🚫嚴禁劇透🚫粗口自行過濾🚫
🚫免批評外表人身攻擊🚫
[1230隔夜超短劇評][TVB][反黑路人甲][EP05]
✅ 升降機愛的宣言 - 大小姐向高彬示愛夠浪漫
❎ 富豪刑警轉變理據弱
第5集繼續分兩條線，高彬嗰邊好睇過張細倫嗰邊，後者真係拖得太耐，揀衫試造型都拖咗兩集…今集真係靠高彬想辭職全退一條橋頂住。
大小姐整停部升降機透過對講機同高彬示愛，話佢可以繼續做蔣家駙馬嗰吓真係又型又浪漫，呢幕真係拍得好演得好剪得好音樂又好，好高完成度。
另外一個主打做戲位係芷珊同張細倫喺天台嗰場。本來都好地地，但張細倫入戲變做蔣世龍嗰吓點解要飛個full screen「action」出嚟阻住道氣呀？直落見到演員變化應該仲正。有觀眾之前留言話可能想模仿返黑白西片嘅形式，但以前係默片冇聲所以先飛啲字出嚟交代，依套劇咁做，仲要集集有，真係諗唔明。
成段天台戲本來好地地，提到《阿飛正傳》同張國榮真係好難唔拎嚟比較。
除咗兩個主要做戲位，今場仲有個主笑位。陳sir（#張韡驣 飾）突然之間收到call，要返醫院做埋場戲，話O記有特別任務畀佢，完事之後又問Madam Koo佢做得好唔好嗰吓真係正，張韡騰完全做到晒。可惜成段出到嚟感覺唔太順暢，或者喺張細倫同Madam Koo去醫院嗰吓要再設計多啲情節，同埋剪緊張啲會好啲。另外，#曾健明 做醫生畀晨爺嚇親再同芷珊講大話都好睇。
富豪刑警佢一開始一定要張細倫扮蔣世龍，到今集頭畀高彬講兩句就縮沙，到畀KT講兩句又變得充滿幹勁，真係睇到一頭霧水。當然現實中真係有啲咁嘅人嘅，但一啲轉折都唔畀佢就變變變，難為了家嫂。
📺 81台 逢周一至五 2130~2230
[演員表] 王浩信 飾 張細倫、蔣世龍 / 張振朗 飾 高彬 / 馮盈盈 飾 顧欣頤 / 湯怡 飾 蘇芷珊 / 高海寧 飾 莊明麗 / 蔣家旻 飾 姚清水 / 姜大衞 飾 蘇偉晨 / 賴慰玲 飾 蔣千霞 / 傅嘉莉 飾 蔣千瑜 / 林宣妤 飾 蔣千惠 / 徐榮 飾 鍾志琛 / 許家傑 飾 司徒信 / 李成昌 飾 呂家昌 / 秦煌 飾 傅德順 / 張國強 飾 歐建德 / 張武孝 飾 劉彪 / 鬼塚 飾 林福
#1230隔夜超短劇評 #TVB #無綫 #反黑路人甲 #極道怪咖 #王浩信 #張振朗 #馮盈盈 #湯怡 #高海寧 #蔣家旻 #姜大衞 #賴慰玲 #傅嘉莉 #林宣妤 #徐榮 #許家傑 #李成昌 #張國強 #秦煌 #張武孝 #鬼塚 #林志華 #黃偉強
