Search
由《經濟一週》主辦嘅第14屆「實力品牌大獎」頒獎典禮而家喺香港會議展覽中心舉行緊！
「實力品牌大獎」過去一直獲得業界嘅支持，至今累積超過100個品牌獲得呢個榮譽，係香港商界不容錯過嘅年度盛事。今次好榮幸邀請到以下嘅頒獎嘉賓：
（排名不分先後）
-商務及經濟發展局副局長陳百里博士
-香港品牌發展局主席陳國民博士
-香港市務學會榮譽主席陳裕光博士
-香港銀行學會行政總裁梁嘉麗女士
-香港生產力促進局主席林宣武先生
-香港中文大學（商學院）行政人員工商管理碩士課程行政主任蘇雋先生 So Chun
-香港互動市務商會會長司徒廣釗先生 Ralph Szeto
之後會陸續公佈各個「非凡品牌大獎」、「實力品牌大獎」嘅得主，Stay tuned！
香港品牌發展局 Hong Kong Brand Development Council
AIM 香港互動市務商會
Hong Kong Institute of Marketing (HKIM) 香港市務學會
HKPC
Hong Kong Institute Of Bankers
［香港才俊］睇過？俊？邊度俊呀？
1. 同事話我知，利豐私有化。都唔係好意外，問佢幾錢，答我「1個2毫半」。我話咁平，然後睇下而家幾錢，嘩，得返5毫子。（其實之前係4毫，唔知私有化有春江鴨定跟大市今日升上去）。早幾年廿幾蚊架！我唔係講97前海嘯前喎！講2012年咋喎！
2. 係喎，真係冇睇好耐。利豐咋喎，你估金利豐（冇錯係朱太）？冇呃你，金利豐市值大過利豐。而家直頭係一個double！
3. 你估仲係大藍籌，香港之神，未來領袖咩。實情金利豐市值大過利豐，都好一排了。
4. 利豐私有化。我唔會咁老土，又講咩一個時代的終結，雖則真係可以由時代講起。不如講返，埃汾讀大學嘅年代。
5. 埃汾讀大學，係好摺的。主要都係補習，溝女（唔補習邊有錢溝女），性交（溝女唔性交溝嚟做乜），睇下書睇下戲，上下網咁。當時呢，雖則讀精算，但我對金融市場係完全冇認識嘅（是真的），我當時都日日睇報紙，但好似係唔睇金融版的。死未。
6. 想講係，埃汾大學年代，剛係回歸之後。好記得，有一排搞啲咩無聊論壇，定咩領袖對話。班友我都唔係好識，好彩有得google．
7. 當其時嘅「香港領袖」，係乜人？有咩人有江湖地位？我話你知，當時有咩人
8. 有，新鴻基地產嘅郭氏三兄弟。我唔記得三個都有定點，但就肯定有「麥當勞叔叔」郭炳江（＊）。咁而家係點，不用講啦？
9. 仲有，李國章。咁其實，還好啦可？多年後估唔到佢變咗校長。
10. 而即係，做文化嘅何志平，都係黑馬。話時話，就快放出嚟啦喎，時間過得好快的—你在監外面的話
11. 當然仲有，唔係最有錢，但最撚巴閉嘅，馮國經（唔記得係定有埋另一個）
12. 而你睇下，呢班所謂嘅英殖精英，係咩貨色，係幾不堪一擊？廿年唔夠，變成點？
13. 真的，嗰個年代，主要都仲係睇商家（老董做特首嘛），公務員貪曾呢啲後來先冒出嚟。而馮國經，講有錢唔及郭氏三兄弟，但，正係個銅臭味冇咁重。喂，哈佛喎！哈佛喎！唔撚止係讀哈佛，係教哈佛喎！
14. 你恥笑話商家治港唔掂，公務員唔掂，紅人（你懂的）又唔掂，話搵學者嘅。邊位教過哈佛？馮國經就教過。利豐亦係哈佛嘅傳奇案例（之一）。
15. 利豐，廿幾蚊跌到5毫子。但馮國經當時係香港經營之神，人人爭住打飛機嘅榜樣。
16. 利豐之死，大把人講點解，其實係必然，都未必關馮國經事。簡單嚟講，利豐做乜呢？好聽啲就供應鏈ＸＸ，但核心，兩個字，「買辦」。
17. 無數咁多人寫過，香港文化係就係買辦文化，而我話利豐文化就係買辦文化，所以香港文化就係利豐文化。三為一體，同聖父聖子聖靈嘅嘉誠澤楷澤鉅一樣。
18. 問題嚟啦，借嚟嘅地方，借嚟嘅時間。Who still needs Hong Kong？係某雜誌N年前問嘅。結果香港，某程度上都成功轉型（當然未必係向一個你鍾意嘅方血轉），大陸佬話齋，未必需要香港人，但需要香港。你睇把口就鬧香港，但咪又係爭住嚟，對不？
19. 香港有得轉型，但，Who still needs Li & Fung？其實去到有間叫阿里巴巴嘅公司出現，已經極多人問呢個問題。當然唔係阿里巴巴殺咗利豐，阿里巴巴只係嗰個時代嘅產物。而係科技咁發展，中國又強大（即使你唔同意或唔鍾意）起嚟，仲有冇必要有，well，「買辦」？
20. 當然，呢個世界都係跟紅頂白，勁嗰時，2000億市值，你咪香港之神。而家市值係金利豐一半，你咪係廢老。係咁架啦
21. 不過，想fact check返嘅係，利豐其實唔係在金融海嘯中一沉不起。正好相反，海嘯後佢食住個勢，股價係再創歷史新高的。真正出事，係2011年開始，你可以搵個股價圖睇下，就知咩係一浪低過一浪。
22. 本來，我地啲做金融嘅，最大忌就係指手劃腳教人做生意。但都係冇計，股價就係一切，20蚊跌到5毫子嘅公司，係真係你講乜都冇人理你，甚至當反面教材的
23. 真的，半年前左右，利豐都仲講「貿戰締廿年最大機遇」（https://bit.ly/3bhm8ix），但已經冇人理佢了。而早兩年，都仲講「利豐趕科技快車 創「未來供應鏈」」（https://bit.ly/2xf4SMc）。2018年啦喎，仲趕快車？架車開撚到粉嶺了。當時我已經話，由貴公司講真係冇乜說服力，不如柯達諾基亞講。打後利豐股價再跌一半，反而都冇乜特別，呢期唔少公司高位都插咗一半。
24. 再落井下石講利豐嘅經營模式，冇乜意思。不過都係想講，你估人地自己唔知咩，但轉型咁易，就唔會年年咁多公司死啦。N咁多人都係高估自己能力，低估創業輸仆街嘅可能。只係睇到人地英超球員晚晚扑靚女，唔望下自己個肚腩。個個以為「換著我係柯達」「換著我係諾基亞」就點點點。換著你係美斯就左腳控定右腳一cup一個假動作再呃過一個射返遠柱丫嘛。明喎，球王都不外如是。
25. 不過想講，利豐呢，其實個食相都係幾難睇嘅。低價私有化唔係一個問題（邊個會高價同你私有化？同你有親？瑞士山區肺大股東搵夠想益你？）。但，之前其實利豐而家慢慢將啲資產拆晒出嚟。用我朋友嗰句（原文照錄），「咁撚多年都話轉型，使撚晒公司D錢，拆撚晒賣撚晒，得返棉骨先來私有化」（＊＊）
26. 但，唔掂嘅又點止馮國經？頭先我講咗堆香港領袖，李國章算還好，其他郭氏三兄弟，何志平，最後點？但而家我地就倒後鏡抽水啫，當年呢啲真係精英嚟架喎。
27. 所以事實就係，當年啲所謂精英，根本就華而不實，不堪一擊。就算嗰時勁都好，打後咁多年都係食老本，甚至自己都呃撚埋自己。有冇睇「乜代宗師」？香港掂？可能第一代嗰堆係掂嘅，但打後嘅，根本全部都係搵笨實，最慘係自己都呃埋，一代呃一代。
28. 唔信？畀多間丫。地產商係勁，但太銅臭，其實好多時學院派都當係rent seeking（＊＊＊），拎出嚟叫大家學，一來都難學（那有錢呀你老母），二來都唔多馨香。所以其實大家推崇啲實業家，拿，馮國經就係經營之神啦（雖然多得佢祖先）。
29. 仲有咩公司畀人覺得係經營之神？有冇聽過有個名詞叫「十年股」？可以渣十年嘅股票（＊＊＊＊）。除咗利豐畀人吹捧過，仲有乜？
30. 仲有，思捷，三SPRIT，不用多講啦下。刑李原又係另一經典例子。不過佢仲勁。幾蚊搞到上一百蚊，都其實唔難—我梗係唔得，但唔少人都得—難在甩身，佢可以一路減持，而啲股價唔即冧，到佢甩晒身先冧，呢啲就功力啦。有機會講
31. 利豐，三SPRIT，仲有乜香港企業代表？我只係諗到141。
32. 再諗遠啲，其實141個frd，341都仲算係。大家樂。但，始終真係唔同呀大佬。開間快餐店，再勁都好，同富四代哈佛教授哈化教材企業全球供應鏈乜乜，或者白手興家去到歐洲遍地開化潮牌仲食埋林青霞，真係唔係好同。所以冇人會叫陳裕光或者姓羅嘅做經營之神
33. 再遠啲？341個朋友，345，維他奶都仲勉強算係。但一樣，冇咁型咯。而反正341 345家族都有淵源。
34. 另外仲睇唔睇到共通點？利豐同三SPRIT，都係步向全球嘅。咪領嘢。反而大家樂維他奶，基本上都仲係香港，頂多少少大陸（其實好多時不出華南）。畀你見到，嗰時啲咩環球領袖，香港仔精神，全世界乜乜，假象嚟嘅。
35. 所以相比之下，仲有最後一間香港嘅代表公司，其實真係都不錯。邊間？梗係因航啦。真的，我見啲人日屌夜屌，但有冇諗過航空公司幾咁難做？未查，但呢浸國泰嘅股價，應該跑贏全球9成同業。你話高位股價都差不多跌一半？咁你睇下利豐同三SPRIT？不過，因航其實，就係英國公司啦下。陳南祿都係打工仔啫，唔係馮國經，未來領袖。
37. 最後賣多次廣告，收費文章今日仲有最後一篇試閱。睇啱可以之後課金支持，都有一定數量嘅人訂咗，暫時我都滿意。詳情睇最底嘅「版務」
（＊）埃汾有面盲，其實到而家我都未識分郭炳ＸＹＺ，主要係囡囡話我知，佢正係做過新鴻基。
（＊＊）BTW，呢位朋友係女仔，仲係人妻人母，個樣幾賢良淑德的。我成日話同佢合作搞個粗口財經台，大家有冇興趣？
（＊＊＊）唔係搵間屋返嚟租畀人就叫rent seeking，呢個字有時有啲難解，有機會解下。但正如「左膠」一樣，凡我反對嘅就係左膠，所以但凡話人地嘅行業不事生產對社會冇貢獻，都可以話人rent seeking。
（＊＊＊＊）其實，應該係rent seeking 嘅股票先好渣十年。例如港交所
——————————————————————————
版務：會同homeblogger 合作推出新專欄《事先張揚》
逢星期一，三，五推出。會講港股美股市況分析。就唔會係無聊吹水嘢了。
專欄已推出，呢條link登記咗有70% off．
https://forms.gle/izsucvQbbTZbGYCj8
登記咗絶對唔使畀錢住，先會有三篇試閱，畀你知道到底係咩回事，睇覺啱睇先科水。十分均真。
已科水嘅大感謝！應該已收到文，滿意吧？
亦不用擔心，呢星期個三篇唔計，再下星期先起錶計你睇一季。
Coming back HK from US, 開返個腦啦😅
剛收到陳裕光寫給我新書的序，好有意思! 今次肺炎，就是跳傘過程中的一個「卡」位!
係大個「卡」 .... 難免會有人「粉身碎骨」。但就是因為高危，跳傘才有滿足感。
記住，唔好下下去到盡，曬晒冷 ! 我爸教我 - 永遠要留有一手。有個「後備傘」，就可以再跳過。
P.S. 我大女叫 Candace 全因陳裕光的女也叫 Canda(i)ce。她好 nice 好靚，有個好家庭，因此我11年前也 Name 我大女同名。 其後我三個女個名都 start with Ca. 可見陳裕光是其中一個影響我最多的人。
。。。。。。。。。。。
【李根興的生意哲學】書序
曾經聽說，創業者好比一個跳傘者，背負著繩索糾結的降落傘，從懸崖上縱身跳下，他必須在落地之前，不斷掙扎調較，打開自己的降落傘，才不至於被摔得粉身碎骨。從我認識Edwin 多次的創業經歷，不難看到他在創業旅程上如跳傘者所需的一切素質：勇氣不忘審慎、熱情不忘冷靜、堅毅不忘初心。
更難得他能將這些甜酸苦辣，彌足珍貴的經驗，集結成書，透過本書無數活生生的個案，深入淺出的故事，做人處事的哲理，結合理論與實踐，揭開創業營商的神秘面紗，與廣大讀者分享，實為時下新生代提供新點子，新角度，啟發心智。
陳裕光博士
Ph.D. (Hon), M.C.P., B.A., MCIP, MHKIP, FHKIM, FHKMA, FHKIoD
傳承學院 榮譽主席
香港市務學會 榮譽主席
大家樂集團 前主席
#創業如跳降落傘
。。。。。。。。。。。。
預訂我親筆簽名及封面message 的新書《李根興的生意哲學》，可以whatsapp我(＋852) 90361143。 按收到 order 次序交書。
內容包括(1) 創業勵志故事，(2) 生意理論，(3) 商舖知識，(4) 創業隨筆。三百多頁，定價HK$198，2020年第二季出版。
音樂堂銅鑼灣分校開幕禮已於8月6日舉行，多位城中菁英出席祝慶，共同見證兩位創辦人14年來的苦與樂。大會司儀介紹新分校之兩大特點 : 一 、 風格別具特色，注入藝術文化元素。 二、 分校上至設計 、下至所有裝修也是兩位創辦人在晚上收工, 一點一滴地建立 , 市場及業務總監高松傑喻意為 [一步. 一腳印] , 勉勵年青人成功從來不是偶然。没有意外，只有計劃；没有運氣，只有策略；也没有隨機的巧合，只有不斷的努力, 不要怕辛苦 , 勇於追夢。
創辦人張志仁先生表示: 音樂堂創立14年 , 是首間專門教授色士風及提供一站式教學服務的音樂學校。 新的銅鑼灣分校注入了不少藝術文化元素，別具特色，期望學生在學習的過程中，能深深體驗及感受香港的文化藝術特色。
剛當選太平山青年商會侯任會長的音樂堂市場及業務總監高松傑表示: 我們一直堅持挑戰夢想，燃亮他人！亦一直堅持開發新學習模式的資訊及通訊科技的應用產品 , 開創色士風教學新領域。為學生、業界、社會及香港帶來福祉和創新學習的體驗。社會責任方面， 我在過去兩年贊助丶支持社會慈善活動達36項，而為促進音樂無界限，我地每年圴會資助20個學額，扶助弱勢社羣兒童。隨住新店開幕，我地將可以加大學額。我們將會努力透過創新, 不斷跳出框框 ,以燃亮他人的信念，讓社會上更多有需要的人得到適切的幫助。
最後，音樂堂銅鑼灣分校亦在100多位來自政界、商界、教育界、社福界、各傳媒友及娛樂界的城中菁英見證下正式開幕。
特別鳴謝各出席貴賓:
開幕主禮嘉賓如下(排名不分先後):
- 香港特別行政區教育局政治助理施俊輝先生
- 立法會議員陳克勤 JP
- 2008年世界十大傑出青年暨願景基金會主席甄韋喬博士
- 大家樂集團主席陳裕光博士
- 國際旅遊小姐季軍羅頌欣小姐
- 音樂堂創辦人張志仁先生
- 音樂堂市場及業務總監高松傑先生
其他的出席的嘉賓如下 (排名不分先後) :
- 前香港單車隊成員 何兆麟 MH
- 1996年香港十大傑出青年暨再生慈善基金主席鍾惠玲博士
- 資深大律師龔靜儀小姐
- 香港復康力量會長葉湛溪先生
- 2011年香港十大傑出青年余嫿小姐
- 2011年香港十大傑出青年邵傑文先生
- 國際青年商會香港總會2014年香港總會會長關俊華先生
- 太平山青年商會會長郭浩景博士
- 大家樂集團主席私人秘書張麗聲小姐
- 香港特區中央獅子會會長胡家偉先生
- 國際青年商會香港總會2011年香港總會會長李騰駿 MH
- 香港市務學會主席 Mr. Sherman Lam
- 香港中小型企業總商會企業管治委員會主席邱斌博士
- 傑出生命計劃創辦人梁美儀小姐
- 創動力媒體「生命義次方」 節目主持蕭翠兒女士
- 香港理工大學企業經管人才發展中心高級課程經理鄒兆鵬博士
- Smile Foundation 主席邵文傑博士
- Autodesk香港及澳門地區區域總監李煥明博士
- 太平山青年商會2000年會長王浩然先生
- 太平山青年商會2009年會長楊健茹小姐
- 中國部分大學港澳台地區聯合辦事處總監李炏烜先生
- 恩賢調解同學會副主席傳芷芬女士
- 獅子山青年商會會長陳珮楨小姐
- 2012香港十大再生勇士吳耀輝先生
- 2013香港十大再生勇士吳凱琪小姐
- 2012香港精神大使文國斌先生
- 2014獨立歌手王靖喬小姐 (Silian)
- 2013年工展小姐冠軍羅翠雯小姐
- 香港亞洲電視女藝人鄭伊娜小姐
- 女藝人王錦睿小姐
- 大會司儀 : All About the Guest Hong Kong Limited
特別鳴謝:
- 香港特別行政區商務及經濟發展局局長蘇錦樑，GBS，JP
- 香港特別行政區民政事務局副局長許曉暉 ，SBS ，JP
- 前海管理局香港事務首席聯絡官暨互聯網專業協會主席洪為民博士- 資深大律師龔靜儀小姐贊助其兩本個人大作贈予在場所有賓客
- 互聯網專業協會副主席黄麗芳小姐
- 李海榮先生
再一次向位貴賓致謝 , 我們會繼續，鼓勵青年人創業、推動資訊和通訊科技，以及推動文化教育 , 燃亮他人。
