關於 香港 成為 轉口港的 原因 ，我們在網路上蒐集到這些相關的討論、資訊與評價

慣性收視開始失效？

以往，只要大台黃金時間的港劇收視低過20點，都會成為新聞，因為在慣性收視的力量下，這種情況較為少見，不過，今年的情況有所改變，只是半年時間，930已經有三套劇集收視不到20點，《大步走》計埋跨平台收視，平均收視只有19.3，《一笑渡凡間》直播平均收視18.9，《欺詐劇團》直播平均收視15.4，而今年重頭劇《刑偵日記》首周直播收視更只有17.5。表面來看930時段收視跌了不少，慣性收視真係開始崩堤？

要留意的是，大台由六月一日起改了宣佈收視的方法，之前只公佈自己的收視，為了整靚條數，仲計埋一個星期的網上點擊入去，所以收視都是滯後一個星期才公佈，其他兩台一向都沒有提供直播收視數字。六月一日起大台改為每週公佈三個電視台的收視數字，用意當然是話俾公眾，尤其是廣告客戶知道，她們在直播收視上，仍然擁有壓倒性優勢，ViuTV最高平均5-6點，香港開電視最高約4點，這兩台有不少時段，只得一、兩點，甚至一點不到的收視，這種公佈相信主要針對ViuTV今年廣告收入大増，希望藉著收視數字壓低對方聲勢的商業行為。

雖然得幾百部電視做收視調查，不過八點半同九點半劇集線，收視率平均相差4-5點，有成25至30萬人選擇熄機或轉台，慣性收視的情況已經開始有變，如果計埋近年大台的整體收視年年遞減的情況，她的觀眾其實續年流失中，這並不奇怪，因為目前選擇太多，而她的節目質素，未有明顯進步，加上形象問題，這個情況也是合情合理的。

劇集一向是大台的王牌，點解九點半連續三套劇都收視唔理想呢？近年不少詬病大台劇集情節千篇一律無新意，來來去去都是幾條公式加三角戀，警匪查案仲多到煩厭，但偏偏這些公式查案劇，仍然保持到20點以上的收視，闊別螢幕三年陳展鵬的《逆天奇案》，更以平均收視約26點，暫時成為收視冠軍，看來大台的觀眾並不介意劇情倒模無新意，睇開習慣左，反而介意去睇創新同另類。日日食開A、B、C套餐，俾fusion菜他們吃反而唔喜歡。

被某傳媒捧為「TVB十大最cult劇」，本年度「神作」的《一笑渡凡間》，其實仍然是大台傳統的三角戀、寃家變情人、兄弟反目、查案加搞笑的公式，再加抄Marvel《奇異博士》的異能和一些電腦特技，雖然有不少劣評，但因為都是「套餐式劇集」，還是有接近19點收視，如果用舊計法隨時過20點，唔夠吸引原因可能同卡士有關。

《欺詐劇團》個人幾喜歡，只有8集，似日劇模式，有長澤正美《信用詐騙師》影子，一team電影人被迫變成欺詐師，唔搞感情線同倫理，劇情直接爽快，不過結局困住班編劇條橋，明顯參考自2020年電影《叛譯同謀》，劇集應該針對網上觀眾，放棄了套餐公式，但偏偏睇開套餐班觀眾唔喜歡，可能亦同卡士唔夠吸引有關，所以只有15點收視。

《刑偵日記》的驚憟沉重、多專業名詞、較為深奧及燈光暗黑的設定，真係唔啱班愛吃套餐的觀眾睇，就算卡士強大都唔俾面，甚至有人轉左去睇「大叔的愛」，不過感覺上這套合拍劇，有意遷就國內觀眾口味，多於香港觀眾，內地豆瓣的高評分，可能已經令老闆高興。個人欣賞這劇製作上的認真，同刻意唔遷就「套餐派」觀眾口味，不過，玩左八集都未見姜皓文又令人有點失望。

大台幕後的尷尬位是，繼續寫套餐劇情遷就班唔多願轉口味的觀眾，就會被批評無新意，唔遷就他們收視又跌，廣告商同老細又唔高興，點解決好，梗係要靠副總經理同首席創意官啦，我這些塘邊鶴只能夠亂嗡幾句，未來世界是網上的，依賴直播收視，只會見慢慢跌這個趨勢，慣性收視也會續步失去作用。

#慣性收視 #一笑渡凡間 #欺詐劇劇 #刑偵日記 #套餐

🇸🇬📖《新加坡：非典型強權》中譯本合時面世

John Perry的著作《新加坡：非典型強權》，可謂研究新加坡的國際經典，喜見終於有中譯本面世，值得詳加介紹。提起新加坡的獨立故事，相信不少讀者都有所認識：原本作為馬來西亞一部份的新加坡，在1965年被其國會全票通過驅逐而「被逼」獨立，李光耀由一州之長，一夜間，變成一國總理。當時他在鏡頭前落淚，訴說其「大馬來西亞情意結」、說星馬兩地血濃於水云云的片段，成為經典一幕。但李光耀又隨即堅定地向世界宣告，新加坡將不分語言、文化、宗教而團結一致，成為一個多民族國家，更豪言「新加坡會生存下去」（Singapore will survive）。

李光耀沒有嘗試乞求馬來西亞讓新加坡「回歸祖國」，在今天看來，顯然是一個明智的決定：當地經濟在獨立後快速增長，人均生產總值遠遠拋離同區國家，超過前宗主國馬來西亞四倍以上；新加坡擁有區內最負盛名的大學，亦是區內高科技產業、金融服務業等高端產業發展最蓬勃的國家，同時擁有堅實的煉油、做船、機械等工業基礎。根據聯合國開發計劃署2019年的評估，新加坡的「人類發展指數」（Human Development Index），在189個國家當中位列第9，再一步印證當地的整體發展程度，達到世界最先進的水平，在東南亞各國中鶴立雞群。新加坡不但「生存」了下來，而且活得比大部分地方都要好。

不過若我們是1960年代的新加坡人，卻一定會對自己家園的未來，充滿徬徨和不安。而這一份徬徨，相信今天不少其他地方的華人，都有所感。

事實上，新加坡也不是一直屬於馬來亞。當英國人在十九世紀初開始殖民統治馬來半島時，他們是把新加坡、檳城、馬六甲這些港口合組成「海峽殖民地」（Strait Settlement），與當時的柔佛王朝及其他土邦分開管理。到後來，英國重組馬來半島的殖民地，成為馬來亞聯邦，也沒有把新加坡併入其中。事實上，新加坡只有在1963至1965這兩年，是被納入馬來西亞版圖。

換言之，可以確定的是李光耀那「大馬來西亞情意結」並非甚麼家國情懷，而是赤裸裸的現實政治考慮：新加坡這片彈丸之地面積，只有香港的一半，缺乏經濟發展所需的一切資源，內需也極為有限，沒可能支撐當地上百萬勞動人口的工作需求。失去了馬來西亞，新加坡就是一個沒有腹地的港口，空有航運便利，而沒有相應的進出口需求。更嚴峻的是，在新加坡居住的民族多樣化，有馬來人，有華人，有印度人等，各自有其文化傳統，故當地從來都沒有一個自然生成的民族身份，也就是說新加坡這個地方，確實有可能被民族矛盾及衝突瓦解。

不過，新加坡的人民行動黨政府卻很成功的把這些先天劣勢，轉化成建構新加坡國民身份認同的上佳材料。新加坡政府很清楚這個地方的最大、且唯一優勢，就是它位處全球最重要海上貿易路線之一的要衝，於是他們相信，既然新加坡無法利用馬來西亞這個近水樓台，就只能夠全力開拓海外市場，運用其地理優勢大力發展轉口貿易，把歐洲、美國、日本這些強大經濟體，通通轉化為自己的腹地，從而賺取比單單依靠馬來西亞市場豐厚得多的經濟利益。

因此，新加坡政府花了很多心力，去為當地打造國際海洋貿易樞紐的品牌。舉例說，他們在早年發展新加坡的工業時，都集中資源發展造船、煉鋼等與海洋航運相關的產業。他們特意設計一個教育制度，去迎合新加坡發展成國際港口的需要，包括着重於培養國民的英語能力，讓新加坡男女老幼，不論是什麼種族的國民，都操得一口流利英語，於是新加坡就消弭了他們與歐美先進國家之間的語言隔閡，方便外商與新加坡人合作做生意，或是聘請當地人為他們打工時的溝通。他們着重培養國民的實用學識和技術，亦相當與時並進。譬如近年資訊科技產業發展迅速，新加坡政府就要求學生必修編程語言，以迎合國際市場不斷變化的需求。新加坡政府一直擁抱自由主義市場經濟，盡量減少政府對市場的規管，把稅率維持在相對低的水平，並致力把這些特點向世界宣傳。這些種種，曾經都是香港的強項，但此消彼長下，世事變幻無常，恐怕未來就是另一副光景了。

另一方面，新加坡政府又成功創造了另一個奇蹟：超越當地民族社群差異的強烈國民身份認同。新加坡突然「被迫」獨立，當時的新加坡人自然是晴天霹靂，憂慮這個小港口會從此失去靠山，無法生存。但李光耀和其他建國元老，卻把握這個機會，在國民間，營造新加坡勢孤力弱的氣氛，藉此刺激新加坡人的憂患意識：「新加坡人必須不分種族，團結一致，才有活路」這種思想，從那時起就植根於新加坡人的思想中，成為新加坡人國民身份認同的堅實基礎。而這股隨時會「國破家亡」的危機感，也成為新加坡人發奮自強建設國家，造就驕人發展成就的推動力。

即使到今時今日，新加坡那亞洲航運及金融中心的地位早已蜚聲國際，並經常被拿來跟功能近似的香港作比較，但上述的憂患意識，仍然存在，擔心當前地位，可能會因為國際政治格局變化而失落。李光耀生前不時這樣那樣的警告，一旦國際形勢大變，新加坡可以不復存在。但新加坡人又擔心要是一面倒擁抱西方價值觀的話，又會失去新加坡一直擁有的獨特性，畢竟這是一個華裔主導的社會，不得不顧及另一邊的世界。因而新加坡仍然用各種方法，維持其國民的「愛國情懷」。

要在彈丸之地、小國寡民當中建構這個「非典型強權」，教育和兵役，是兩個重要的渠道。新加坡國民還是兒童時，就開始愛國教育，培養他們對新加坡國民身份的認同感，並將國民身份塑造成壓倒所有其他民族、宗教、文化身份的第一身份，對一個多民族國家而言，這是殊不容易的。而且新加坡毫無戰略縱深，萬一遭別國軍事侵略，其實完全無險可守，只能依靠美國、澳洲等盟友出兵解救。儘管如此，新加坡仍然實行強制服役制度，所有新加坡男子只要滿18歲，就會被徵召入伍兩年，箇中原因之一，自然是要培養他們不論是什麼種族，都要效忠國家的意志，其次也是訓練勇武意志。結果，新加坡政府一直以來，不斷努力地鞏固國民身份，總算讓新加坡免於因為種族矛盾而撕裂甚至瓦解，並可集中精力，繼續走只有這個港口城邦才能走下去的成功道路，假如這不算奇蹟，世上還有奇蹟可言嗎？

老規矩，香港人、香港事，原文畢錄如下。不過近來 Medium 轉咗數式，流量低咗好多。希望 Facebook 嘅朋友賞面支持。

Medium link: https://link.medium.com/LlANdgmPzZ

//

2014 年 8 月 31 日，中共全國人大委員會作出「 831 決定」，為香港嘅普選之路一劍封喉。我唔覺得係一槌定音，定咗音之後 supposed 係開 show 而唔係收檔，文人用字係講究啲。

之後嘅事，當然都係歷史 (the rest is history ，鬼唔知呢一刻之前嘅都係歷史？) 。 9 月 28 日嘅 87 枚催淚彈，往後 79 日嘅佔領，將香港人抗爭、公民抗命、爭取民主嘅志氣，統統粉碎。

雖然政府普選嘅方案因為「等埋發叔」而壽終正寢 (特首，呢個四字詞咁用就啱喇) ，但係往後五年，「民氣盡洩」係香港嘅寫照。即使中間出現過梁天琦同及後嘅本土派崛起，發生過「確認書」同 DQ 事件，議事規則一改再改去杜絕拉布，但係傳統大型遊行、集會，點吹大雞都冇氣勢冇隊形冇人數。

期間賴叔心諗，反正無事可閱，不如去政治化，寫下其他嘢，對自己、對讀者都可能更有益處。及至林鄭以 777 票擊敗曾俊華，中央情願畀一介女流 (no offence but this is really atypical ，各位女權份子請高抬貴手) 掌政，都唔要曾蔭權嘅兄弟、唔要 blue-blood 嘅港英遺物 (if not 餘孽) 。呢一下，真係壓垮駱駝嘅最後一根禾草，我戒了，打算從此 apolitical ，非政治。

- - -

屌，咁你哋睇到呢篇文，以至過去兩個幾月嘅一堆字，就知道我戒唔到。畢竟政治乃眾人之事，戒 J 可能仲易少少。而書寫政治或時事，痛苦在於你有份 (林鄭口中嘅 stake – – 留意返唔係牛扒嘅 steak ，雖然 stake 都可以 rare 。 Stakeholder 譯「持份者」真係幾準確) ，但主宰大局嗰個唔係你或你身邊嘅人。

當然，繼續寫落去，梗係有原因：世事如棋日日新，一日唔死，一日都有新聞睇。冇人估到一次中出、一次旅行、一對小情人，會一石擊起千重浪。係，就係因為一樁喺台灣發生嘅謀殺案，疑犯潛逃返香港，毋須被引渡返台灣，觸發咗政府修訂《逃犯條例》，以及至今嘅「反送中」浪潮。

不過又咁講，第一次世界大戰都純粹係一粒子彈穿過咗奧匈帝國皇儲嘅身體，就此引發。都係老謀，都係搞出人命。所以話，咩「蝴蝶效應」，真係任你講，亦唔好睇輕自己改變世界嘅能力。當然都唔好高估啦下。

- - -

中共喺 2014 年基本上係大石責死蟹咁封咗普選之路。冇嘅，安全系數要夠高，確保香港唔會成為反共基地吖嘛。當然就又篩又揀又選咁，令可以落場跑嘅人都係自己人，根正苗紅，中共政權就千秋百載，一統江湖。

嚟到 2019 年，中央嘅思維有冇變？當然冇。國家統一不分裂，比一切都來得重要。對於新疆、西藏等邊陲地區，中央將古代「和番」、「通婚」、「融和」等手段照辦煮碗，逐步從語言、宗教、思想等領域，實踐「大一統」嘅理念。

對於香港，軟性嘅輸入新移民、娛樂文化、喜茶、普教中，一直都做緊，但步伐唔係話好快。即使林鄭月娥上台，大家都只係諗住香港會繼續被融合，差在係落入大灣區定係廣東省手中。而融合同磨合一樣需要時間，唔係一時三刻由天鵝變醜小鴨嘅。

香港可恃嘅，仲有呢個城市本身獨特嘅定位同歷史地位。曾經嘅轉口港，而家都係大陸同西方世界接軌嘅一個主要關口。貿易以外，金融體系亦係香港 (暫時) 難以被深圳同上海取代嘅原因。人民幣離岸中心、滬港通、深港通、債券通⋯⋯更唔好講各種在明在暗、先進或原始嘅資金流動方式。

香港需要國策扶持，但國家 (及其領導人) 在公在私，一樣需要香港。所以解放軍咪未出動、《緊急法》咪未實施囉。

是但一樣嘢發生，香港「一國兩制」正式死亡 (雖然過去幾年都死咗好多次，勁過羅樂林) ，而金融體系賴以存活嘅法治、通訊等軟件，將會失去歐美等國嘅信心。香港呢隻雞，由會生金蛋，變成生普通蛋，都至少仲有所出。但係變成一隻不育嘅雞，就真係 KFC 家鄉雞。

- - -

但係八月下旬，香港特區政府一邊口口聲聲話大家攰喇，埋枱傾啦，另一邊廂就有穿著警隊制服嘅人士 (謎之音：這是正式錄用的警察嗎？) 繼續催淚彈放題，愛國愛黨人士就攞棍同藤條出嚟無雙亂舞冇後果。成件事，好分裂。

我最初有諗過，林鄭係咪被警隊呢個易請難送嘅屎坑觀音夾住，所以一邊吹和風，一邊又唔可以成立獨立調查委員會或宣布「撤回」。但唔係喎，林鄭呢個星期都放風威脅必要時會考慮引用香港現有法例去「止暴制亂」，即係實施《緊急法》啦。林鄭想攬炒？嗰邊嘅《環球時報》又馬上出文降溫，話高度自治好撚重要乜乜七七。

媽呀，我好亂。

直到路透社引述最少三個知情人士 (其他網媒或者報紙佬未 factcheck 就寫出嚟嗰啲你可以唔信，但路透社嘅權威地位，真係唔講得笑) ，話林鄭其實交過報告畀北京，建議正式撤回及成立獨立調查委員會，好等香港社會回復安寧。呢下，打破晒之前啲咩「林鄭收咗美國錢」、「林鄭匿埋食花生、挾香港令中央」嘅八奇沙盤推演。

Reuters 引述一名商人話，林鄭對手根本畀北京綁撚住咗。唔係林鄭唔想撤，而係中央根本唔畀。所以先有「唔係冇回應，係不接受示威者訴求」呢句咁直截了當嘅 soundbite 。

換句話講，如今香港嘅局面，一係就繼續任由示威者同警察互相消磨，一係就 somehow 中央作出讓步。

- - -

喺 831 五週年前夕，發生咗「 830 大搜捕」，黃之鋒、周庭、陳浩天、鄭松泰等政治人物相繼被捕，控罪或大或小，總之拉咗你，製造寒蟬效應先。雖然上述四位同 decentralized 嘅示威者嘅關連性都相當之低，但對外媒同泛民傳統支持者嚟講，都係一單大新聞。

警方亦反對 831 有任何集會或遊行，甚至叫大家唔好咁多藉口上街。

逆向思維，越係叫你唔好，即係越驚你咁做。 831 五週年出現大規模反政府示威，有乜象徵意義？其實多一次唔多，過去兩三個月更大鑊嘅都試過。

或者，當局都係怕再一次有好多群眾上街嘅畫面出現，觸動西方國家嘅神經，削弱中國喺貿易戰嘅籌碼。唔好忘記，中國真正打到水深火熱，不惜將貨幣眨值、硬食關稅都要打落去嘅，係同 Donald Trump 片緊嘅 Trade War 。

而香港，只係其中一個籌碼。

中央唔會畀香港死，我信。但中央亦唔想香港嘅局面，為侵侵製造更多本錢。此外，美國國會嚟緊會表決《香港人權及民主法案》，一旦通過，美國政府有權禁止損害香港人權同自由嘅人士進入美國，甚或凍結佢哋嘅資產。呢一點，中港政經領導人都未可忽視。

時間，可能係敵人。差在係香港，抑或中央嘅敵人。呢個亦可能係近期鐵腕鎮壓加速惡化嘅原因。所謂「 70 週年十一國慶」死線根本只係面子問題，香港嘅問題，如果拖到十月仍未解決，喺經濟貿易同政治/自身層面，先至令人最頭痛。