【克羅地亞 🇭🇷 斯普利特】《權力的遊戲》場景逐個講 #5 - 彌林城/ 囚龍地牢
.
響第四季，大哥龍Grogon響彌林城 (Meereen) 周圍飛亂噴火燒死咗小羊咩同小朋友。龍媽怕自己無力管控制自己三條龍仔 (更怕因此被認為無力管治國家)，所以忍痛將二哥同三弟 (龍) 囚禁響地牢。響現實中， 個囚龍地牢其實係斯普利特皇宮嘅地下室。
.
斯普利特 (Split) 係克羅地亞南部嘅第二大城市，而大部份嚟呢度嘅旅客都係想睇世界上保存得最好而最古老嘅皇宮 - 戴克里先宮 (Diocletian Palace)。
.
呢個皇宮係羅馬帝國皇帝戴克里先 (Diocletian) 於公元305年退位後用嚟安享晚年嘅宮殿。屈指一算，已經有1700年以上嘅歷史。
.
宮裏面除咗可睇到當年遺留落嚟嘅古羅馬宮殿輪廓外，建築亦同時混合咗中世紀時代嘅風格，帶來複雜而稀有的歷史風景 - 所以響1979年呢個皇宮已經被列入世界文化遺產。
.
話說響三世紀後期，將內戰不斷的羅馬帝國平定落嚟嘅戴克里先，統治羅馬帝國20年後終於因身體健康理由於305年退位，成為唯一一位自願放棄帝位嘅羅馬皇帝。告老歸田，佢返老家沙隆納(Salona) 並響附近嘅斯普利特興建宮殿隱居。呢個皇宮係現時意大利境外保存得最完整及最具規模嘅羅馬帝國宮殿建築。
.
隨着戴克里先嘅逝世，羅馬人都相繼離城，皇宮後來人去樓空。於7世紀（四百年後），阿瓦爾人（Avars）及斯拉夫人（Slav）等嘅侵略令沙隆納變成廢墟，大批難民湧入斯普利特並直接住響宮殿同皇宮地下室，而且利用內裏嘅石材興建咗不同的建築來居住，發展成宮殿內同時夾雜了中世紀建築的奇景。直至今時今日，依然有3,000人響呢度居住。
.
門票：成個宮殿，費用全免！因為皇宮本身就係斯普利特城嘅核心。但係要落地下室一睹 (幻想) 被囚禁嘅兩條龍仔噴火 (電腦特技) 嘅現場 (拍攝場地)，就盛惠 45kn/ 7USD。
.
.
.
.
.
.
.
.
#克羅地亞 #斯普利特 #杜布羅夫尼克 #權力的遊戲 #電影場景 #彌林城 #羅馬帝國 #世界文化遺產
.
#周圍移 #旅遊日記 #旅遊 #旅遊攻略 #hktravelblogger #旅遊資訊 #女遊人 #女遊神 #香港人 #我係香港人 #遊 #旅遊 #旅遊日記
.
#豁出去漫遊不通知親友 #旅女 #背包客 #輕旅行 #窮遊 #遊記 #旅行的意義 #旅行的意义 #環遊世界 #旅行者 @ Undercroft of Diocletian's Palace in Split, Croatia.
