《登機橋與盲婆意粉》
好喜歡同意佬講中國的坊間傳說，滿足在就算講錯咗故仔內容但我講到似曾曾咁款所以洋鬼子都聽得好入神！
聞說人要轉世投胎時，會行過奈何橋同埋飲碗盲婆湯，然之後會忘記哂今生今世所有嘅人和事，了無牽掛咁投胎做人，或做仙又或做貓貓狗狗。
於是乎我同意佬成日講笑，話每次走過呢條登機橋，食過呢碟盲婆Carbonara意粉，就投胎做返流浪人。呢間機場候機大堂嘅餐廳已成為我哋上路嘅必食飯堂，一邊食一邊望住後面嘅告示板飛機起飛時間表，到時到候就「夠鐘上路」。
兩位老媽子實話啋！大吉利是講過！哈，放心噃，雖然今年已行咗4次登機橋，但我哋仍聞到意大利咖啡嘅香，仍感覺到軟綿綿絲苗米蒸上面頰嘅暖。
其實人畢生嘅記憶係咪真係可以用一碗湯嚟刪除？婆婆未走前都經歷咗一段長時間阿兹海默症，所有的子子孫孫圍在她身邊，佢表現得好驀然，驚訝地問做乜成堆人圍住佢好驚。但當上前攬住佢時，佢彷彿感受到一種似曾相識的暖，一陣已滲入骨流於血嘅氣味，冇哂牙嘅婆婆睜開半眼微笑與我對望︰我唔知你係邊個，但我感應到你曾經出現喺我生命裡，我哋曾朝夕相對，有時會孖舖瞓覺，你最喜歡我煮嘅豉油太陽蛋撈飯......
記憶力真係好蝦人，冇噏西班牙文成個月，好似已甩甩哋9成俾返哂老師，加上喺意大利用自創意文溝英文吹咗兩星期水，依家返到南半球喺街同人打招呼條脷都打哂kick。睇嚟係時候閉關自修煉，如果唔係出街買餸又俾人兇！
#肓婆湯與奈何橋
#流浪人日常
#阿兹海默症可怕嗎
#愛在記憶中找氣味
#gipsylife
#BoardingBridgeAndCarbonara
#Spanishcatchup
阿兹海默症可怕嗎 在 第1堂：失智並不可怕，可怕的是您不知道 - YouTube 的推薦與評價
第2輯-不要小看的年輕失智症第3輯-失智症十大警訊第4輯-如何降低失智症 ... 第1堂：失智並不 可怕 ， 可怕 的是您不知道 ... 失智症就是#阿茲 海默症 嗎？ ... <看更多>