【然後又有大量傻尻，齋睇圖就入黎留言屌尻馮檢基，再次引證香港民智真係無撚得救】
之前PK鄧炳強話香港有人製造「假新聞」危害國家安全，萬黃齊屌。估唔到轉個頭，黃屍就公開示範佢地點樣輕易炮製一單假新聞出黎。
事緣尋日某黃標KOL拍片怒屌馮檢基，話馮檢基講過胡志偉不能奔喪係得罪林鄭竹咎由自取，但完全無任何確實證據，穿鑿附會。
點知另一專收錯風嘅黃標KOL陳雲海，經已有理無理，貼圖怒屌，然後更吸引其他黃標KOL諸如潘小濤、于非等廣傳呃LIKE，「馮檢基無人性」形象已為黃屍圈內共識。
但事實係點呢？馮檢基兩次拍片堅持自己無講過呢番說話，自己無身一直同情胡志偉失去奔喪自由，更聲稱自己曾致電懲教署署長游說，又因堅持為胡志偉申冤而被東方日報取消專欄。
當然，你可以話馮檢基講嘅未必為真，但作為一個如此嚴重嘅指控，上述一眾黃標KOL及其他留言參與批鬥嘅KOL支持者，有無任何一個可以確實講出，馮檢基係響乜嘢場合、乜嘢平台，講咗呢番說話出黎？有無搵倒任何證據足以推翻馮檢基嘅辯解，我係完全見唔倒。
固然今時今日嘅馮檢基立場，經已同建制派相差無幾，但咁唔代表黃屍就有可以隨意製造假新聞進行誣諂；退一萬步，就算當時一時疏忽未有驗證，去到呢一刻係咪應該刪POST道歉作出澄清？其實佢地知唔知亂SEND無根據抹黑同誹謗並無分別？黃標KOL知唔知道自己亂傳假新聞係削弱緊抗爭陣營嘅公信力？
但呢班呃LIKE多於一切嘅KOL，當然睬你有味繼續老屈。
之前港台將舊節目下架，黃屍唔係口口聲聲批評呢啲係篡改歷史咩？咁你地今日生安白造「馮檢基冷血」假新聞，又何嘗唔係篡改歷史？
我唔認為發放假新聞足以用《國安法》拘捕，但往後PK鄧炳強要老屈反政府人士最鍾意作假新聞，大可以拎呢單嘢出黎造證；往後幫港出聲抹黑抗爭者比人捉倒，亦可大條道理話「反正黃屍一樣鍾意老作屈人，沒有誰比誰高尚」。
但對我黎講最可悲嘅卻係，呢班自稱有良知、有獨立思考、識分是非黑白、企響充道德高地嘅一班「民主自由支持者」，根本就係同藍屍一撚樣愚昧、賤格、顛倒黑白，只要係政見不同，就用乜嘢卑鄙方式抹黑對付都無問題，例如老屈人地係鬼、老屈人地收共產黨錢、去到今日老屈人地講無過講嘅嘢，本質一樣。
