿仙奴以前在高貝利，出名係細場，玩到巴塞啲友謝，成日扭波交波出界，斬波大力少少就射咗上民居（係！高貝利隔離係住人的！）。我情況差不多。在太古堂就只能男上女下，下格床如果女仔在上面會頂頭，而我唔會痴撚線到爬上同房上格做 — 唔係我有良心 — 而係會頂天花板！

9. 作客，魯營喎，坐十萬人喎，雲景道喎，就真係唔同。對手甚至成世都冇訓過碌架床（我看見時代的眼淚，但，「咁巴閉咪又係畀我扑」）。佢有張大床，好大的床。床頭玩到床尾都得。樓底又夠高，點頂都頂唔到天花。咁就可以玩女上男下了。你睇，當年雖然未去到扑嘢都冇錢冇位嘅程度，但原來有錢就可以騎乘，冇錢嘅只可以下格床傳教士。我首次感受到個階級矛盾。

10. 呀，仲有歌聽，係喎，梗係要播歌。我另一性癖：其實我做愛係唔會聽音樂嘅。我係一個好講專心嘅人。扑嘢就扑嘢，聽歌就聽歌。正如我溫書亦都唔聽歌。不過作客就要聽歌，否則會嘈到老母。名校女生嘅房有部幾好的音響，仲要係聽古典音樂，Four Seasons（好聽，但未到夏天就射啦，九分鐘呀）。我就在太古堂聽張學友嘅花與琴的流星。真係有啲分野。

11. 無論如何，多數我睇睇下書，電話就會震（唔會響機啦戇鳩，想嘈醒屋企人咩）。Jones Lang 就響起歸家的訊號（http://bit.ly/35ClPvu），今晚扑野夜唔夜（http://bit.ly/2FzDiKl），耶耶托尼耶耶耶（http://bit.ly/2t5l7JJ）！然後佢工人就會開門畀我，將我由後門偷運入去。呼！勝利嘅時刻卒之來臨，蘭諾夫費安尼斯爵士再同補給船會合！

12. 然後？有時我就係好似摩梭族咁。即係點？我都唔知做乜我睇埋啲咁嘅嘢，多得李照興同埋周華山。摩梭族係母系社會，仔女都係成班女人養，根本唔分咩生父。生父，就只係「嗰晚嚟打咗個冷震嘅男人」。同配種差不多。我就係有時咁，半夜走人，放低幾毫升，未睇到雲景道嘅雲景，就不留下一片雲彩。

13. 點解？唔係我薄倖，而係，大佬，第二朝點走？！？！人地老母起身嘛。當然我試過，朝早六點幾七點同佢一齊走，我送佢返學，去我永遠都唔會讀到嘅瑪利曼（廢話，女校嚟的）。食我嘅早餐。然後返去太古堂訓覺（唔通去上堂？）。

14. 亦都有試過係出事嘅。唔知我訓過籠定佢訓過籠定佢老豆心血來潮半夜睇歐聯。總之，偷運唔到。咁就仆街咯。我就好似你睇戰爭片（Dunkirk定1917 )啲小兵咁，被困。咁但，都話人地有錢女，老母係唔會好似我老母咁亂撚咁入房（又體會到階級）。佢鎖住我大半日都冇事。肚餓？佢會叫工人拎嘢比我食。「但要屙屎就仆街了」。對手並未去到自己房有個塔。幸好我只係小便，有水樽。呼。

15. 後來？其實冇乜特別。分咗手。原因唔係好記得，但唔似係我有第個或佢有第個。但好記得係佢主動提起，當然呢啲你飛我定我飛你我唔會介懷或在意，可能係我仆街到等佢忍無可忍講。

16. 分手後，佢搞上咗我嘅Hall Mate兼朋友兼中學同學（其實有心嘅會知係邊個），有可能在分手前佢地已經搞上。呢位朋友，就係嗰時成日同我去兆萬花園餐廳鋸扒嘅嗰位。甚至唔止一次，先後兩次定三次，佢都係同我泡成，或唔成，嘅女仔一齊。真係有舖食廚餘嘅癮。

17. 但天地良心，我同朋友冇乜介蒂。Year Three我地甚至一齊租屋。女仔會唔啱聽，但嗰個年代真係兄弟如手足女人如衣服啦。或者根本唔係好愛，年青人嘅情慾啫。後來同呢位朋友行遠咗，但從無咩面阻阻或乜，而家偶然會成班人食飯。

18. 甚至我地大學畢業時（Hall Mate當然同大學），咁大家都係無心讀書，但居然都畢業。我就錫根撈華，佢就third安娜。史兄個朋友就同佢食煙去賀人賀。我呢？去咗銅鑼灣。叫雞？唔係。我地只係去咗食法國餐。其實咪又係香港人扮撚晒嘢。但個餐牌得法文。當年當年冇Google Translate，我地又唔敢問。結果齊齊食魚，法國大餐多舊魚。點解？因為係我唯一睇得明嘅嘢。Poisson係魚。點解我知？因為Poisson係個統計學家，我仲有上堂時（即係year one早期，1997年尾，未失身時），上堂時教授有講Poisson法文係魚咁解。應該係我讀精算唯一學到嘅嘢。

19. 女主角。後來好似去咗美國讀書。之後嫁埋人，聽聞嫁得好好。呢個時侯就要講慕遜加柏。慕遜加柏係隊唔多出名嘅德國球會，曾經勁旅但講緊我出世之前。點解我會迷戀呢隊波？因為佢出好多之後好有成就嘅球員，遠有納妙，邦荷夫，希歷基斯，福士。近有馬圖斯，艾芬堡。再近啲有萊斯。即係feeder club，為他人作嫁衣裳

20. 又關乜事？因為，真的。我好多ex都嫁得好好。任你用咩標準，總之就係好，遠好過平均。老公又錫佢，又富貴（仲想點）。我懷疑我有段時期不停咁在網上講呢樣嘢，見到女仔都會講，從而勾佢地上床。等佢地有一個「同埃汾上完床就會嫁得好」嘅幻想

21. 而個成功率好似幾高喎。真正嘅性交改運。亦係呢兩篇文個題嘅由來。

22. 關於周小姐嘅事，應該講完了。拿，有姓，有埋年份，知埋學校名，知埋住邊，其實有心一搵就搵到當事人。但重要咩？我反正唔係佢第一個男人，佢拎走我嘅初夜，亦冇乜咩咁特別，就只係咁啱嗰個人。我唔會話我唔愛佢，更加唔會話冇感情（冇感情寫咁大篇嘢？）。但話我好愛佢亦係大話。

22. 吾友 置地記者少寫自己嘢，話賣藝不賣身。我就話why not both，又賣藝又賣身，莫負青春好年華。失身都唔寫嘅，唔通死咗先寫？我鼓勵大家寫下第一次，真的，每個人都有一個故事。你啲其他故事我未必想聽，但失身故事，我應該總會想聽。

23. 返去寫吧。咩話？你仲係處男／處女？I am sorry to hear that。幫你唔到。男嘅我唔啱，但自己去澳門或富士山（識嘅自然明）吧。女嘅？叔叔從來冇處女情意結，當年都冇，況且我唔係好想成為你筆下嘅對手。雖然亦有唔少對手畀過差評。

24. 事實上，我話我第一次冇好似史兄咁幾下搞掂，唔係我勁或佢虧，主要都係彩數。天時地利人和，人生控制到嘅，比你想像中少。但正係咁人生先吸引，性愛先咁吸引。我試過好爽嘅性，試過好差嘅，I’ve look at sex from both sides now，from up and down（http://bit.ly/2tJCmAw），男上又好女上又好，未試過點知呢。我一樣試過幾下就射咗，甚至好似試過一放入去就射咗，對方真係「你有冇搞撚錯」然後指住我嚟笑，不幸地仲要係個靚女，但又如何？意外嘅嘢。

25. 我亦都試過有個原本唔熟嘅女仔朋友，樣子普通身材好似幾得，真係主動送上門，明顯係貪我靚仔或有才華，或者自己寂寞。但結果？我起唔到頭。佢好似之後都冇睬過我，佢應該覺得我侮辱咗佢。但只能講句，你估我想架咩。意外嘅嘢。

26. 所以，去經歷吧。然後寫低佢。但唔使拍片了。

幾小時前一個講facebook safety check的一篇短文，短短半天，被分享了近四千次，觸及範圍達八十一萬人。最重要的是，很多人看到這篇文後，都撤回了誤用的求救post，把空間留給有需要人仕，這是我寫那篇文的重點，能夠幫到大家、留返多一個求助渠道俾需要幫忙的人，這就夠了。

在這裡我還是要謝謝各位前輩（尤其是健吾姐姐）幫忙分享，才能有這個成績。另一方面，我想很誠心地感謝，一直以來都有在我這裡留言的讀者朋友。這裡合共超過400個留言，每個留言我花一分鐘，也得花六小時才能處理完，更不要說有些存心來找碴的傢伙。非常感謝大家幫忙留言，拔刀相助，在我爆炸之前收左好多呢啲煩膠嘅皮。

好吧，每隔兩千個新的follower，我這裡也得重新說一次我這裡的規距。首先，這個page我保證除了羅賓漢行動外，絕對唔會出現任何廣告，我保證我每篇文都冇收任何人錢。我開個page黎係分享我的世界觀，你喜歡可以很喜歡，你不喜歡一定會憎到我死，但是，我不介意，因為我唔係靠你個like食飯，亦都唔會因為多左定少左個like，而改變我的理念同信念。所以請你唔好當我呢度係其他的專頁，可以任你撒野。入屋叫人尊重主人家是基本禮貌，呢個page之內，我係主場，你係客，你要是不懂禮貌，就不要怪我不作款待。唾面自乾絕對不是本家風格，你冇家教，我代你老母教，就是這樣。

講完勞氣野，我就再講啲更勞氣嘅野。我睇左幾百個留言，我依家一見到留言講「理性分析」我就真係頭痛。呢啲話自己「理性分析」的留言，同大陸講自己「民主文明」簡直係一模一樣。佢地嘅理性並唔係一般的理性，而係佢地帶有個人強烈情感的理性，即係同條女西曬面但死都要話自己「我冇嬲」係無任何分別。遇著佢地，往往都係秀才遇著兵，有理說不清。

「唔應該直接拎外國嘅價值觀批評香港嘅文化」、「幫手鬧少啲香港，唔好咁自卑睇唔起香港野」、「but I wonder how much you understand British Culture」

係呀，佢地覺得自己好冷靜，但一開口句句都充滿個人意見，明明自己用字侮辱你話你自卑在先，但你一起佢圍佢就會話「你冷靜少少」，講到反而係樓主本人潑婦罵街，呢招真係好絕。如果唔係白紙黑字有晒前文後理，我俾佢咁樣描述完真係「好唔冷靜」。

你試下第一個comment俾人imply媚外「拎外國嘅價值觀批評香港嘅文化」，但之後第二個comment又用更白人優越的語氣用英文去講「其實我都唔知你有幾認識英國文化囉」，然後再下一個comment同你講debate係英國國會develop出黎… 嘩~ 到呢啲龍門飄移到十號風球咁款的人，我係真心跳掣。你老幾呀同我講英國文化？你係lord定係sir？我同個Sir 上床，你都未有機會行入去佢後花園呀，而碰巧我舊公司大呀頭就係一個lord，係呀，聽佢地講歷史講文化係好開心架，但咁又點呢？英國文化我唔識太多，不過我從呢啲男人身上，學到咩叫「騎士文化」和「紳士文化」：英勇無畏、憐憫弱者、謙卑禮貌，這是我認識的英國文化。至於拎天災死人塌樓去作為一個「俾香港人一個假一個鬆下的機會」，這和我認識的英國有點不同，你是去大陸世界之窗那個英國學回來的嗎？說好的憐憫之心呢？說好的博愛呢？

如果你見到「人妻先生手記」就以為係一個好好蝦，乜都唔識的師奶，你真係錯得非常非常非常緊要。平時可能你一兩句英文，講下英國和歐洲的見聞可以呃下啲妹妹仔。但係老子我，呢啲食盡天下男人的得道老妖，你完全唔係我個水平的對手。噗嚇，還妄想跟我debate了？幾多人等緊同我傾計，我一定要招呼你架？貪你口臭？定貪你隻蕉？(I mean黃皮膚白人心) 你有18cm嗎？沒有就別插隊了。

仲有，你可以質疑所有人，但你絕對唔可以質疑我對香港的感情。我對香港冇感情、唔為香港自豪的話，我唔會離鄉別井都仲繼續日日喺度寫文，每日起碼用兩個鐘寫文同回comment，你講到自己咁為香港，你有冇每日免費拎兩個鐘出黎？你有，你先叫做同我平起平坐；你冇，又憑咩黎叫我幫手鬧少啲香港？你對香港的愛就係咁膚淺，因為你打從心底始終覺得，自己是個比香港人優越的人。我和你不同，我知道自己優秀，我也承認自己優秀，所以我會用盡我的能力去幫香港，我就係覺得有得救先至會繼續治療啊！我就係覺得香港人唔係黑心，只係貪玩或者唔明白個系統，先會出文去鬧呀！你有冇見過我譴責過強國？我去開個微信帳號寫文，仲隨時有打賞添，點解我要留在facebook寫無錢收的文？我時間多得濟？落吧溝多兩條洋腸玩下唔好？

最後，我再講多一次，你唔好同我講禮貌，你唔俾面我，我駛乜俾面你？要是對爛人我都咁好聲氣，咁我點對得住長期都對我咁好的讀者朋友同各位前輩？以德報怨，何以報德？

#你真係唔好同我講文化
#我喺香港電台開咪講文化嗰陣時你都未玩facebook
#亦都唔好同我講英國議會規則
#我十年前大學上莊就係跟呢套
#order到你鬼都冇得做
#人妻先生係男人
#人妻先生係同志
#人妻先生係婊子
#但人妻先生唔係壞人
#我話過起你圍講得出做得到
#放心我冇開名
#放心我亦都block左你
#放心冇人搵得返你個comment
#保護弱者係強者的天職
#縱使你真係好乞我憎
#我都係會保護你
#我很婊但我很溫柔