Search
🔑 一週年送刺身🔥😍 🔑
之前介紹既Second Bite 原來1週年啦👍🏻 宜家舉行緊一週年食食食活動 ！由9/6 - 13/6 凡惠顧任何晚餐鐵板扒餐系列或單點Menu消費滿$150即送大赤蝦及北海道帆立貝刺身一客(價值$88) 詳情可以留意番Second Bite Instagram @secondbitehk 同Facebook🤓
.
PS: 佢地既牛頸脊扒同其他特殊牛部位都好正呀😍 記得try try佢～ 仲有之前介紹過既鐵板扒餐😚
————————————————————
🍴分類：#kff西式 #kff港式
💰價位：#kff中產
🌍地區：#kff長沙灣
📍Second Bite (長沙灣)
長沙灣昌華街45號昌暉大廈地下6號舖
🚇長沙灣站C2出口
長沙灣對於筆者來說雖然有點陌生，但原來現也演變成臥虎藏龍之地，很多有質素的食店都因著租金相對實惠的關係而進駐了該區，就像筆者最近做訪的一間西餐廳，裝潢酷似美式酒吧格局，店內放滿了不同的得意畫作，襯上昏暗帶迷幻的燈光，充滿著街頭玩味氣氛。
小店以手抓海鮮盤和頂級牛板腱在網上獲得了高人氣的評價，最近還推出了港式主題鐵板餐，以懷舊港式做法配上精選靚食材，務求以合理貼地的價錢做出滿有老香港豉油西餐風味的高質扒餐。
當晚筆者點了邪惡的黃金薯條，雙色薯條有薯仔和番薯2種炸薯條混在一起，濃郁的鹹蛋黃充份裹上了每條熱烘烘的粗薯條，鹹稠香脆，；芝士龍蝦墨西哥脆片，原隻波士頓龍蝦起肉，配上粟米脆片和海量芝士醬，爽彈香脆兼備，沾上伴碟同來的Sour Cream、Guacamole 和 Tomato Salsa，多上酸香軟滑，更添層次。 特級本地牛頸脊五成熟燒得喉剛好，肉香軟嫩；手抓海鮮盤用料新鮮，有3款醬汁可供選擇，海鮮貝類配上香蒜檸檬牛油汁，帶著淡淡的蒜香，味道不會過濃，鮮香味美，如份量能多上一點就更好了。
整餐的出品很有驚喜，完全意想不到在長沙灣這舊區會找到一間如此有質素的西餐廳，菜式美味而且價格合理，難怪就算小店位處較偏靜處也都座無虛席，大家來到附近不妨一試，筆者也在計劃再臨一試其高質鐵板餐。
#長沙灣
#西餐
#高質鐵板餐
#手抓海鮮
#燒牛頸脊
#龍蝦墨西哥脆片
#黃金薯條
#古家私房菜
而家食貴價野反而排長龍或訂位
我唔鐘意限死自己行程！
反而普通餐廳晚上客少又唔迫
我寧願去搵間少人唔洗排隊仲可以食到自己鐘意既菜式,上次解禁堂食,我都係第一晚即刻出黎呢度食鐵板扒餐,最大原因係抵食同好食
呢間餐廳黎過好多次！最正係佢個２０蚊鐵板扒餐，已經介紹過比好多朋友食！一致好評！
無他，夠平份量又多！唔係人人真係追求食和牛咁高級架嘛！港式鐵板一樣好食！
有咩食，好多野食，但我只集中講返佢個鐵板
最平＄２０，真係２０蚊有份吉列豬柳
限量５０份，除非係周末，平日一定食到！
不過今次黎唔係食吉列豬柳！
係食牛柳同什扒！牛柳五成熟，什扒全熟ＸＤ
加錢要埋套餐包湯包餐飲仲有甜品！
凍飲加５蚊！今次既餐包有加熱，夾牛油會溶
咁先係架嘛！細節真係做足先好食！
個紅湯係番茄羅宋湯，無以前咁辣
不過足料，好多番茄同洋蔥蘿蔔！
白湯就無咁特別，白汁粟米湯！
鐵板牛柳５成熟，加埋鐵板熱力食到尾會變七成熟，所以唔好點太熟會好乾身無肉汁
５成熟岩岩好！食到牛柳本身既肉汁之餘
肉質極細嫩，又嫩又多汁，牛肉味濃郁！
配埋大量粟米，薯條同水煮蔬菜！
賣相豪邁但味道一絕！
鐵板什扒餐，呢個係抵食之選！
一隻炸雞全翼，牛扒，豬扒，半條腸，煙肉
堆到山咁高！出盡力食都係食剩少少！
底層墊有大量薯條同蔬菜做底
全部肉都係全熟包括薄牛扒！
雞翼炸過既，好脆口，但無乜特別
豬扒肉質緊實，可以鬆佢２野再鬆化Ｄ就好
牛扒就薄身，靠個汁搭救～
最後甜品有啫喱或雪糕杯~
簡簡單單收尾~平均100蚊位,無投訴!仲好滿足~
手打牛肉漢堡
大大件,夾有新鮮沙律菜,番茄,芝士
牛肉漢堡扒肉厚多汁鬆軟好味道!
肉肉強食by 鋒膳
長沙灣東京街31號1樓
Meat Hunter by Flower Drum
又係我啦，今日同大家介紹一下，平絕香港既抵食情報
去到10月尾,呢間餐廳做緊優惠 半價可以食什扒餐$39一客,有牛,豬扒,煙肉,肉仔,雞翼,共5件肉
$20 吉列豬扒,每天限量50碟,仲要係鐵板上,超抵食,真係搵唔到比佢更便宜~更好吃~
仲有$24一個特大巨型手打漢堡!!(原價$48,而家半價)
咁我先講半價優惠既什扒餐
超抵之選,幾乎大家都會叫呢碟或$20吉列豬柳
可選醬汁,黑椒或洋蔥或蒜蓉汁,另加$18就有埋餐湯,粉或飯或薯條,包餐包,凍飲加$5
即係話$39+$18+$5 即係$62就有齊曬全餐,仲有甜品包埋,抵食到拍曬手掌
餐包跟牛油,夠鬆軟,但無加熱過,有D可惜~如果可以叮3-5秒熱返個包就完滿
上菜由店員即場淋埋醬汁,滋滋滋滋~~飛曬煙出黎
底層有水煮蔬菜伴碟加粗薯條,上面就係肉食,雞扒大大件,厚切
一隻炸雞翼,一條肉腸,一片煙肉,薄牛扒一片,賣相係十分豐富~~
醬汁校得好食,D肉質都唔錯,沒有死咸,牛椒似有調味,幾乎食唔曬~
每次黎既話我都好鐘意食牛柳,無特價都要照食,因為真係好好食
牛扒必須配黑椒汁,咁樣先係食港式鐵板既精髓~濃香帶微辣既黑椒醬汁~
經過鐵板熱力既加熱,香氣更加突出~薯條沾上埋黑椒汁食,連番茄汁都切慳返~
薯條香脆,撞上濃辣既醬汁,好食到忍唔住手~
牛柳足料,最少有250克左右,大大件~5成熟或七成熟,我自己就一般都係食5成咁先夠嫩滑
唔好睇佢冰室環境咁,呢塊牛柳真係好出色,切開粉嫩,咬開肉汁係噴出黎,非常鮮嫩味美
大過老麥既巨無霸,麵包有烘過,厚身大片既牛漢堡肉,有肉汁,鬆軟,加埋沙律菜同番茄片,三者結合既味道非常唔錯,另外最後食到尾仲有雪糕同JELLY一杯,唔錯~
但記得自己問阿姐拎,佢好多時都唔會主動送上甜品,我見有人無食到就埋單走左~
#港式鐵板 #鐵板餐 #手打漢堡 #手工漢堡 #和牛漢堡 #20蚊食鐵板 #港式風味
#HKBLOG #HKBLOGGER #HKFOOD #HKIGFOOD #肉肉強食 #肉肉強食by鋒膳 #鋒膳
https://www.mrlamsan.com/2020/08/meat.html
晚市重開！即試特價$20 鐵板吉列豬扒！
份量比足料,香脆有肉味！ 加$18有湯有餐包仲包甜品同意粉或薯菜！
免加一超抵食！肉肉強食 by 鋒膳 Meat Hunter by Flower Drum
晚市重開，相信大家都會出街搵食，咁我去長沙灣食飯，搶先再食$20一客既鐵板吉列豬扒
加$18就有埋餐湯,餐包,意粉或飯或薯條,仲有伴碟水煮蔬菜粟米等等,結尾仲有甜品食!
凍飲加$5！免加一，只收現金! 晚晚供應，每日限量50份
全部無添加激素，亦絕不採用鬆肉粉或食粉醃任何肉類，改以雜菜水去醃肉，使肉質天然鬆軟
絕對超值抵食！即點即炸，好脆身，肉質唔會鬆散無味！有三種醬汁自選配搭！
紅湯白湯兩款選一，餐包今次有叮過，比起上次黎食好左！
今次試埋另一款焗豬扒飯!$60,包湯! 個番茄醬汁校得唔會太酸,味道係幾平衡既!
豬扒已切上,唔係原片,食得方便!飯底有炒過,夠乾爽!
豬扒唔係鬆到軟淋淋個種,係保留到豬肉既甜味同肉質既
餐湯係紅湯,相當足料,飲完好開胃,微辣帶酸,料頭多!比起白湯好飲!
#hkblog #hkblogger #肉肉強食 #港式鐵板 #20蚊食飯
肉肉強食 by 鋒膳
地址：長沙灣東京街 31 號 1樓
電話：2361 0031
地區街拍LIST
https://www.youtube.com/playlist?list=PLMHInmp-ZMmDtsBKwzhey7YJA2FQ_ezO5
