［阿特蘭提斯戰記］香港我地貼㗎妹！日本人地咪貼張柏芝！（*）
（圖；Business Digest）
TLDR：東莞好失禮你？
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，3月中開始失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
==================
1. 我對東莞嘅第一印象，就係唔知點解讀「管」（**），麻煩的中文，「好似德文咁照字母讀永遠一個音咪好」。而我老母好似係東莞鄉下（雖然佢而家一年去四次大阪）
2. 嘻。一個時代的結束。提起東莞，我會諗起米粉（都話老母係東莞人），但你諗起向西村上春樹，同埋太子輝。
3. 而天地良心，我係從冇去過東莞的，一次都冇。只記得細個坐火車返廣州，樟木頭仲係爛地。但個名特別好記得。
4. 真的，東莞種種嘅盛況，我都只係睇向西講，聽朋友講，聽前輩講。在我心目中都係永遠走不進的教堂，猶如前輩講 80年代嘅日本東京銀座晒銀紙搶的士。對我嚟講都係East of Eden蕩母痴兒，可能存在過但不再見到嘅烏托邦，昨日嘅巴比倫，消失嘅阿特蘭提斯。
5. 至於我鄉下（其實係阿麻鄉下）？順德大良，炸鮮奶嘛。細個就真係farm to table ，釣條魚（有大人幫啦）上嚟當晚就食，落田拔蘿蔔（我諗起紅白機「夢工場」，可以用嚟掟人）就嗰晚食。
6. 當然仲有最重要嘅：睇啱邊隻雞，就地正法，大人就在面前斬雞割喉放血放熱水淥雞脫毛。細個少少嚇親，大佬，食醉瓊樓咋。但呢啲先生命教育，farm to table ，食雞有雞味
7. 後來？在那些開放的路上 ，踏碎過多少理想。但多咗好多銀紙。收地，啲親戚發晒
8. 至於個漁塘？好似變咗飛機場（你懂的）。聽聞一樣可以食雞有雞味，睇啱邊隻就地正法，「仲一早激光脫咗毛」。
7. Anyway，講遠咗。在街，可能計錯數。但小小一個東莞，even 後太子輝年代，GDP 都等於成個烏克蘭🇺🇦。如果同日本都道府県比？大過京都廣島，大半個北海道咁上下，遲早大過成個北海道。
8. 因為，中國真係好多人！正所謂地大勿搏，繁華娼盛。2020年前不少鬼佬真係好難想像武漢天津呢啲「非頂級城市」（佢地眼中）個個都成千萬人口
9. 只不過，我都係唔明做乜東莞銀行要租IFC，淥米粉？雖然烏克蘭銀行或京都銀行租你又覺得好合理。淥餃子定綠茶蕨餅？「點同！話晒有鬼妹㗎妹」「東莞有冇？」唔知，都話冇去過。阿特蘭提斯。
（*）呢個真係urban legend. 再講一次，我去日本冇見過有人貼張栢芝。好多貼韓妹。周迅我都見過，但就係冇張栢芝。
（**）btw，有個中學同學叫「莞爾」，當年都研究咗好耐個名應該讀碗定管定乜，中文老師話個名好靚，莞爾一笑，但我唔關心呢啲。不過個同學都真係幾靚的，我死黨（真係我死黨，我邊有資格）好鍾意佢。噢，當然係女同學。但男人都可以叫「莞爾」，例如石原莞爾
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
雞血石原石 在 國際收藏雞血石原石 - PTT新聞 的推薦與評價
此品為雞血石原石，溫潤通透如瑪瑙，血色鮮紅濃鬱，走勢靈動，如煙如霞，彰顯自然之造化，作為原石擺件，其靈秀大氣，紅色層次豐富，紅點若朱砂，質地 ... ... <看更多>