關於 阿女又戀嚟結果 ，我們在網路上蒐集到這些相關的討論、資訊與評價

《用公司流動現金溝女，其實得唔得？》

「拖糧」其實好似COVID-19，冇人想中，一個中，就感染晒全公司，隔離幾行的密切接觸者齊齊遭殃無一幸免，然後中招者全部自我隔離，原因係冇糧出冇錢出街。呢個「疫症」喺新聞聽得多，「某某公司被凍結資產，欠薪近百名員工」，「某某航空公司拖欠員工薪金，傳裁員逾千人」，「某某工程爛尾拖糧，員工苦主追數無門」，「大批被拖欠薪金的員工包圍公司大樓，掛起『有汗出無糧出』的橫額投訴」…… 聽得多，潛移默化都覺得呢個「疫症」似世界末日，辛辛苦苦的血汗錢凍過水，亦要擔心公司是否要執笠，係一種食唔安坐唔落的煩惱。可怕嘅係，呢種看似遙遠、事不關已已不勞心的「疫症」，偏偏讀者Joe「感染」咗。

阿Joe喺一間start-up公司做會計，老闆Lucas Chan係一個典型富二代，外國回流返嚟，識講幾句帶有美式accent的英文，公司係Lucas個富爸爸打本俾佢開，所以佢唔太上心，只懂掛着「初創企業老闆」的頭銜去四圍溝女。

「Joe呀，我最近同個大波空姐date緊呀，佢有41吋long leg㗎！俾佢張相你睇吓，真係睇得又打得又食得，硬晒！」Lucas講到興奮的同時口水都噴咗2滴出嚟。Joe心諗，咪又係出邊嗰啲整容KOL，即係永遠自己一個去旅行嗰啲，個IG永遠都係得自己的照片。

隔咗兩星期，Lucas居然同Joe講：「I’m committed，我女友就嚟birthday喇，佢話想喺Rosewood 搞喎，你幫我book間套房呀，要望海㗎！」Lucas 指示Joe。

「你Committed？哦……大波長腿空姐。」Joe無奈地反咗兩下白眼，因為Lucas每次都以「小公主」稱呼自己啲女友。

「Joe呀，你估小公主鍾唔鍾意紅玫瑰？幫我訂9999支紅色嘅，唔要999枝呀，太cheap喇，我要再威啲冇人試過嘅！Birthday嗰日送去Rosewood啦，呀…仲有，喺間房整多啲氣球，我要嗰日做全酒店最威嗰個！同埋間房係咪都係隔聲、睇海景，我鍾意對住個海❤️我依個白馬王子要請公主食蘋果。」Lucas繼續口若懸河，笑語間帶有幾絲淫意。

阿Joe終於忍唔住：「老闆呀，上次你寫俾空姐張100萬支票都彈咗票……依家9999支玫瑰、氣球連酒店要十幾萬呀！」

「得㗎喇，啲數返嚟就夠錢，啲客拖我哋數，我都唔想㗎！你……用住公司啲流動資金先啦！」Lucas一邊揮住手不耐煩地說，一邊走向公司大門。

「下……老闆，上個月份糧都……」Joe都未講完，Lucas已經離開咗，應該趕住去半島同空姐high tea。

原來Joe個老闆為咗溝女都可以去得好盡，鍾意用公司錢，上個月份糧都遲咗一個月先出，另外仲鍾意使人唔使本，空姐生日過後，除咗留低咗一系列的打卡呃like相外，仲有就係一堆垃圾同影完即棄的9999枝玫瑰。

「Joe你搵人清咗間房d 波波、DomDom、蘋果（真係有蘋果！）同花佢，$500搞掂佢啦！我依家出去食個飯，係我check out 之前搞掂佢！」Lucas叫Joe去執手尾。

其實垃圾可以自己丟，但少爺仔老闆錫身，又花盆又泥又成地「濕紙巾」咁嘅粗重工夫，當然係由Joe去做。經此一疫後，Joe嘅公司數未返，流動資金都用晒，轉眼間又到咗出糧日。

「同事遲到喎，合約寫明返十點，你幫我扣返啲糧呀。」Lucas開始諗縮數，但都係唔夠錢出糧俾員工。

「5月份糧，6月30日出，6月份糧，依家凍過水。」阿Joe心諗，而佢塊面都愈嚟愈灰。

轉眼間，又到七月嘅某一日，Joe趁未放飯，火速跑去老闆房，但完全唔見Lucas人影。佢成張辦公枱七國咁亂，啲收據同文件堆到周圍都係。唉，月尾埋數真係慘過打仗，陰功…

「祖哥…」一把軟弱無力嘅聲傳過黎。

「哇！Peggy你匿係度搞乜？」Joe踎低見到Lucas嘅私人助理踡縮係枱底，個樣生無可戀咁款。

「冇啦…冇啦…」

「咩冇啦，起身啦……比老闆返嚟見到你喺佢枱底，你條命就真係要冇啦！」Joe費盡九牛二虎之力將Peggy扯翻出黎。

「我地公司要玩完啦…」Peggy雙目無神，臉色蒼白，靈魂係個口到飄咗出黎，手震震遞咗幾張發票俾Joe。

「點解突然有個六十萬嘅item?!」Joe嚇到下巴跌咗落地。

「祖哥…你估仲有邊個敢郁公司啲錢啊嗱…」Peggy說。

「妳係老闆PA都唔知？阿妹妳等等…」Joe轉身即刻打電話俾少爺：「喂？Lucas，係呀阿祖啊，想問呢你呢排有冇碌過條六十萬嘅數啊？」

「六十萬？」唔好扮唔記得啊，一定係你啦，細陳！

「多謝bb！我好鐘意啊！」少爺仔隔離傳來「小公主」刺耳嘅撒嬌。

「哦！係呀！前幾日我自己張卡唔知點解碌唔到嘛，咪過咗少少公司錢買Hermès俾璇璇咯！唔記得同你講翻，sor9y呀~」

「唔緊要，我哋宜家幫你mark翻低吓…」Joe客氣地和老闆說。背後心諗：「點解？點解？點解？同事一直都未出糧，個二世祖用公司錢六十萬買手袋比隻雞？！」

「BB你唔準傾電話傾咁耐啊！嗶——」少爺仔已cut線。

「Peggy…條友攞啲錢去買Hermès…」

「Hermès也好，DIOR也好，條數埋唔到架啦……唔通真係當藝術品投資咩？水哥，今鋪真係想幫細陳生抿屎都愛莫能助……」

「都可以當係公司投資，個包包可以換鮑鮑，將來或者可能會升值添！」Joe語帶諷刺地說。

「祖哥，我好想告佢虧空公款啊啊啊啊啊啊啊！」Peggy已抱頭奔潰。

「上個月已經因為Lucas攞公司錢買私人嘢，搞到全公司啲員工遲咗成個月出糧。佢拍曬心口話今個月會入翻公司戶口。結果冇…都算！呢頭又穿櫃筒底，仲要係六十萬！古有昏君不愛江山愛美人，今有細陳利用江山追女人：Joe，我都唔知應該話少爺仔係昏君，定話小公主係紅顏禍水好，最慘係我哋，騎虎難下，如果而家辭職，真係唔知幾時先收得返之前幾個月嘅人工。」作為私人助理，Peggy開始失控，爆喊。

獵頭小知識：

🔝各位打工仔，根據《盜竊罪條例》第9條，如任何人不誠實地挪佔別人的財產，意圖永久地剝奪該另一人的財產，即屬盜竊罪，最高可被判處10年監禁。而根據第16A條，如果任何人以任何欺騙手段意圖欺騙另一人，為受騙人以外的任何人取得利益，或令任何人蒙受不利，均會被指控為欺詐罪，最高可被判處14年監禁。唔好縱容挪用公款嘅腦細，望周知。

🔝其實無論係公司生意失敗周轉不靈，定係疫情影響令公司生意營運唔到，或係老闆不愛江山愛美人洗晒公司啲錢，喺任何理由及情況下「拖糧」都係犯法，根據《僱傭條例》規定，僱主必須係工資期屆滿後嘅7日內出糧，僱主如果未能依時出糧，必須就欠薪支付利息俾僱員，僱員如果超過 1 個月仍未獲發已到期嘅薪金，可以視呢份「僱傭合約」已被終止，呢個時候僱主就必須支付僱員「解僱代通知金」及其他解僱賠償。僱主如故意及無合理辯解而不依時支付工資給僱員，可被檢控，一經定罪，最高可被罰款 35 萬元及監禁 3 年。萬一大家不幸地中招，記得搵勞工處求助，幫自己追討欠薪，如果仍未解決，就可以選擇告上法庭……不過應該冇人想行到呢一步。所以，入職前了解好公司同老闆背景好重要，記得上官網睇下公司架構，又或者上網爬文，睇下有冇人講過公司的文化，又或者可透過獵頭公司介紹，做齊以上事項，又有獵頭幫你scan過，應該會放心好多。

#不愛江山愛美人
#有錢但唔識理財又有咩用
#打工仔被腦細伏雷死的悲哀
#全職獵人職捱自救企劃
#FulltimeHeadhunt #全職獵人

新書訂購：https://docs.google.com/forms/d/1tjPYjkZpYiQDzv_V3PrKgxj78FUim57G7RDZa6KWBT8/

［金基德回顧展：慾海慈航/援交天使/Samaria］實趕客，但話知佢，自己想寫

1. TLDR：你地邊個冇罪嘅，就搵石頭掟佢吧！留意「石頭」係套戲嘅重點之一。今晚大館仲有一場7:30，仲有飛賣。去睇吧，雖然網上你都搵得到足本重溫嘅。順手講埋我一路嘅核心信念：戲係要成套咁睇的，正如書係要成本咁睇，否則你永遠都學唔到嗰種神髓，呢啲嘢全部要「浸」出嚟。你去睇Youtube睇都可以15分鐘知晒啲劇情有人解埋，但點解我要走出去睇多次？我唔識用Youtube？電影，同多嘢一樣，個神韻唔係懶人包，唔係fact，唔係橋段重點，而係你要用心感受。

2. Medium版就有埋相咁咯（https://lkdin.io/3VYo）

簡介劇情
簡評
詳細分析劇情—第一幕
詳細分析劇情—第二幕
詳細分析劇情—第三幕
套戲攞獎好合理
石頭 as a metaphor
最後講講金基德

3. 是咁的，我冇工返都仲好忙，況且而家好多時三四點先起身。但為咗重睇呢套戲（以前睇過一次），我都仲係星期六爬起身，極速在樓下用3分鐘食完碟海南雞飯，然後走出去灣仔睇呢套戲。可見金基德有相當大吸引力。

4. 留意呢套戲2004年，剛剛好係佢中期嘅作品，開始成熟，亦都係呢年佢在歐洲攞獎聲名大噪。金基德未必係好計算嘅導演（邊個話商業片先要計算？），但事後睇返，你睇到好啱啲評審口味，攞獎合理之極。

5. 呢套我相信亦係佢最出名嘅兩套戲之一，另一套當然後後來嘅《聖殤》，後期作品，隱居三年後復出嘅顛峰之作，亦係好啱評審口味，但我個人鍾意呢套《慾海慈航》多好多。

6. 兩套嘅共通點，都算係雅俗共賞，唔會好難明好古怪要好多演繹．兩套都畫到出晒腸，好適合文青用嚟示範咩叫「好電影」，有啲內容嘅電影（come on，唔係荷里活商業片嗰啲”message”．

簡介劇情

7. 順手一提，我覺得劇透係冇乜問題的，即使扭橋戲或推理劇都係。「好」嘅電影唔應該只係靠一條好橋，橋段人人有，但execution先難。好多戲知咗結局我都可以睇多次，即使係扭橋戲或推理劇，你都可以睇多次導演點佈局點誤導你點畀提示你。若果只係靠最尾一下扭橋，只係低手。

8. 講返，劇情不複雜，重要人物三個講晒。女一，女二，女一老豆。亦都係一個好典型嘅三幕劇（間場出埋title添，慌死你唔明，所以套戲唔難明）。

9. 第一幕：女一女二高中生，好友（兼戀人？），想儲錢去歐洲（我懷疑《過春天》就係抄佢，但當然爭好遠），於是女二下海，女一做中介人，女二全不覺得係苦差，但留意開場冇耐女二已經意外（？）跳樓死埋。

10. 第二幕：開始「金基德毀三觀」，女一明白女二苦心，繼承佢遺志，約返啲恩客出嚟，唔收錢仲畀返錢佢地！但然後畀老豆發現咗，老豆去搵返啲嫖客出嚟，打，鬧，殺。

第三幕：當年第一次睇覺得呢部份戲味爭啲，而家睇返發現呢部份先最重要！兩父女返鄉下，拜死鬼老母，最後都係冇開口講。老豆自首，完。

簡評

11. 之前睇過金基德早期啲嘅《收件人不明/打回頭的情書》，我有講話睇到仲係幾幼嫰，太多狗血（甚至有真狗血！），枝節多。去到呢套《慾海慈航》，就真係斬走晒啲無謂嘢，冇乜邊部份係多餘嘅。正如米開蘭基羅話頭，只係將唔屬於大衞像嘅嘢拎走，呢套《慾海慈航》真係做到去蕪存菁

12. 援交電影，我睇咗嘅都幾十套，拍埋你就睇到分野。金基德做到「不落俗套」。何謂俗套？正如啲人講，十分「TVB」嘅對白同情節，唔好笑，好多荷里活片港產片都係咁。金基德唔係獵奇，唔係賣弄色情（至少呢套唔係），甚至唔係探討社會問題（至少呢套冇乜），講嘅始終係佢最擅長嘅：人性，慾望，救贖，宗教，倫理，道德。

詳細分析劇情—第一幕

13. 角色同情節設定，都係相當精彩。固然你諗真啲，有啲劇情犯駁，唔合理，只係為咗推進故事，但瑕不掩瑜。

14. 先講女二，背景資料極少，屋企人或其他嘢完全冇提。套戲講到好白，一開頭女二已經講印度傳說有個妓女叫Vasumitra（亦係第一幕嘅名），男人同佢搞完就變虔誠佛教徒。女一話，咁都得？女二話，係呀，男人搞嘢時就好似嬰兒咁，渴望母親關愛，佢話由今日開始自己就係Vasumitra。講到明晒。

15. 留意兩個女仔都係新人（低成本嘛，況且演高中生），選角做得非常好，或者話導演指引得好。你見女二，就真係一個菩薩樣，慈祥咁笑住下海，普渡眾生，十分開心。雖然之前冇性經験，但對啲嫖客十分感恩，大家一齊分享人生，佢覺得自己做緊好嘅事，又有錢收可以實現去歐遊嘅夢想，做自己鍾意做嘅嘢，不知幾開心。

16. 呢度嘅對比，就係女一。女一家庭背景我地知道，喪母，老豆做警察，點睇都係慈父唔係獸父，日日車佢返學，冇虐待冇性侵，亦唔算過度管束，屋企環境亦唔差。對女一嚟講，性係污糟嘅（佢每次都要幫女二沖涼），啲男人係仆街嘅，只係佢實現去歐洲嘅手段，佢完全唔明女二做乜可以樂在其中，同啲嫖客分享人生，甚至叫埋一齊食飯，甚至鍾意埋個嫖客。但同時間，佢又只係坐享其成做中介人，從來唔會自己落場，只係自己好友女二去畀人搞，呢度你見到女一嘅虛偽。留意下女一嘅高傲，同女二一臉慈祥嘅對比。

17. 然後劇情發展落去，雖然劇情唔多合理，但你都知女二一定要死的，否則冇戲做。女二臨死前都想見返恩客，呀女一去搵恩客，恩客仲要叫女一畀佢上埋先制（初夜添喎）！真係十分之咁仆街抵死嘅橋段。呢套戲入面啲男人真係全部都面目可憎的。

18. 但當然，女二見唔到恩客就斷咗氣，去到呢度可以十分TVB。但呢套戲就安排女二絶對係含笑而終，菩薩聖母呀喂！女一完全唔明白。

詳細分析劇情—第二幕

19. 去到第二幕，更加離奇，但金基德並冇拍到獵奇（留意啲性交易嘅場面極少）。女一原本諗住燒咗本數薄，同埋啲錢，忘記過去。但佢諗返女二慈祥嘅遺容，忽然明白咗啲乜。呢度真係絶，但又唔令你覺得突兀。

20. 於是乎，女一就由一個原本覺得性交易好低賤嘅中產女仔，變成「菩薩二號」，約返晒啲舊客出嚟，同佢地做，甚至還返錢畀佢地！嫖客就固然係「仍難盡信我是這樣地無窮好運」，但亦都有拍到啲嫖客話終生都會幫佢地祈禱。於是乎女一就慢慢體會到女二嘅「使命」，繼承女二嘅遺志，嘩，生命影響生命呀，堅！不過我個人理解，與其話女一真係變成「菩薩二號」，我覺得佢係只係為咗故友/戀人。證據？佢原本應該係諗住約返晒數薄上面嘅人，就唔再做落去。

詳細分析劇情—第三幕

21. 你以為套戲拍性交易？唔係，去到呢度已經再冇性交易場面乜滯。然後就去到第三幕，冇錯係十分TVB的，差佬老豆嘢，在對面時鐘酒店望到自己個女（唔止，後來仲要 女一掉低數薄在草地畀佢執到，但成套戲拍得好你可以原諒呢啲嘢）。

22. 當然就係又迷惘又憤怒，「天呀我做錯乜點解你要咁對我由細到大我有乜冇比你？」（幸好都未咁TVB，冇呢啲對白，都話戲劇小說第一法則：show, don’t tell）．但佢始終十分愛個女，甚至冇當面踢爆（呢啲先符合東亞家庭倫理嘛），結果佢就將啲憤怒發泄在啲嫖客身上

23. 打後，就係見到佢變身正義使者，自己去執法，羞辱甚至打啲嫖客，甚至殺埋人。但你以為變成復仇電影？又唔係喎。 （呢類「你以為乜乜乜，又唔係」係金基德電影嘅特色之一，你可以話佢善於玩弄啲觀眾，其實係嘲笑啲俗套橋段）

24. 睇到呢度其實係乜？就係孤星淚（都係差佬添）。一路落去，老豆越嚟越迷失，到底自己係in what position，去判斷個女做嘅嘢啱定錯？去判斷啲嫖客啱定錯？呢個社會嘅道德係乜？自己細由到大學嘅嘢係咪錯　—呢個先係套戲嘅主題！

25. 所以，就有咗最後返鄉下嘅一幕，先係全套戲同其他俗套戲唔同嘅地方。留意並唔係返到去大家BBQ（有蕃薯！）四四六六講晒，最後大家都冇講出口。但，十分巧妙地，老豆知道個女其實已經長大，自己唔應該再指指點點，錯嘅可能係自己嘅價值觀。最後自首，獲得心靈嘅救贖。嘩。咪就係孤星淚！

套戲攞獎好合理

26. 頭先提過，套戲計算相當準確。留意返套戲2004年，互聯網大盛（但未有Facebook），「韓流」亦都成型，明顯地外國人好有興趣知韓國社會嘅嘢，何況學生妹援交係全球現象。金基德聰明在加入埋啲宗教隱喻，最後孤星淚式嘅劇情，仲有「石頭」嘅比喻（下一段講），呢啲都係歐洲評審會睇得明嘅嘢。加上套戲拍韓國女仔，但又好聰明咁冇賣弄色情或胴體，啱晒啲歐洲假道學鹹濕阿叔（我話嘅）。

石頭 as a metaphor

27. 扮文青嘅話，就必要要講「石頭」。呢個「你地邊個冇罪嘅，就搵石頭掟佢吧！」嘅比喻太明顯。另外留意，真正嘅石頭，在套戲入面至少仲出現咗三次。

28. 首先，女一老豆去阻止啲嫖客車震，就真係在遠處掟石（都話慌死你唔明！）。另外，亦有一幕見到佢原本想用石頭打死個嫖客，最後亦有一個真係咁做。

29. 但更重重要係去到尾段，神來之筆。兩父女回鄉祭亡母，中途老豆架車畀石頭頂住，開唔到車，搞唔掂，索性瞓著（冇錯，唔多合理嘅情節）。點知個女自己落車去搞，移開咗啲石頭。老豆醒返，發現，得喎，開到車了。正係呢幕，就係交代「個女已經畀你想像中懂事，你唔好再阻住地球轉」

30. 然後去到最後，以車為喻，老豆教個女開車，亦都係用畫好嘅石頭（！）舖條路畀佢開。亦都慌死你唔明，一語雙關講到白：「之後嘅路就你自己走落去啦」，然後去咗自首。遠處嘅女一想開車過嚟，但又畀泥阻住，但大家知道，個喻意就係以後嘅落佢自己走落去。

最後講講金基德

31. 最後講一講金基德，因為我都唔打算再寫多篇《聖殤》。點講呢？正如我舊文寫，金基德亦係屬於好「型」嘅嗰種創作者，係一個「作者風格」好強嘅導演，或者話，有嗰種「以文章做為戰鬥武器」嘅精神。即係你可以好討厭佢，但你好難忽視佢在。

32. 金基德此人，就已經係一個傳奇。相信都唔少人知，首先佢冇乜點讀過書，甚至係初中都未讀完，亦係真正嘅窮人家庭出身。所以你見其實佢拍好多低下階層嘅嘢（但呢套冇），亦都拍工業，拍宗教，全部係佢成長嘅寫照（所以《聖殤》係佢代表作，三樣有齊）。我亦都肯定，佢影響咗無數後來嘅導演。

33. 金基德嘅電影，真係「作者風」，就係賣佢一個，探討人性。後期啲戲有啲有明星，但反而有明星嘅戲唔得。佢都係要玩育成，演員任佢舞先得。

34. 除咗主題，佢嘅戲仲有一個好大嘅特色：平，同埋快。度劇本可能耐，但拍係極快，早年試過一日（！）拍完。即使係拎獎無數嘅《聖殤》，都係十日搞掂，聽聞用咗七十萬港紙咋。留意拍《聖殤》時佢已經係國際名導，大把資源，但都係咁搞掂，你嗰啲日夜話冇資源冇時間冇錢嘅，真係應該慚愧。拍戲係可以好平嘅。

35. 最後，少不免講佢嘅私德。咁其實都死撚埋，你鍾意咪去拉脫維亞或者韓國堀佢出嚟鞭屍。不過在我嚟講呢個不值得討論，我認為作品成就同個人，係完全分開嘅。頂多你可以話佢完全侮辱咗「大師」呢兩個字，但不能影響你對佢作品嘅評價。照計好簡單嘅邏輯啫，你未知佢啲衰嘢時，明明就話啲戲好好睇。咁點可能到你知咗佢啲嘢，就變得唔好睇？

36. 有朋友仲講笑，話會唔會會場有一大班女權L示威。事實？我見到好多青春少艾睇，幾靚的說。

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

浪漫月巴睇2000（159）
【娟姐，我們的日常需要】

我有諗過，是否需要睇醫生，因為我已經中毒太深——這種毒，名叫「蒙古姑娘的日常」。凡中毒者，漸漸分不清牛羊。

1.「蒙古姑娘的日常」，是Carmen姐參加《全民造星5》面試時的自選舞蹈——嚴格來說，這隻舞也是由她自創。Carmen姐，在地產公司任職行政助理，平生最愛，食嘢，所以我們平日只會看見她食嘢而不是做嘢，鏡頭影住她時，固然在食嘢，就算鏡頭影住其他人而她明顯處於Out Fo狀態時，依然在食嘢。食乜嘢？零食、薯片，甚至是雞髀。她唯一一次冇嘢食揸手時，就是在花姐肥仔面前，傾力演出自創的「蒙古姑娘的日常」。
2.還記得第一次看——亦即在《大叔的愛》第五集首次看到這隻舞時，真的，立即大笑勁笑狂笑，是那種因充分感受到表演者熱誠而Very開心的笑，無法制止的笑。好耐未試過睇電視睇到咁開心，開心而笑。
3.而不是恥笑冷笑苦笑陰陰嘴笑，以上各種笑，產生的原因，都不來自開心；「蒙古姑娘的日常」呢，卻令我發自內心地開心，是Carmen姐的忘我（以及那幾下亢奮的叫聲）令我開心。
4.實不相瞞，每當在現實生活遇上不快時，我就會回想「蒙古姑娘的日常」，喚起那個在蒙古草原揸牛奶的開心姑娘，讓她喚起潛藏在我內心的開心；如果情況容許的話，我甚至會立即翻睇這一幕「蒙古姑娘的日常」，看她表演時的熱誠，感受她對生命的熱情。
5.是演繹Carmen姐的娟姐令我如此開心。睇她化身蒙古姑娘，開心；睇她食雞髀，亦開心；睇她在Office做八婆，一樣開心——這個「八婆」，不含任何貶義，反而是種讚美；有些演員做八婆，就只是八婆，令人感到煩厭的八婆，娟姐演八婆，卻不止於八婆，更透出一份親切可愛。在過去，這類角色通常是被設計出來以供大家取笑，娟姐本人，卻有能耐改造這類先天負面的角色。
6.其實每個年代的電視台，都需要一個這樣親切可愛的八婆。上一個能夠給我有這種感受的，已經是盧巧音，她的聲線，可以用來唱好聽的歌，也可以用來扮演可愛的八婆。娟姐聲線，同樣特別，特別易記，記住那份開心，開心到想繼續聽落去，而不覺疲累。
7.所以她很適合做主持。主持《有酒今晚吹》，看著她邊飲邊吹，Relax；主持《造美人》，她的聲音提供一種知性能量，為那班參賽者提供能量勇敢走下去，而不是寸她們笑她們；主持《阿女又戀嚟》，聲線又能幫她立即融入那個由爸爸媽媽構成的世界，一點都不突兀，而你可能不知道，娟姐今年才不過31歲，她1990年出生。
8.娟姐，注定獨特。她不是一般你會在電視見到的典型靚女，永遠把自己置放於一個（所謂）靚的狀態，娟姐可以開懷地飲，可以認真地主持真人騷，可以不停地食雞髀，也可以忘我地化身蒙古姑娘——Even穿上泳衣影落的照片，一樣可以被歸入Google那個好易搜尋的「娟姐 J」Category。
9.娟姐自有一種美。這種美，不是其他人能夠造出來，娟姐的美，無法複製，因為不純粹是一種經由視覺神經得出的外在結果，而是一種感受，感受是綜合的複雜的，當中包含了很多：她的八、她的豪爽、她的親切、她的知性、她的真摯，甚至是她拎在手中的酒杯，或雞髀。
10.睇見娟姐就開心。我不知道你需不需要這份開心，我，好需要。
（原文刊於am730）
（今日全世界聚焦生番哥原居地屯門，所以早啲Po文）
#浪漫月巴睇2000

#Edan呂爵安 #調教你MIRROR #肥仔分手 #七仙羽 #娛樂八卦 #SmartTravel #梁祖堯 #MIRROR #姜濤 #呂爵安 #MIRROR #連登 #LIHKG #熱門 #肥仔ERROR #梁業肥仔 #多圖 #是日娛樂八卦新聞
#呂爵安出軌 #Edan出軌 #花姐調教你mirror

【空姐爆料】系列, 專業人士、家庭主婦、OL、行政人員、男士、傳媒亦喜歡報導我的呢個 #SmartTravel, 可以滿足你 #娛樂、輕鬆、#剝花生 #旅遊資訊 #平吃買玩 #各地文化, 要睇梗係睇原汁原味, 你係咩人就會支持返咩嘅youtuber, 國際華人傳媒, 最喜歡報道Smart Travel
https://youtube.com/playlist?list=PLhKZNoNE4iEf-Rsl1fa8Um8aY2Yl86Q95
大家可以透過Payme, 支持下我, 打賞打賞鼓勵鼓勵:
https://payme.hsbc/smarttravel

?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

HK01
七仙羽爆料肥仔一早吼住練美娟　娟姐慘成第三者嫌疑人物？
ViuTV綜藝節目《ERROR自肥企画》獲得不少觀眾關注，連帶主持節目的ERROR四子193（郭嘉駿）、肥仔（梁業）、吳保錡和阿Dee愈來愈多人認識。不過，肥仔事業得意卻情場失意，與肥仔拍拖8年的初戀女友阿芬（陳燕芬）日前突然在Facebook宣布分手，表示：「因了解而分開其實也算是感情路上最好的結果，我倆彼此也會在心裡互相好好祝福。」「分訊」一出，有網民翻查堪輿學家七仙羽上ViuTV節目《晚吹-有酒今晚吹》的一集，七仙羽在節目中的一句︰「肥仔一早吼住娟姐（練美娟）」，令娟姐成為第三者嫌疑人物。

節目中，七仙羽為主持娟姐牽紅線，想撮合娟姐與肥仔，七仙羽更形容二人是「一個武大郎，一個潘金蓮」，不過補充指練美娟是單純、專一的潘金蓮。主持強尼笑說：「但肥仔未必願意做武大郎。」七仙羽即說：「問咗肥仔意願啦，喺化妝間﹗肥仔佢一早吼住咗好耐，不過呢排佢好忙，日日都唱歌，忙住唱《呢啲（lady）Killer》，所以冇時間去識女仔！」又續說︰「肥仔留意咗你好耐，見到你覺得你幾好，肥仔都有意思，因為肥仔嘅搵錢能力高﹗」七仙羽疑似已知道肥仔與女友分手一事。

至於當事人肥仔回覆其他傳媒時表不分手不牽涉第三者，但不希望回應私事。有關七仙羽在節目中的說話，肥仔就指七師傅只是說笑。另外，娟姐回覆傳媒時就指自己由頭到尾在節目中也沒有參與過對話，只是師傅講，她覺得似是師傅像多兩杯亂講居多。娟姐又指應該是師傅在拍攝當天剛巧遇到肥仔同在化妝間，可能只是順手講肥仔，師傅又聲稱肥仔暗戀她，娟姐就話不知道，似是敷衍她多點！不過，娟姐對肥仔也沒有落閘，直言喜歡幽默和大隻過她的人，肥仔的條件也算符合，她講笑說如果是真的話，就等對方做主動。 .

AppleDaily
肥仔被七仙羽爆一早吼住ViuTV女藝人 娟姐親解第三者傳聞
ERROR成員肥仔（梁業）昨日驚爆與拍拖年8年的初戀女友陳燕芬分手，阿芬在facebook宣佈「分訊」時沒有半點埋怨：「因了解而分開，其實也算是在感情路上最好的結果，我倆彼此也會在心裏互相好好祝福。」不過，堪輿學家七仙羽月初曾在ViuTV節目《晚吹-有酒今晚吹》爆料，指「肥仔一早吼住娟姐（練美娟）」，令娟姐成為第三者嫌疑人物。被問到分手是否涉第三者？肥仔今日回覆《蘋果》斬釘截鐵說：「冇！但唔好意思，私人嘢唔係太方便透露。」對於七師父指他有特別留意娟姐？他說：「七師傅都係講笑咁講啫。」而肥仔今日凌晨在IG Story轉發一張修腳甲相，似乎未有因分手影響心情。

對於與肥仔傳緋聞，娟姐認為得啖笑說：「好搞笑，我由頭到尾都冇參與過，係師父講咋喎。我哋同事嚟，有傾偈都好正常，你問我，我就覺得係師父飲多咗亂講多啲。」已單身4年的娟姐，自爆經常叫師傅介紹男仔，可能對方覺得自己好煩，她續說：「嗰日拍嘢之前，咁啱肥仔喺化間入面，我諗佢（七師傅）真係順手見到肥仔，咁就話肥仔囉。」可覺肥仔暗戀，或發現任入何蛛絲馬跡？她說：「佢（七師傅）聲稱有，但我就真係唔知道，我覺得佢簡直係敷衍我呀！」

娟姐、肥仔同年同月出世
娟姐與肥仔都是31歲，同年同月出世，並合作過《娛樂OnAir》，她直言大家好啱傾：「啱，佢咁人見人愛，邊個唔鍾意佢呀，但佢對個個都咁好，等我再feel吓先。如果真係嘅話，喺你哋推崇下，我都feel吓先，因為佢現在都真係單身。我覺得佢咁大個人唔使安慰，越安慰越麻煩，等佢settle down所有嘢就會同大家講。」是否喜歡類型？她說：「我都鍾意幽默同多嘢講，外型大隻過我囉，咁肥仔都大隻過我，某程度上都啱嘅，又多嘢講，match嘅，如果真係就等佢嚟approach我囉，哈哈。」

MIRROR出道三年俘虜了大中小fans，早前在九龍灣開演唱會證明新生代的身價，青春活力無敵。不過在經理人「花姐」黃慧君眼中，仍有不足，下月7日首播的MIRROR真人騷《調教你MIRROR》最近開始宣傳，花姐在首條預告中，向導師梁祖堯剖析自己對MIRROR各成員的睇法，例如「簽完佢返嚟，係有好多缺點」、「單飛之後，將單飛擺第一位，MIRROR喺第二位」、「佢優柔寡斷，佢發返我脾氣，覺得我點解話佢黑面。」最後花姐一句總結：「其實佢哋好幸福，冇經歷過面做新人係咁慘。」聽到阿祖皺眉頭。

昨日《調教你MIRROR》有第二條宣傳片，今次輪到MIRROR講真話，原來內部危機四伏，又會有拗撬，包括Anson Lo說：「發生咗好多嘢，可能街外人睇唔出。」阿Jer及Anson Kong分別說有「唔好嘅競爭」、「有啲芥蒂存在」。

至於Ian、Stanley、Frankie就覺得「MIRROR」作為整體退步，分別說「大家嘅passions都好似磨滅咗」、「少咗好多時間一齊」、「同步率好似未係好一致」。另外Jeremy亦有睇法：「越嚟越多個人工作，對於MIRROR 好似變咗part time嘅感覺。」

MIRROR本月初舉行演唱會，Alton在壓軸中說：「3年後喺唔喺度我唔知，但係兩年半後，我哋仍然喺度，我哋憑乜嘢？就係憑你哋嘅愛護同支持，好多謝。」在演唱會前，MIRROR整隊入梅窩拍攝《調教你MIRROR》，其間疑因在場追星fans眾多，影響拍攝，MIRROR 所有成員一字排開，向fans呼籲離開，因用詞嚴厲傷到fans心，需要花姐在IG解圍。

秋風蕭瑟，掠過了清幽的譚公廟，拂到筲箕灣避風港。洪波湧起，打散了月兒傾瀉的粼光。五更時分的小碼頭，已經有十來人正盼着破曉。陸續見船隻埋岸，漁民將漁獲攤放於海旁叫賣。這一大早，來買海鮮的街坊算不上是絡繹不絕，卻也是湊了個小熱鬧。一名白髮老人正姍姍步至，眾人都抬頭喊聲「喜叔」，啊，他可是筲箕灣最老的漁民，身旁的正是他的髮妻喜嬸。他的白襯衫早已泛黃，於是他套上了一件灰白的風衣，遮蓋着點點風痕浪跡，也擋擋清勁的晚風。畢竟他已年屆七十五，不如壯年襟風，要堅持出海，總得披上護甲。二人與老街坊寒暄一番後，就來到岸邊佇足。望着墨藍的大海，他目光落在汪洋上虛緲的一點，彷彿，那裏有着一塊，至珍的瑰寶。

最美的相知
船舶擊拍着浪濤，浪花的聲音呼喊着他們上船。喜叔兩公婆登船後，就訴說着這是兩人的恆常生活。畢竟上了年紀，二人現時大概一星期出三至四天海，只要是出海日，他們都會於凌晨四時起來梳洗，五時許來到譚公廟這邊，由駁艇將他們送到自己的漁船上，因為漁船怕被損壞或盜取，不能停泊岸邊，故要由水上人稱為「送人艇」的接駁艇接送。不消五分鐘，小艇已停定於漁船旁，每艘船的位置已經分配好，漁民都有協議，不會混淆或佔位。二人利落地跳上船艙，喜叔第一時間執纜﹑泵水，仔細檢查船隻機器是否一切正常；喜嬸則於船身右側位置，拉起繩網堵住入口，防止蟹籠掉到海裏去。確定一切沒問題後，漁船就出發去。見喜叔開船技術之純熟，可知一定是訓練有素。他邊駛船，邊把自己身世娓娓道來。


四十年代，筲箕灣還是個漁灣，打從出生，他們一家人就住在海上。自幾歲起，喜叔一直都跟父母出海捕魚，他記得，那個年代，漁船還是搖橹的。當時因為要糊口，一家人天天出海，開足一星期工。直至八歲時，父親去世，他就跟媽媽出海捕魚，過着相依為命的生活。因此，喜叔自小與海洋打交道，雖然沒有了讀書的機會，目不識丁，卻練得一身好功夫，擔起了男人的責任。

對他而言，自己最幸運的，就是在這片海中，遇到最美麗的她。喜嬸，同樣是水上人，因為爸爸有一艘漁船，故自小就跟着父親出海捕魚。後來喜叔於其漁船打工，二人相戀十年方才結婚。婚後不久，喜嬸誕下大兒子，喜叔於是盤算，沒理由跟岳父打一輩子的工，於是與太太商量，決定考船牌，自己買一艘船捕魚，當時要買小型漁船很便宜，只需三千至四千元，到後來才慢慢換了艘大船，至今，與喜嬸已歷四十四年的風浪。


霎時清風，海水又將日月吞吐，波濤化成一片湛藍。如斯美景，夫妻二人未有閒暇抬頭欣賞。只見，喜叔把船停下來放錨，接着就忙於操作面前的起籠機，顧名思義，就是把前一天丟進海中的蟹籠逐個絞起來。這種捕魚方法叫「浸籠」，把魚餌綁好於蟹籠內，將蟹籠丟入海中，貪吃的魚兒就會從小洞竄進籠內被困，最後漁夫把蟹籠收回，再取出籠中的漁獲。往日，漁民多用排釣的方法，漁獲較多，但放了魚餌後，就要即日去撈起，不然魚兒都會逃脫。浸籠的好處就是沒那麼辛苦，蟹籠因為較難逃脫，故此放籠入海後，隔日再起籠也沒有問題。把蟹籠絞上來後，喜叔起勁地把籠子一個又一個丟往艙內。一旁的喜嬸把大堆魚餌從冰箱舀出，撿起地上的蟹籠，把裏面的魚及蟹倒出分類，蟹不能跟魚放在一起，不然會把魚都鉗爛，蟹放在外面的籃子裏，魚則放在魚倉。

接下來的步驟，檢查籠子有否被雞泡魚咬爛，如有破損就要修補，她邊縫補着邊謂：「蟹籠係我哋嘅飯碗，冇佢邊有魚？呢啲籠唔平㗎，嗰次打風，跌咗了四百幾個，冇咗幾萬銀。」她嘆一口氣，補好破洞後，就換入新的魚餌，舊魚餌多會倒掉，浸過海水鮮味就沒有了，魚兒很聰明，不新鮮不吃，而且魚餌要用新鮮的魚，有黃魚﹑池仔魚﹑鱭魚﹑橫雜魚，有時更會用九棍魚，下冰下鹽醃漬，以前買魚餌大約兩元半一斤，現時則要五元，成本相當高。轉眼間，一百二十個蟹籠已經埋疊了半艘船的位置，喜嫂隨即把籠子逐個舉起，再大力拋進海裏。一個籠有八斤重，一天五百多個籠，一隻手舉上來，十分吃力。喜叔指拉上來還好，丟籠下海更辛苦，更用力：「我習慣啦，唔係太辛苦，我成日叫太太開船，我去丟籠，佢話唔好，佢唔習慣喎！」每完成一百二十個蟹籠稱之為「一壇」，一天約莫做三壇。做了第一壇後，二人就開船往另一邊海域再重複上述工作，

最好的相伴
浪濤上的朝暉，日復日，仍舊美如初。夫妻二人的工作如是，甚至捕魚的季節及地方都有規有律。六至七月時，他們會去蒲台島﹑橫欄島等海域；八至十月風大，則去東龍島﹑石澳等，總之不離開香港。已經做到第三壇，眼見漁獲不算多，亦未見大魚。喜叔解釋，六至七月時，因為風斜，可以把船駛出一點，是捕得最多魚的時節。捉到大魚對他們而言，不是太常見，七至八斤的大魚，一年才得見十次八次，反倒一至兩斤重的魚就十分多，一天能有個十條八條。捉到大魚，足夠讓他們樂上一整天，他興奮地說起：「嗰日捉咗一隻大蟹幾開心，隻蟹重一斤十二両，賣咗一千蚊。」說得眉飛色舞，令他憶起最豐盛的年代。

七至八十年代，科技沒那麼先進，漁民眾多，卻大家都常見豐收。好景不再，現時的漁民並不如以往純樸，年輕一輩為求賺錢，都採用高科技的圍網漁船，他們又稱「燈光艇」。這些大型漁艇會栽一個海車，用海底雷達偵測海魚的位置，將牠們擊暈，魚兒不會動，只好任他們捕捉，一百擔﹑二百擔，全都捉走了，這樣，海洋都沒有魚兒了。說起來，他帶點唏噓：「嗰啲圍網漁船，一年賺二千幾萬，一隻咋！啲漁拖全部都係後生仔，用我哋個方法捕魚好少啦，可以話冇啦，我哋就快被淘汰啦。」歲月匆匆，又豈止慨嘆，還有那些年的驚險，依然歷歷在目。廿七至廿八年前，喜嬸與喜叔於風雨天出公海，二人合力扯桿，喜嬸蹲下來時，一個大浪打過來，把她拋下大海。往事嘛，說起來還可打個小趣，喜叔笑指很多水上人，其實都不懂游泳，包括太太：「咁我咪跳落海捉實佢，我叫她啊，唔好掐我條頸，搭肩頭好啦！你一掐住我就會死，一齊死。」結果船身壓下來，他一把推喜嬸上船，自己則於船底游過對面上船，喜嬸聽着猶有餘悸。年輕時經點風浪不算甚麼，現在年紀大了，倒要看天氣做人，大風反倒沒有所謂，可以如常出海，遇着大雨大多不出，免得冒險。

聊聊昔年，漁船不知不覺已駛到停泊處，駁艇早就在此靜候。他們一般於十一時許上岸，把漁獲推到魚檔賣，如遇到較大的風浪，就要先把魚兒放到水中數小時，好讓牠們先嘔吐乾淨。以往，喜叔都如早上的漁販般，於岸邊擺賣。經常被食環署追捕，被捕的話就要罰款及充公漁獲，損失慘重。終於，一家人於二十多年前上了公屋，決定租魚檔賣魚。說時遲，手推車已經被推進寫着「祥好鮮魚凍肉」的魚檔內，喜嬸接着一個勁兒把海鮮分類放在檔攤上的一個個膠籃內，用水養着活魚。他們賣的魚多是自己捕來，如果數量不夠，就向其他漁民買魚，運來魚檔。

喜叔於筲箕灣土生土長，自小已經捕魚賣魚，很多老街坊光顧。如果捉到六至七斤的大石斑，他會打電話着熟客來買，故大魚通常很快賣出。他半點不認老，賣魚都要親力親為，客人多是衝着他而來：「好多客見我唔喺魚檔就睇一睇，問，阿叔呢？去咗邊度？檔口啲人話阿叔去食飯啊，啲客就話轉頭先嚟買。」也不是浪得虛名，這些魚好不好，是否真的海魚，喜叔一看，全都知道。語畢，他就忙於向檔前的大叔及大媽滔滔介紹今天的漁獲，倉魚﹑金鮕﹑荷包魚，哪一種較清甜，哪一條新鮮得眼睛會滾動，如何煮才好吃。跟街坊聊着，不知不覺已經到了黃昏。足足工作了十四小時，這就是老漁民的一天。

一天很長，一世卻短。喜叔與大海作伴一輩子，沒有因此而富貴，只是過了樸素的七十五載。他倒是看得很開：「生意好難做，我哋幾十歲冇所謂啦，難做都照做。」事實上，他根本離不開這片大海。朋友都勸他退休，他也就試着退下來。只是，休息到第八日，他竟然頭昏腦脹，怎麼說，就是暈船浪的感覺。他覺得奇怪，就試着出海，結果出了海整個人又變得精神起來，頭也一點不暈。他跑回家跟太太說，還是不能退休。一心打算退休湊孫的喜嬸，只得苦笑：「冇辦法啦，佢要出海就陪佢出，辛苦命。」倘若喜叔最大的樂趣，就是捉到大魚，大豐收；那麼喜嬸呢，不就是看到老伴的笑臉嗎。

縱已滄海桑田，他依舊追逐，因為，他早已尋見他的天涯海角。她，亦然。

祥好鮮魚凍肉
地址：筲箕灣金華街57號
營業時間：6m-5:30pm

採訪：黃寶琳
攝影：胡浩賢

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

晨時，鳥喃未聞，人煙不沸，這是公園仔少有的風景，畢竟她是大埔墟的地標。

這公園挺逗趣，中央的聳樹被圓弧大理石圍繞，背向蒼翠，眺望園內四個角落都座落了涼亭，綠蓋白頂紅底柱，凜凜底下，是數個被煙霧迷漫着的大叔。樹蔭今天似乎起不了作用，滾動的水滴於綠亭邊緣滑落，漸覺頻繁，眾大叔見勢色不對，紛紛止住吐霧，急着腳離開公園仔。

出口四邊都是街道，條條大路都通往大小食肆。面前穿著藍襯衫的大叔，隨其穿過其中一條大街，拐兩個彎頭，於一家開了半閘的店子外駐足。雨粉漸成點，大叔握着玻璃門的扶手一拉，就往店裏去。水珠積聚於半彎的睫毛上，勉強撐起沉重的眼皮，只見，頂上是一個黑色招牌，以俗金刻了「陳漢記粥麵專家」七個鑄字。

腳丫穿過玻璃門，大叔邊領頭走，邊自我介紹。他是亮叔，王永亮，是這家廿八年老店子的事頭。

聞知是一家老店，真有點驚嗟，畢竟門外裝潢新簇，沒有太多痕迹。步進店內，與外間的烏霧相反，是一片燈火通明。牆身都貼滿茶記式菜單，左側是麵檔，右側是白色小圓桌兩三，行至盡頭，方知左前方尚有偌大空間，同樣是散落了多張圓桌及銀色圓櫈，一名員工手執濕毛巾，在枱面隨意打着大圈，試圖拭淨桌面；另外兩位把各類調味品填滿小瓶子後，半扔回桌上；還有一位提着拖把，在地上來回晃擦。不修邊幅的景象，反倒滲出了點點庸俗的雅致。撿起掉到地上的餐單一看，選擇繁多，暗忖小店食物五花八門，入神之際，亮叔一屁股坐到櫈上，盯着餐牌看之餘，又調侃道：「啲人話我哋乜都有得食，雜過鬼。嗱，我份人乜都隨緣，但對食物好執着，冇一樣嘢做得馬虎。」他以手為筆，於桌上寫了四個字——「一門四傑」。


緣來又去
收起指頭，一陣牛腩的滷香蓋過了市井味，隨炊煙而行，又來到門口的麵檔。亮叔隨即走到麵檔，用力搭了搭師傅的肩膀，咧着嘴巴介紹着「第一傑」，牛腩師傅佳哥。穿上青綠色制服的佳哥靦腆地笑了笑，又轉過頭去，繼續撈起炆煮好的牛腩及牛雜。一旁的亮叔見狀，着他切好一碟三分肥、七分瘦的牛腩，拿到就近圓枱坐下來，邊吃邊自賞。小店的牛腩十分講究，天天購入新鮮牛腩，肉類絕不保留超過一天。夾起其中一塊放到口中，咀嚼三數下便嚥下，他指要肉質軟腍，不是炆得愈久愈好，而是熟知每塊肉所需火候，不同位置，不同厚度都有影響，所以每天炆煮時間不一樣，這就要講經驗。他說這裏的師傅都跟他有緣，想法一致，緣合則聚。很多麵檔師傅為求方便，將牛雜與牛腩一大鍋煮，此乃亮叔不能妥協，因為牛雜多雜質，會影響牛腩的味道與質感，分開烹調縱使費時費火，他都堅持廿八載。除了火候，醬汁也是重點，與其他店做法不同，小店的腩汁加入了沙嗲，說到這裏，他的表情出現了一點微妙的變化，徐徐道出這是他姑丈的秘方，幾十年不變。「我姑丈係邊個？之唔係陳漢記個陳漢囉。」手執已過身姑丈的照片，亮叔的笑容帶點苦澀。他相信緣分，亦知道安天命，有些命運無法改變，就如他與父母無緣。父親於其四歲時離世，後來母親改嫁，他頓成孤兒。幸而緣去，又來。當時幸得姑丈陳漢一口答應撫養，他才得今日安樂。

陳漢記其實是姑丈的心血，第一間店位於荃灣。他十歲就開始到店裏幫忙，上學前幫忙開店，放學後背着書包做樓面及清潔。一切自願，因為他本來就不喜讀書，故十二歲小學甫畢業，他就全力到店裏跟姑丈學做牛腩。陳漢對他非常嚴格，細小的他要學着站高炒鑊﹑攪拌汁醬，更要把跟自己差不多大小的鍋子舉高過頭，雖苦，卻因而練出一身好功夫。十六歲那一年，他已經做企檔師傅，獨當一面，煮得一手好牛腩。至十八歲，姑丈因年老而要退休，整家店交由他打理，一直至三十歲。

後來，雄心壯志的他，想要一闖天下，於是有了自立門戶的念頭。姑丈聞言，口裏雖然不想他離開老店，卻又身體力行，借數十萬予他開店。於是，就有了大埔陳漢記的出現。「我可以有今時今日，全靠姑丈，所以鋪名一定要用番陳漢記。」未幾，姑丈兒女無法繼續經營，陳漢記只剩他一家。話一出，他又塞了一塊牛腩進口。亮叔把牛腩視為小店的靈魂，味道一點不能變，因為這是姑丈的拿手好菜，是一份不可割捨的感情、一份由心的尊敬、一絲眷戀。

種下善因
面前的牛腩一掃而盡，只剩下空碟。忽地，一股米香飄至鼻腔，喚醒了沉浸於思海中的亮叔。他仰頭望鐘，十一點半，已經開店半個小時，於是他動身往粥檔去。只見粥檔前貼了幾張沾了水的手寫單子，繞過傳菜的小窗口，他駐足於另一名穿上制服的男人身旁，男人看上去，還帶點青澀，正是小店「第二傑」，粥檔師傅恆仔。舀起一勺察看，小店的粥底屬於稠杰，這是亮叔的喜好，認為這樣較有口感。但要粥夠稠綿，得花上四至五小時煲煮，中間要不住攪拌，需要耐性。「我成日話後生唔係問題，我教佢要用心、用感情去煲，咁先做到一煲好粥。」播種善念，恆仔也沒有辜負他的期望，每天都一大早就回來煲粥，不敢怠忽。此時，恆仔看看單子，先舀起一勺粥底往小煲內，再加入豬雜搖滾，鋪上葱，一碗及第粥就完成。樓面阿姐把粥捧到客人面前，再附上一碟腸粉。

對啊，吃粥又怎麼少得了腸粉？視線回到粥檔這邊，不知何時起，一名青綠上衣的女人，正立於旁邊的腸粉檔埋頭苦幹。她是店裏的「第三傑」，腸粉師傅英姐。只見英姐舀起一勺粉漿，淋到長方形的蒸架上，再均勻地於中上方位置放上蝦仁，於最下方灑上切碎了的豬膶，待粉漿凝固後，用小鐵片於中間割開，各自捲成兩條腸粉。「玻璃腸粉到。」黝黑的大叔打着哈哈，似乎是熟客。兩碟腸粉晶瑩剔透，厚薄均勻，英姐說這是亮叔對腸粉的要求，餡料每日新鮮，粉皮輕薄而帶少許透明，要薄而不破，少一點技術都不行。最有趣的是，腸粉的秘方只有師傅知道，就連老闆都是門外漢。亮叔聞言，即過來搭訕：「試過有四個客人，一食食咗三十幾碟，冇呃你，真係。」吃三十碟有何驚奇，小店有很多客人，一吃，便吃了廿多個年頭。

立足廿八個年頭，亮叔在這一區，除了美食有口碑外，亦是有名的義氣仔女，只要朋友有難，他都會拔刀相助。他憶起當初小店僅得一邊鋪位，彈丸之地放了七八張木摺枱，當時生意不錯，想要擴充地方，隔壁卻有一間建築材料店，令他無從入手。直至十多年前，建材店要倒閉，告知執達吏要到此封鋪，多年鄰居關係，他想也不想就借了三十萬給對方應急，好讓店鋪不用被封，對方為了報恩，把鋪位轉租予他，才得以有現時寛大的陳漢記。種善因，得善果，亮叔坦言，這善心由姑丈播下。陳漢花名為義兄，幾乎荃灣區所有爛仔、道友都受過其恩惠。也許是一種薰染，他人生中，一個「情」字對他特別重要，不論對朋友或是員工，他都動之以情。與姑丈的緣分，他自覺是修來的福氣；與姑丈的關係，如父，也如師。

緣原是圓
游離憶潮，天色漸黃，預告晚市即將開始。一個身影霍地於煲仔飯檔出現，亮叔上前打個招呼，介紹他是小店的「第四傑」，煲仔飯師傅正哥。正哥跟了他二十年有多，煲仔飯的水準從來沒變過。正哥臉帶淺笑，打開了正在冒煙的其中一個瓦煲仔，見米粒煲得適中，粒粒分明，帶少許飯焦，把新鮮的白鱔鋪於米飯之上，再蓋上瓦頂。甘鮮混和飯香，從小隙縫滑溜到店外，只見店門側已有一條長長的人龍，靜候嘗鮮。煲仔飯是小店的名物，多年來都全靠正哥的手藝，方令店子夜夜笙歌，亮叔眸子裏倒映出裊裊白煙，又開腔：「呢啲瓦煲仔用四至五次就要換，但師傅呢？一齊打拚咗咁多年，梗係想一直唔變啦。」這又是他從姑丈身上學到，夥計是一家店的靈魂，要視之為手足，將心比心，他多年來都一直慎守。就如，他每年都豪擲數萬元，請員工吃團年飯；又如，他付員工之薪金，都較同行高。記得沙士那年很難過，小店每月虧三十萬，亮叔卻一點沒有想過放棄，要守住員工，護着他們背後的家室，結果，向政府提取的一百萬資助金，他全都用來發薪給夥計，上下齊心，終渡過難關。緣是圓，老闆來，手足往。有一年，他們遇到了勁敵，一家粉麵店開到隔壁，客人貪新鮮，都紛紛離巢，生意淡薄，足足三年之久。一班夥計沒有因為怕飯碗不保而過檔，反而工作得更拼搏，終於使得一眾客人回頭。「我當正佢哋家人，唔係點會跟我咁多年？」此刻，他正於廚房外，與數名樓面聊得興起，一時抱頭勒背，一時笑得合不攏嘴。

驟然，見有熟客，他拍拍員工肩頭，只見對方有默契地遞上一壺熱茶，亮叔即執壺熱情地上前跟客人打招呼，不消一陣子，已經坐了下來一起喝茶。聞說，他以前都會拿出珍藏威士忌與客人碰杯，只是大家白髮已見，惟有健康點，以茶代酒。言笑間那種親切，似乎超越了賓主關係。時針又繞了一圈，亮叔仍然埋首於一片喧繁之間，顯得玻璃外的朗月更孤清。

送別最後一桌客人，舉錶一望，凌晨四時。店裏半昏半明，站在門外，月光冷冷地打照到臉上。他笑意未散，瞇起的雙眼末端，是藏不住的魚尾紋。這時，才回想起亮叔已將近六十。他默默來到收銀處，拿出鈔票邊點算着，邊自嘲年事漸高，現時回店裏都以管賬目居多：「我做咗幾十年，而家比以前冇咁好力，辛苦好多。」苦卻甜，他其實一點不想退休，只望回店子找樂子。語畢，四位師傅各自捧來牛腩、蟹粥、蝦腸、白鱔煲仔飯，正哥扯高嗓子：「嚟啦！老細！」啊，宵夜。一桌子六﹑七人，拿着碗筷，一言又一語，忘卻了深宵的疲憊。

甚麼是知足常樂？看他，辛苦了大半輩子，得失，得失，最終隨行的，還是老緣分。

他說，陳漢之言，會牢記。

陳漢記
地址：大埔運頭街91B地下
電話：2658 2277
營業時間：11am-4am
詳情： http://bit.ly/2LRFwKu

========================================
新店食評，名家食譜，一App睇晒！
立即免費下載飲食男女App： http://onelink.to/etwapp

即like《飲食男女》Facebook：http://www.facebook.com/eatandtravel

飲食男女網站：http://etw.hk

即刻Follow我哋Instagram，睇更多靚片靚相！
http://goo.gl/KwjNOE (@eat_travel_weekly)