「老闆，今晚友味友穿山甲....？」
《深夜食堂》大陸版劣評如潮。暉哥以睇哂日劇4季加電影，連安倍夜郎本《飯友‧酒友》睇埋嘅忠粉角度睇咗陣，套野都真係幾鳩嚟。
日劇《深夜食堂》 吸引在無奈嘅小人物襯貼地美食，集集醒胃暖心。小弟最愛牛油白飯、春雨沙拉故仔，仲有第2季小龍加警長兩人中學時一齊暗戀嘅情人過身，望住碟八爪魚腸，背景播福原希已江首《辦得到的事》，30開外嘅男人，真係有啲戚住戚住。
先唔講野食，首先選角，人地小林薰滄桑感極高，黃磊太肥又眼仔碌碌扮唏噓，真係唔得囉，其實陳道明、趙本山等佬味人大把啦。之後到件衫，大佬，駛唔駛跟到咁足？中國深宵小巷嘅食店，廚師係咪應該整番套葉問式長衫或者棉襖。仲有店內裝修硬跟得嚟又有硬膠味，好似中學話劇佈景。成件事濃濃A貨味，就好似耐克鞋、新百倫、上海迪士尼等，一樣硬抄，唔係改篇，而係崩壞，。
到主菜啦，估唔到煮杯麵！喂，食杯麵仲要開火、等水滾、拾下拾下，再洗碗洗鑊？仲有大大樽植入式酸菜。其實講食，神州美食多到你驚啦，咩肉夾饃、生煎包、炒豆乾、豬血糕....太多啦。人物都唔愁，拍吓咩東莞小姐、民工、二奶、貪官、上訪申冤人仕、解放軍或者維權律師，敢拍實爆紅。想再爆啲，煮吓貓頭鷹、果子狸，劇尾再教吓整地溝油、一滴香、灌水豬。
咁先夠話題性，又可以糟蹋吓小日本嘅文化作品，真係大快人心架。而暉哥呢，就會飲住sake獺祭，靜靜地等日劇第5季來臨。
集集煎包 在 夢之雪烘焙坊- 集集店- 師大夜市的一口水煎包很有名 - Facebook 的推薦與評價
師大夜市的一口水煎包很有名，我們南投的迷你水煎包也不漏氣！全台灣的高麗菜就屬南投高山最好吃，小惠採用南投農民辛苦種植的甜脆高麗菜，拌入黑豬後腿肉， ... ... <看更多>