《反黑路人甲》世上真係有無原無故的愛
～ 劇集開始不久已經說過，《喜劇之王》尹天仇這種人物設定易短不易長，頭幾集時可能還有新鮮感，之後不斷重複那些對白就會令人覺得煩厭。不過，這劇不單止蔣世龍在重複，還有很多不斷重複的劇情，自從世龍變成坐館後，劇情開始陷入膠著狀態，喪鐘到結局前還是拍檯拍凳要爭坐館，晨爺在三十集內不知說了多少次「聯興盛唔夠實力，等蔣家同喪鐘自相殘殺，然後坐收漁人之利」之類對白，高彬也是重複地埋晨爺身、埋喪鐘身、最後又埋晨爺身，另外還有埋完大小姐身然後又罵走佢，之後又埋翻大小姐身，似足人球。
～論劇情，三十集其實沒有甚麼進展，只是在幾個點上轉來轉去而矣。故事主線是警察派卧底混入四聯盟做坐館，調查蔣氏三父子被謀殺的原因，因為這條主線實在單薄，做唔到層層深入的查案過程，除了開始引導誤會大家誤會晨爺和顧榮章外，之後案情可謂毫無進展，中段十幾二十集只是在看如何做坐館和如何明明係做追女仔的行為，但做完又要唔認的劇情，去拖時間，又迫大家聽了N次「甘心替代你」。到結局的兩集，才草草交代誰是主謀。
～ 世上真是有無緣無故的愛，除了芷珊和Angel比較合理。水姐同Madam點解愛上世龍，還要愛到咁深，有點莫名奇妙。痛恨卧底的黑社會世家，會接受一個卧底做家人，當必須要有大團圓結局睇啦。
～ 如果純當胡鬧喜劇看，這劇還是有笑位的，張振朗由開始的不斷露體，中途轉「基」，到結局的低能gag，真名叫「高遠」，都可以失驚無神令人一笑，他適合做這類角色，好過難chok做差人。他和大小姐段感情戲個人喜歡，可惜結果卧底身份被揭穿後，如何向大小姐交代那埸戲沒有了。
～結局周世龍黑化一段戲，點解唔一直做下去，繼續呃觀眾呢？黑化左兩集，突然自己踢爆，將成件事由黑化變成卡通化。又係驚觀眾唔明，趕住解畫的老毛病。
～ 難怪「愛投訴」群組無投訴這劇黑化警察，他們可能早知KT係黑社會卧底。
～模仿《流氓大亨》那幕真係未到萬子的水平咯。
～ 批評左咁多點解又睇晒，女多係主要因素咯，鐘意睇眼鏡咯，好鐘意《鹿鼎記》，當重溫咯，每逢七女同場都幾吸引㗎，爭死屍一幕幾好睇吖。
#反黑路人甲
顧榮章 在 反黑路人甲|第14集加長版精華晨爺同顧榮章係幕後黑手？ | 姜大衞 的推薦與評價
但事後晨爺竟然搵 顧榮章 同（ 石修）去阻止Madam Koo繼續執行呢個任務，唔通佢地兩個就係殺死蔣家三父子嘅幕後黑手？幕後黑手？#反黑路人甲#姜大衞#... ... <看更多>