［有人貼錢送原油，有人貼錢都要買金］兩者有冇必然關係？好似冇，但其實有少少
1. 負期油等等，都講左好多，不再講。總之呢，其實讀書都有教，計期貨價，有cost of carry的。呢啲真係金融101，CFA必讀（＊）．咁你盲鳩鳩去炒，即係同你唔睇Black Scholes去炒option差不多（＊＊）
2. 相反嘅講法，就係convenience yield．
3. 呢度唔係同一回事，但見到相反嘅情況：一方面大把人貼錢都送期油走，因為冇位冇錢交收。但另一方面，買金嘅，就畀溢價！
4. 即係見到，好多人搶金。正常嘅，聯儲局1秒鐘印緊100萬美金嘛（https://bit.ly/3aIfSiZ）（呢排冇check佢部機，好似慢返啲）
5. 所謂溢價，其實係講散戶畀嘅價，同國際價嘅分別—咁你梗係畀溢價啦（正如賣畀佢就有折讓），如果唔係銀行賺乜？同你買賣外匯一樣，就係食你個spread嘛
6. 所以，溢價本身好正常。但唔多正常嘅係，個溢價而家升到好高
7. 而家，散戶買金，畀嘅溢價，一安士畀多135美金。嘩。兩個月前講緊40蚊美金唔夠。
8. 留意，呢個同睇唔睇好金價無關。你睇好咪個金價本身升跌，但唔係個溢價。個溢價咁升，只反映一樣嘢：就係啲人起勢咁搶。
9. 做個比喻，你去叫個牛腩飯（幾乎打咗牛肺飯，似乎呢排好大壓力），廚房要你等。咁叔叔長大嘅美好年代，好似有得叫「快馬」。而家當然係冇。咁你可以試下，畀貴啲，打尖。五十蚊牛腩飯你畀一舊水，性格小店未必睬你，甚至回你一句「乜撚嘢呀有錢大撚晒呀」（我建議你去九記試下），但即係咁講。況且銀行唔係性格小店。你畀多五十蚊，係你趕，不惜一切，唔係因為碟飯值咗錢。隔離肯等正常時間嗰個，依然係五十蚊，「仲可以笑你傻仔」
10. 聽聞，呢個溢價，係史上最高咯。留意金價本身未破頂架下，80年代做過2200蚊美金一安士，少年你太年輕。
11. 再講一次（雖然十居其九啲友都係唔聽書嘅），呢啲同乜柒避險，印銀紙冇關。以上呢啲應該係反映在金價，唔係金價的零售溢價！個溢價，只係證明啲友搶得好狼—而我敢話，似乎唔應該而家買實金（咁你可以買紙黃金或黃金ETF，放心，唔會要轉倉的）
12. 點解溢價咁高？仲有個原因。都同肺炎有關，因為啲金礦呀工場呀鑄幣廠又停工。另一方面，亦都唔係咁易運到去各個國家，貨運費貴，期又緊。所以咪見到溢價咁高。照計唔使太耐，就會收窄返去正常水平。
13. 最後解返題。油同金，本身應該冇乜特別關係。但，往往會係有一定反向。原因都易理解：經濟衰退油價多數跌，但金多數受追捧。再加埋而家經濟衰退係會印銀紙。
14. Oh Btw，其實私人Facebook講過好多次，但有人未玩過嘅，都可以諗下：
15. 一安士金，同一安士鐵（你鍾意一安士棉花都得嘅），邊樣重啲？
16. 唔係IQ題，唔係物理題（煩鳩係可以堅持一安士棉花重過一安士鐵的，阿基米德定律嘛毒撚）（亦唔係玩咩質量VS重量，唔好煩），係……金融101咯。「即係好似Megabyte同Mebibyte咁」。下次記住拎個電子磅去金舖磅。
（＊）你發現差不多所有嘅嘢我都話係金融101，有人懷疑本人係識唔識102的。咁其實原因有兩個。第一，就係可能我唔識102，但齋寫101已經夠殺啦。第二，寫102嗰啲就趕客架啦。反正我啲文唔係畀行家睇。事實好少行家睇我啲文，因為覺得太廢，都係好事，「咁叻你自己寫篇」。但的確，識分析，識炒，同識寫，係三樣不同嘅東西。講波，踢波同教波都係三樣嘢啦。
（＊＊）「拿Black Scholes都係金融101」。不過正經，炒option真係唔使睇的—因為有人幫你睇咗！efficient market 嘛。但當如果你只係同一條友對賭，就兩回事了。
———————
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
高質iq題 在 IQ题高难度98%的人不会回答 - YouTube 的推薦與評價
6月29日这个影片.......好累呀. ... <看更多>