當Poly出事，一如以往，大量情感文章出現，中間夾離大量Fake news或誇張性報導
目的都係想有人去營救學生
原意係好，但現實啲睇，大家都知道無可能入到去，始終理大個地理位置真係好差，班狗可以輕易包圍...
但情緒主導下，即使明知無任何計劃、無任何配合，無任何支援底下都仍然衝去理大，希望救到學生
結果缺乏理性同策略底下，支援救人嘅手足短短幾日就已經拉咗接近一千人，對比理大學生600人多出好多
呢個時侯，就已經有人提出質疑：究竟係咪值得用1000人換理大600人?
對我嚟講，呢個根本唔洗討論，手足唔能夠用數字去衡量同對比
無論任何人都唔希望成為戰場上一個隨便就可以拋棄嘅棋子，我地成日笑班狗隨時成為政府手上嘅Condom...
但我地就可以將手足變成Condom?
營救理大學生係一種行動，但行動背後係有一種信念
係要話比手足聽，當你身陷險境時侯，唔好放棄希望，仍然有好多人千方百計咁諗辦法去營救你地，You are not alone。
如果單單用「數字」、「值唔值」去衡量，根本就無意思。
唔救，往後仲邊有手足願意踏出去，原來自己隨時成為我地口中嘅Condom，呢種失去人性嘅行為我覺得唔係好合適我地。
所以琴晚，相信好多人都抱住「明知不可為而為之」嘅態度，由太子旺角出發，沿彌敦道往尖沙咀方向推進，眼前黑衣人海，人數起碼達到10萬人以上，士氣如虹，不斷叫住口號「去Poly，救學生」繼續前進。
佐敦道應該係全晚最慘烈嘅戰場，水炮車銳武車連同一班速龍防暴駐守，不斷來回清洗彌敦道，好多手足奮力抵抗。
後來卡咗呢度好耐都攻唔上，然後唯有由廟街內街推進，打開缺口，一鼓作氣沿戲曲中心經中港城去到梳士巴利道前進，沿路大量手足配合人鏈運送資源，前方手足一直向紅館方向推進，而眼前就係Poly。
我當時判斷，現場八成人都係無裝備，但大家咳住去嘅態度
我喺到諗，以呢個氣勢，應該真係可能有奇蹟發生。
後來收到通知，紅磡繞道有大量EU 豬籠車 起碼40架以上嚟緊。我呆呆望住呢個資訊，再三向手足確認係咪真係40架以上嚟緊，因為真係好誇張，然後再望望紅磡繞道方向，兵力好散，第三排開始已經係人鏈手足，呢度一崩，基本上整條梳士巴利道都會失守崩潰。
結果，紅磡繞道真係落咗極大量防暴，防守頂咗兩分鐘左右就已經崩潰，呢刻我就知道失去呢個據點，營救行動基本上已經失敗咗。
節節後退加上時間已經好夜，好多手足都已經累了 或許 心已經灰了
雖然陣中仍然傳來理大有為數不少嘅人成功逃脫而嚟一點振奮，但大家都未能釋懷，因為我地眼見理大就喺我地前面，明明班手足仲喺入面，但我地卻救唔到。
對於手足「投降」，我係給予尊重
我地喺外面有高床軟枕，有熱水有食物有娛樂，無壓力底下地生活著
而入面呢？
佢地只係學生，好多都好細，面對外憂內患，心理同身理都好大壓力
如果我地在外去給予批評，係好便宜
理大呢一役，相信短期內就會結束
但呢役真係帶來重大傷害，亦都好容易成為敵人分化我地嘅切入點
無論對方吹咩風都好，失敗風又好，守係ON9又好，叫咗一早撤又唔聽又好
我地都要堅定抱住當初
不割蓆 不分化 今次唔完美，下次再做好點
相信被捕手足，絕對唔希望因為自己被捕而令到大家互相攻擊
希望大家唔好灰心，大家都一早知道呢個係長期戰，基於武力不對等底下，挫敗係必然
但只要細心啲睇，經歷五個月，勇武升級咗唔少，和理非雖然升級比較慢，但仍然慢慢突破緊佢地自己心理關口
無論點都好，負面情緒一定有，但希望大家重新振作，多檢討
最後
感謝去支援而被捕手足
亦都對救唔到理大入面嘅手足感到抱歉
我地真係盡咗力了
最後最後
琴晚令我諗起一套電影，叫《雷霆救兵》
米勒上尉帶領他的八人小隊深入敵人後方，將一名士兵占士賴因救出來。面對戰爭的殘酷及各種重重困難，各人開始懷疑為何要八個人冒生命危險只為救一名小兵。
當中有一段說話，希望逃出嘅學生記住
「主角米勒隊長犧牲了他的隊員，自己也重傷。他垂死之際，捉着任務中要救的雷恩之手，說：我們一支分隊，都為救你而死光了。你要令我們這九個人犧牲得有價值。你要答應我們：你活着出去以後，你這輩子做個好人。」
雷霆救兵 意思 在 我們的老師雷霆救兵——活出配得的人生 - Facebook 的推薦與評價
聚會裡我用了電影《雷霆救兵》（Saving Private. ... 與妻子來到紀念軍人的墳前，向救了他一命的隊長說，他一直在想當天隊長叫他「賺得」是甚麼意思。 ... <看更多>