我從來冇考慮過自己功力夠唔夠，
只有響拍攝過程不斷問自己，
我夠唔夠熱愛呢件事，
夠唔夠投入，
夠唔夠瞓身，
夠唔夠坦誠咁去面對我自己……
聽晚10點就係醜婦終需見家翁嘅時間，
我唔怕批評，
只怕大家陪我地多行一步付出最好嘅心血，
最後連點點漣漪都冇，
所有努力原來對呢個高牆城巿嚟講，
仍然係再一次徒勞無功……
希望大家聽晚坐定定陪我睇一集，
至少呢一集，
（張國榮旭仔語氣）我地望住呢個台，
響2018年3月26號晚10點01分，
望住呢個劇集，
望30分鐘，
然後，我地就係一集嘅朋友……
#阿飛正喘 #VR驅魔人 #viutv #游大東 #放手一搏
【 兩周年Special／《VR驅魔人》主題曲官方MV出爐 】
「第卅七屆香港電影金像獎」首支預告：http://bit.ly/2I52zLt
「嗱，貽興，呢套《 VR驅魔人 》，小弟能夠幫到你嘅地方就係出劇照，仲有幫你Share埋支MV，但如果套劇出到街之後，真係劇本唔掂，拍得好爛，我照鬧㗎真係！」這是真實對白，就在《VR驅魔人》於3月26日首播之前數前，我親口跟 王貽興 在WhatsApp講的。「冇問題，預咗打要企定，講真其實真係唔驚鬧，最驚冇人睇冇人鬧。」他如此回覆我。
很多人問我：「點解你會寫咁多 ViuTV，係唔係唔寫TVB？」我認真回覆一次，不是，如果有認真細讀這個平台的文章，都會知道，我甚麼類型的節目，只要是跟Video Production有關，不論甚麼電視台和網站播出，我都會寫，大台如是，ViuTV、奇妙、港台電視、hmvod等等亦然，但我的標準是，時間有限，除非我真的很有感覺，即俗語說的很有Mood，或者節目製作出色，或者我對某個節目很有期望／感覺很差，我才會發時間書寫。很多人多年來，一直批評無綫一台獨大，但觀乎普羅大眾的閱讀口味，還是大台的藝員最有話題，這是否代表，非無綫製作、播放的節目，就沒有談論的空間？到底，是政府容許無綫壟斷，或者無綫透過非技術操控／霸佔媒體曝光的機會，還是媒體和讀者本身都有責任，我們才是共犯呢？
Any肥，上述討論並非今天想說的，在此不贅，我想說的是，香港的觀眾不是沒有選擇，電視從業員，亦不是沒有努力過去衝破現有藩籬以及各種潛規則，包括所謂的封殺，那些藝人面對情緒勒索衍生出來無形恐懼 ── 就算只是部頭合約，如果你幫其他電視台拍劇，「就唔使旨意喺我呢邊拍劇拍節目」云云。所以，ViuTV揼本予王貽興和劉翁自編自演的劇集《VR驅魔人》，能夠「碌卡」號召到如此陣容，讓舊一輩電視藝人和新一代香港藝人合作，以老帶新，併出火花，單單是這一點，我已覺得要瞓身撐撐，試圖或企圖感染觀眾，轉吓台啦，用手機重溫啦唔該！
當然，吸收過去年看ViuTV劇集的教訓，我心底當然擔心《VR》只是另一套「雷聲大冇雨點」的空氣包劇集，因為預算所限，因為貽興的功力未夠，直接拖累劇本質素，只是，一日沒看過，或讚或彈，我都沒有資格說甚麼，正如很多網民成日鬧鬧鬧，乜劇好膠物劇好爛，真當如此？怎箇爛法？還是只是人云亦云？好的劇集，既要有錢去製作，也要有好的劇本，亦要有良好的土壤去讓它發光發亮，現在港劇，三者皆無，可悲矣。我相信，本土情懷自有其市場，但要我們多傾多講，非大台製作的港劇才有繼續生存下去的空間，不然往後的日子，我們就只剩下看大台的劇集，以及海外進口的劇集了，對整個演藝行業生態的打擊有多大，不需明言。
好了，今次其實主要係想介紹《VR驅魔人》這支官方MV，由 C AllStar 的長期合作伙伴賴映彤負責作曲，王貽興填詞，商台DJ 阿檸 - 毒檸王國 和 Oscar主唱，內裏隱藏大量新劇的片段。昨夜，我才在IG「放負」說要放棄不再寫，未夠24小時，我又打篇那麼長的文，看來我還是死性不改，難救的了，認真犯賤。嗱嗱嗱，親愛的讀者，別問我歌詞第一句的「打丁」是甚麼意思，自己Google一下啦。
（25032018）
＃游大東 ＃游大東影視筆記 ＃游大東有片睇 ＃VR驅魔人 ＃港劇 思想。隨筆 快樂的 Rani Lau II Rani Lau III Rani Lau Sunny Lau 港唔斷戲 Mingpao OL 明周娛樂 MP Weekly hmv Digital China Group Nero Ng
