關於 鬼佬涼茶可樂 ，我們在網路上蒐集到這些相關的討論、資訊與評價

[轉左新地址，依然何蘭正！😍] @holjeng_
Address: 中環雲咸街29號東方有色大廈2樓

💙 之前何蘭正喺舊地址嘅時候，已經幫襯過☺️ 上一次食都好滿意。而家見佢轉左地址，就趁中午過嚟試下👍🏼
💙 上到去環境同之前感覺有啲唔一樣，而家可能因為有大玻璃感覺開陽咗好多！以前嘅”鬼佬涼茶”燈箱仲喺度☺️ 玻璃亦都整咗”何蘭正”燈箱，同畫咗啲pattern好搶眼😍
💙 Lunch Menu同之前食嘅Dinner Menu好唔同，都幾有驚喜🤩
💙 雖然未有酒牌，未叫得酒住🤣 不過發現而家何蘭正有專業炒豆師同barista坐陣，有多款咖啡☕️可以揀！連Affogato都有👍🏼
咖啡豆味道可以揀nutty or fruity
仲可以揀vegan milk! 😍 (Oat or Soy milk)
我揀左coffees bomb 💣 (coffee coke) $48
第一次飲咖啡加可樂，發現原來幾好飲！😳
兩者好夾，有氣咖啡嘅感覺😎
💙 石斑魚柳漢堡包🍔 $168
呢個漢堡包好有心機！首先魚柳用左龍膽石斑魚柳，煎得好好味😋
平時漢堡包用醃青瓜做配料，呢個漢堡包就用咗醃奇異果🥝好特別😍
他他醬入邊仲加咗啲皮蛋👍🏼 拿，呢個漢堡包就有芫荽嘅，我本人就好鍾意啦🤣 如果你哋有人唔識芫荽記得叫佢走芫荽😎
💙 何蘭正style egg benedict $158
你個Egg Benedict用左開邊長棍麵包 (Baguette)，除咗糖心蛋，最正係有Iberico叉燒！啲叉燒真係好好味🥺👍🏼成個配搭都好正
💙 Giant Puff! $98
我見好多人都嗌左呢個打卡🤣 想甜品嘅時候係用中國式點心蒸籠上，好特別
上邊藍色嘅裝飾，原來係用大菜糕絲浸左碟豆花水而做😳
啲cream好滑好香😍
💙 成餐飯都食得好開心🥳 可以話何蘭正質素冇下降之餘，仲越早越好👍🏼

P.S. 而當日發生咗件小插曲。就係我唔小心將一大杯Coffeein Bomb 倒咗落自己個身，對鞋，同埋地下度🥲🥲 職員效率迅速，幫我哋轉左位，清潔好地下，仲好好人咁沖過一杯新嘅飲品俾我❤️ 感動🥺 嗰日真係唔好意思🙏🏼
#littletummywestern #hoLjeng #荷蘭正 #littletummycentral #lunch

😍青檸可樂骨😋
食譜: https://bit.ly/3aOXLLN
今日打完仗… 真係攰到媽媽都唔認得😅 堅係要食啲酸甜嘢…醒醒神😉 今次用咗可樂嚟炆煮豬肋骨…再加埋青檸嚟整…味道更加清新🌿襯埋冰凍嘅鬼佬涼茶…真係話咁快就清曬碟 😋😋😋

#豬肋骨 #青檸同可樂係好朋友 #成鍋上枱好鬼型 #下次用可樂整乜好呢 #啜手指菜式

［KFC回歸香港上市］仲有我同KFC，Pizza Hut以及百事嘅恩怨情仇

1. 美國上市中資股回歸香港，一浪接一浪，唔一定要科技股　百度　網易　阿里巴巴　京東先得嘅。最新係呢隻，Yum China。

2. Yum China，可能有少數人唔知係乜東東。就係KFC同Pizza Hut．其實仲有Taco Bell　（從冇食過）。仲有小肥羊都係佢嘅—小肥羊曾經在香港上市，但私有化咗。

3. 咁你話，唔係美資野咩？KFC喎。其實原本都係，Yum China獨立上市唔係好耐，係由Yum Brands分拆嚟的，2016年尾拆出嚟。原因當然係投資者要求，覺得拆出嚟先反映到價值。拆出嚟之後，股價係跑贏嘅。

4. 咁而家Yum China，講緊200億美金市值左右。Yum Brands講緊都未夠280億。喂，中國VS全世界其他喎，可見中國市場幾咁好賺。嘩，如果十三億人個個都中產，一個星期食一次KFC，真係不得了呀！（呢類呃鬼佬嘅廢話，雷曼爆煲前我都寫過唔少）。

5. Yum China　200億美金市值即係幾多？又比較下。麥當勞，講緊1400億市值。係Yum Brands 加埋Yum China　三位咁滯，單品牌咋。之前講過嗰間Chipotle，就280億市值。Wendy’s Shake Shack　Jack in the box（全部都單品牌上市公司）之類就太細了。

6. 又，我好細個已經估KFC，Pizza　Hut同百事係同一檔嘢。因為小埃汾係可口可樂支持支，細個係唔肯飲百事的。但KFC同 Pizza Hut就偏偏只係得百事七喜，應該係有路。正如細細個我已經發現，大家樂係用維他汽水的（！）。事實就係，Yum Brands，原本就係百事嘅快餐部門。亦即係，當年根本KFC Pizza hut係百事旗下嘅公司，當然而家已無直接關係。聽聞而家澳洲KFC Pizza Hut係可口可樂的。

7. 不過其實我到而家都唔係好知，點解吉野家係用百事七喜，應該唔係同一老細，至少香港唔係，只係因為平啲？外國吉野家呢？其實我台灣同日本都有食過，但唔係好肯定係咪百事，因為好似飲烏龍茶，同埋大個咗我已經冇咗呢種堅持唔飲百事嘅執著。呼，人大咗，放棄咗幾多堅持呢。在那些開放的路上，踏碎過多少理想。呼，我曾經餐餐都要食飯添，而家開始耐唔耐cold sandwich做午飯—唔係因為健康，係因為快，同埋冇咁易眼訓。我曾經只係鍾意東亞女仔添，呼，但而家覺得鬼妹都幾好睇。

8. 講返，應該好多人知，KFC在中國做得好成功，比麥當勞成功。其中一個原因亦係因為早入，應該係87年大陸已經有KFC，第一間西式快餐店—甚至係八九六四之前。麥當然就要八九六四後先有，舊文都講過，蘇聯麥當勞仲早過中國（https://bit.ly/2V9LNUP）。KFC在大陸成功之道，除咗入得早外，都好多人知，就係十分「在地」。有粥食，有涼茶飲，仲有其他古靈精怪嘢，可以問下常返大陸嘅版友。

9. 另外有個講法話，麥當勞呢啲係外來嘢，但炸雞本身都係中國人有嘅嘢云云。我係有啲懷疑嘅。「肉夾饃計唔計先？」。另外，就算個講法成立，都係任你講。如果係麥當勞跑出，你一樣可以話麥當勞係藍海，唔使同成堆中國炸雞爭。所以呢啲企管嘢都係任你鳩up，吹下水可以，但唔好當自然鐵律咁。我都係比較相信係因為早入，同埋在地。

10. 仲有幾樣嘢我想講。首先，本人並不算特別鍾意食KFC，但其實埃汾個人Facebook有個玩意，叫做KFC全球試爆。就真係食咗幾十個國家嘅KFC。比較出位嘅可能係柬埔寨同越南KFC，另外我在京都都係有食嘅，「一場嚟到古都食啲特色嘢」（唔通食古都光咩）。舊年生日我就在暹粒叫雞（炸嗰啲）。2017年平安夜就在鹿兒島食KFC！啲日本人真係當聖誕餐的！

11. 但，信我，除非你食嘅國家多過我。本人權威地講，最難食嘅，必然係香港，沒有其他。絶非偏見，有機會做個blind test，呢樣嘢甚至係發生在我仲係幾鍾意香港嗰時。另外，for some unknown reason，韓國KFC同台灣都係比較唔掂嘅。大陸嘅反而算中間水平。

12. 而仲有，得罪人我都要講。香港KFC啲員工，真係廢撚到一個點。咁你梗係屌，收你好高人工咩，你去做丫笨（而埃汾就真係做過麥當勞，拿呢啲到九十歲都仲講呀）。但我當然唔係同咩米芝蓮三星啲女比，我就蘋果對蘋果，同麥當勞之類比。KFC啲員工，真係唔知做乜撚的。永遠我未撚講完就同我講多謝幾錢，同佢講加多個葡撻又即時當你講完，漏單之類更係常見。啲員工各自各吹水亦都固然。係呀我知，拎你雞碎咁多人工比條命你好味嘛，咁我肯撚定大陸台灣日本嗰啲好撚高人工的。所以真係唔好問點解日本人得香港人唔得。（又，在日本有返元祖味道嘅鬆餅的說，好似仲有吉士布甸朱古力布甸）

13. 呀仲有一鑊，我叫外賣，個KFC外賣仔，居然走去調戲埃汾太。自此我就唔再叫KFC外賣，改為叫埃汾太落街買—係喎，寧願佢在舖頭畀人調戲，眼不見為乾凈（講笑，其實根本冇叫過佢買外賣，原因係我唔鍾意外賣，嗰次應該某啲特別原因）。

14. 至於Pizza Hut啦喎，其實係童年回憶。埃汾屯門置樂附近某中學讀書（得嗰兩間），細個呢，如果午餐去椰林閣呢，就好高級架啦（呢間嘢居然未死，仲一度傳上市，可見香港地做生意幾咁好）。去到Pizza Hut？喂，好撚大件事架，真係溝女先去。而我冇女溝。正如我話，我大學年代，溝女去百人一朱（原諒我對百人一朱十分執著）。但我啲名校同學？屌，中學已經去百人一朱，大學去有馬去友和去水車屋。真係階級分野。

15. 但亦都好肯定，當年嘅Pizza Hut，並未變到而家咁劣食嘅。我都幾肯定唔只係細個回憶美化，或者嗰時見識少。即係同一個忌廉磨菇雞湯，你可以比較下當年嘅濃度，同埋雞仲有菇嘅數目。都唔好講價錢。

16. 至於小肥羊云云，香港都有食過（你老味嗰時旺角店排鳩你個幾鐘，訂咗位都仲要等）。但我居然又係唔記得佢係唔係百事。不重要。但想講，小肥羊就真係衝出中國，打入日本（說好了的日本人崇優），開撚到去宮古島開撚到去札幌，甚至開到去美國開到緬甸。

17. 講咗一大輪，講到啲餐廳好唔掂咁。咁但，又未必。講真，快餐店啫，米芝蓮三星咩。主要係香港嘅KFC不知所謂，外國嘅，你見我去到京都都仲會食就知身體最誠實。

18. 況且，分析員第一戒：千其唔好用你自己嘅喜好去衡量個市場。你覺得狗也不屌嘅，可能大把人食。而好唔好食，同賺唔賺錢，同股票得唔得，往往冇乜關係，甚至係負相關。《食神》都有講啦。你嘅全世界最賺錢嘅，都係麥當勞，香港就大家樂。係靠呢啲流水作業機械式生產，先將啲成本壓到最低。或者好似美心咁，味將軍集團，多品牌經營—即係Yum Brands其實都係咁玩法，拎啲百事去KFC賣咁，美心就拎美心西餅啲排包去美心MX做早餐賣—是真的！我有鑊真係見佢話冇晒排包，就去隔離美心西餅買！inter segment sales 呀！

———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。

請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。