【我冇諗過我最後都會「入坑」睇《#大叔的愛》】
#長文慎入
真心我唔知幾多年冇睇過港劇,對上一次應該係《天與地》,又咁啱都係有黃德斌。有時唔係唔睇港劇,而係作為影迷,你一星期五晚分分鐘夜晚都喺戲院,或者一套或者兩套直落,散場返到屋企都點幾。唔理你viutv又好,(你仲係會睇時期嘅)CCTVB又好,你都唔會喺屋企,所以點都追唔到,極其量食飯屋企人睇我又望兩眼,真係「追」就冇。到我開始追劇,已經變咗睇HBO同Netflix。
坦白講,事前身邊人係咁叫我追《大叔的愛》,我知好有話題性好好睇但都的唔起心肝睇,而且我同期係睇緊《Loki》、《American Horror Stories》、《全裸監督》、《恐懼大街》(我當佢係劇),再加埋正場嘅戲,我根本唔會有時間插多一套,本身我唔係好有興趣必睇嘅劇。最後我因為個好癡線私人原因走去睇,初頭都冇乜認真睇,陪太子讀書心態,一路開住一路做自己嘢,點知睇睇吓都投入埋,將我全部追緊嘢放埋一邊,仲睇到半夜三更,當年一日睇一季《紙房子》都冇咁癲。
冇睇過日劇做唔到對比,但就咁用港劇嚟睇,我諗Viu係成功在一個好大膽嘅嘗試同肯去創新。唔止係香港首套BL劇集咁簡單,拍法都將傳統肥皂劇婆婆媽媽三角戀(當然呢套唔止三角戀咁簡單)拍得咁輕鬆可喜,有搞笑有感人位你仲會想去追看佢點樣發展、代入到角色內心世界,用半幽默半浪漫方式包裝,唔係好老套單純典型鬥氣冤家最後一定一齊套路;將日劇嘅七集篇幅撐到十五集,都融入到好多local元素,最少你唔會覺得佢係撐緊,亦唔會有地域文化差異「水土不服」情況。
大量實景如大澳紅橋(大澳居民往後幾星期辛苦了)、赤柱海濱、尖東天橋、9號碼頭等等,完全俾你感受到係一個香港實景發生故事,都可以融情入景。兩位主角嘅屋企唔係CCTVB式「全香港都係有錢人式大宅」,典型年輕couple式style都會令你睇得好舒服,你或者身邊朋友間屋都係咁,唔係個個有天台有露台有花園,「貼地」係一樣有共鳴要素。
或者呢一點可能要歸功於日劇原作,但後天改篇都成功在冇去妖魔化同性戀。喺CCTVB劇集入面,同性戀唔係搞到乸型,就九成九係幕後變態兇手(仲要一出場你就知道佢係「奸」果種),然後句句對白都會出現「死基佬」之類形容。套劇嘅同性戀角色可以拍到好純愛,亦唔會刻意去物化男性或女性,都係同你同我一樣咁樣生活,甚至令你唔係同性戀都可以代入到個角色。作為一套同性戀題材,香港電影入面唔係冇,但大部份都拍得好壓抑好悲情(其實一如西方作品),呢套極其量會令觀眾感到虐心,絕未去到要生要死地步,我諗唔止係劇集,連香港電影都可以借鏡。
網上有人對比田田同金城安,我諗都係套劇抵讚一環。要設計略帶傻氣嘅搞笑角色,係要誇張嘅,但唔駛太過火,適時誇張適時都可以俾返少少貼地、人性化感覺佢。當你睇金城安會睇到覺得呢個人係智障,田田你極其量會覺得佢係傻吓傻吓,亦有好嘅一面,絕對唔會覺得佢係智障。
要宣傳一套劇集,唔係一味靠洗腦式東張西望或者係咁上綜藝節目,再整個自嘲式See See 乜乜乜就得。今時今日要make noise唔係自己圍圍喂,要喺網路上爆紅,先可以做到「現象級」盛況。君不見Disney+每套星戰同Marvel劇集可以做到「全球現象」,集集一上架冇幾個鐘就全球自自然然有人討論,當然你可以話佢係Marvel係星戰點同,但前期後期宣傳功夫,點樣善用各種social media、做live、做訪問、微量劇透,率先帶動到話題同期待度(當然都有盡天時地利人和夾到最當紅組合),一切自己慢慢推出嚟,適時做倒數,再搵劇中演員打破四面牆同大家做唔同交流。今時今日宣傳係要咁樣玩,好嘢自會有口碑帶動,唔駛洗腦、唔駛要幕後諗爆頭都諗唔到爆點,然後同一篇宣傳稿同一堆問題問幾廿次:「阿邊個同邊個幕後有咩趣聞先?」喂冇人想知囉。唔係話Viu已經去到Disney+級數,但真心同一星期香港social media上討論度,《大叔的愛》結局篇絕對拍得住《Loki》大結局,甚至有大量改圖cap圖,市場推廣絕對係成功一環。
演技方面我唔刻意讚好讚差,應該點講都會俾人圍到我要執page,真心最鍾意係黃德斌嘅演出。喺CCTVB嘅佢,你就覺得佢係一個「男一」,冇乜特別,但估唔到佢可以咁可愛、都可以放下身段去演呢啲角色(初頭只係覺得佢一出場有笑位,最後呢幕堅心痛),睇到我驚佢會唔會從此定咗型,做唔返一貫硬朗形象😂
當然仲有簡慕華個角色,男人窮一生遇到一個咁好女人,應該係幾生修道積福。
前日我係癲到搭咗程短的士返屋企睇《Loki》大結局,今日喺車上面已經睇緊。
當然,《大叔的愛》絕對未去到完美地步,有好多沙石、進步空間都唔少,但作為一套肯創新、肯扭轉傳統價值觀嘅題材,確係值得支持,個人覺得點都好過隔離台晚晚嗌交仲講大男人大女人嘅《寶寶大過天》。#利申屋企人晚晚睇唔係我睇 #啲對白聽到都覺煩
《大叔的愛》觀後感全文可看留言連結。
#我原本諗住寫幾句點知愈寫愈多
‼️電影網店全新貨品已上架,低至$5起,快啲嚟搶購啦:https://bit.ly/3qLPkpk
【Patreon加強版】尊享優惠、更多深度獨家電影文章:https://www.patreon.com/travelerwithmovie
📣文字工作者也得要吃飯,你的支持是我的原動力。請給點心意,給小弟寫更多好文章,歡迎透過payme課金以作支持🥳:https://bit.ly/3a9wOzy
或使用Payme link:https://payme.hsbc/jackyhei
或透過Paypal捐款:paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持,小弟執筆之原創小說私人貨存已全部售罄,有意者可到此文章內的連結購買:https://bit.ly/3dRuUWu
同時也有1部Youtube影片,追蹤數超過27萬的網紅Snow E,也在其Youtube影片中提到,請問呢一度有冇人鍾意食海南雞飯? 請問呢一度有冇人鍾意關智斌Kenny? 咁就啱啦 呢條片就啱晒你睇啦?????? 前排趁大家得閒 我就約咗Kenny一齊去食海南雞飯 我哋就去咗以下四間餐廳: 1)天天海南雞飯 (Fashion Walk) 地址:銅鑼灣京士頓街9號Fashion Walk地下H2號...
「鍾全斌ig」的推薦目錄:
- 關於鍾全斌ig 在 晞。觀影記事 Facebook 的最佳解答
- 關於鍾全斌ig 在 Facebook 的最佳貼文
- 關於鍾全斌ig 在 Facebook 的精選貼文
- 關於鍾全斌ig 在 Snow E Youtube 的最佳解答
- 關於鍾全斌ig 在 More like this - Pinterest 的評價
- 關於鍾全斌ig 在 【藝用解剖學班7月台北課程】 報名連結:... - 鍾全斌OB Illustration 的評價
- 關於鍾全斌ig 在 20160509 - YouTube 的評價
- 關於鍾全斌ig 在 鍾全斌的情報與評價,FACEBOOK、PTT、YOUTUBE 的評價
- 關於鍾全斌ig 在 鍾全斌的情報與評價,FACEBOOK、PTT、YOUTUBE 的評價
- 關於鍾全斌ig 在 鍾全斌的情報與評價,FACEBOOK、PTT、YOUTUBE 的評價
- 關於鍾全斌ig 在 鍾全斌書-Dcard與PTT討論推薦|2022年06月 - 網紅排名情報站 的評價
- 關於鍾全斌ig 在 鍾全斌書-Dcard與PTT討論推薦|2022年06月 - 網紅排名情報站 的評價
鍾全斌ig 在 Facebook 的最佳貼文
【 2018年舊文重推/練美娟當初點解入行?】
改編朝日電視台劇集《大叔的愛》(おっさんずラブ)的香港史上首套同名BL連續劇,將於本周五(16/7)在ViuTV播出最後一集,此劇於過去兩個多星期掀起全城追劇熱潮,每逢播映期間或者播放完畢之後,相關討論和劇情截圖都在社交網絡瘋狂洗版,討論度完全將無綫電視的《刑偵日記》、《聲夢傳奇》徹底比下去,在同溫層效應低下,甚至有理由相信,觀眾追看谷德昭主持《納米無名火》的意欲,較前《刑》和《聲》更高。再看看收視,《大叔的愛》一樣成績亮麗,第二周平均獲得6.9點,較第一周的6.4點上升7.8%,成為ViuTV開台五年以來,獲得最高收視的自製劇,反觀同時段於翡翠台(81台)播放的《刑偵日記》,第二周收視創新低,僅得15.5點,較第一周的17.5再跌兩點,差得令人眼凸。外界預測,今個星期《大叔的愛》結局篇,有力再將收視推高,相信極容易升穿8點水平,但10點這個「關鍵雙位數」似乎會有阻力。
受惠於「大叔熱潮」,劇中所有主要演員皆人氣急升,兩位主角 ── 「阿田」呂爵安(Edan)與「阿牧」盧瀚霆(Anson Lo)的火熱程度,固然勁過Anson Lo大熱天時穿冬裝,而「KK」黃德斌以及「Francesca」簡慕華(Rachel)也令人另眼相看,很多網民都大讚他倆演技了得,後者更得到「簡慕華真係靚咗好多呀」的評語;就連飾演「油尖旺小廚神」的「情深Louis」邱士縉(Stanley)亦愈見順眼,身邊有不少朋友都話:「我睇咗《大叔的愛》之後,終於都覺得大表哥佢個樣唔再普通,仲要OK靚仔!」至於「黑面神Darren」陳子豐(Colin)入行10年,因為這套劇,令他的IG粉絲成功破萬,值得高興。而今次要講的,是在劇中飾演集癲喪、八卦、為食於一身的Carmen姐 ── 「娟姐」練美娟,每次見到她與「阿卵」(飾演平哥的楊偉倫)走在一起,就會忍不住大笑,第11集〈KK愛之反擊〉裏,阿牧當場拒絕承認與阿田拍拖時,Carmen姐上前恥笑阿田,肢體超級誇張:「阿田,乜原來你玩單戀呀?呀唓~~!」我反覆看了數次,依然大笑。而她與平哥野餐(第10集)期間徒手撕開雞髀那一刻亦相當「性感」。
到底「娟姐」當初如何入行?2018年我曾因為《Girls’ Talk》的名義邀請她受訪,並刊登於第257期《100毛》,今次趁機會跟大家分享。(原文標題:娟來娟去之誓要入行No Regret! ─ 練美娟(Florica))
�Q:你有冇睇電視呢?
F:當然係睇《Girls’ Talk》啦。有啲人佢拍完個節目就算,但我集集都會追番㗎! Even有時出咗街,可能成班Friend飲緊嘢或者食緊飯,去到11:15我就會(用手機)開嚟睇,朋友問點解唔返屋企先睇,我話想第一時間睇吓自己表現成點。
Q:聽講《Girls’ Talk》並唔係你第一個喺電視亮相嘅節目喎?!
F:讀大學嘅時候參加咗now TV嘅節目叫《18/22》,主持係「黑人」陳建州,請咗10個大學生,每集就唔同Topic講吓感受。點解會做到呢個節目呢,因為當年我係讀傳理系,接觸嘅人都係呢行發展,有朋友知我平時表演慾都強又多嘢講,覺得好適合,就叫我去試吓。
Q:既然係咁,點解要隔咗咁多年先入行做全職藝人呢?
F:做《18/22》嗰陣都未知自己鍾意做呢行,而我細細個就已經係好鍾意睇電視,好鍾意睇香港、台灣同埋大陸嘅綜藝節目,然後之後我就去咗電影公司、廣告公司,仲有娛樂公司做幕後。2016年ViuTV開台,當時有個節目叫《SE7EN》問過我有冇興趣做,但當時我剛剛先咗去一間娛樂公司打工,我又剛剛搬出嚟住,生活上有好多限制,我自己又唔知自己想點,推咗呢個節目後,我一直都後悔。去到2017年,之前識落嘅朋友問我有冇興趣做《Girls’ Talk》,佢哋想搵啲新面孔做主持,當時就覺得,我都後悔咗成年,咁今次又有機會,係唔係要去馬呢?咁就決定辭工。
Q:你喺《Girls’ Talk》入面做主持,其實有啲咩做?呢個節目不經不覺都播咗差唔多一年,你覺得自己嘅表現係點?
F:節目入面,有十幾個女仔做MC,都係閒談吓,Gossip吓咁,講扮靚、旅行、煮嘢食,仲有拍拖經驗。我喺入面負責……你當無厘頭、搞笑吓,搞吓氣氛呀,我覺得我都算係一個氣氛帶動者嚟嘅。呢個節目做咗就快一年,我自己睇番都幾滿意,因為每次做節目,唔係話就咁嘻嘻哈哈就算,我會諗成個Flow點樣帶動,點樣令成個拍攝過程順利,可能我之前做過幕後,知道我哋要做啲咩,點樣先會Smooth啲,我都會定一個角色畀自己。
Q:節目日日出街,你話起碼一星期都要開一次廠拍4集,絕對係一個好密集嘅訓練,你覺得相比開初,你進步得最大嘅係邊方面呢?你又鍾意做咩主題內容?
F:雖然話節目錄影係Free Flow,但有陣時要背稿,例如Beauty產品有咩用途就要背。我以前係背唔到嘢,講出嚟好生硬,而家做咗一年後,我覺得自己去背嘢方面唔再生硬,識得消化,再融入自己嘅講嘢風格,聽落會舒服好多。我自己比較鍾意Go Out呢個Item,因為有得出外景,可以周圍去,咁樣可以表現多啲我嘅個性。
Q:拍外景有冇咩難忘經歷呢?
F:有集係要玩繩索、飛索,真係行成個鐘先行到上山,當日只係得一個教練,睇住我哋,喺啲石度掛吓掛吓然後再飛落黎,呢個我好深刻,如果只得我一個人去,我唔會做呢件事,第二就係,原來拍外景都係幾辛苦,我自問都算幾捱得苦,但果次拍完返到屋企之後真係好攰,但係又拍出來效果好好。嗰一集我仲要跳埋瀑布,但我唔識游水嘅,佢哋問我想唔想跳,我當然想啦,因為我想觀眾有嘢睇,想佢哋見到我都夠膽跳,我就真係就咁戴住個頭盔,着救生衣,就跳落去一個高10米嘅瀑布,證明有啲嘢只要跨出去就會做到。
重溫《Girls' Talk》「郁啦! Girls」:
https://bit.ly/3wF6urs
*******
第一集劇情預告:
https://bit.ly/3qFrxsv
第二集劇情預告:
https://bit.ly/3juCxar
第三集劇情預告:
https://bit.ly/3wgUkVx
第四集劇情預告:
https://bit.ly/3hwXy1T
第五集劇情預告:
https://bit.ly/3jDXfVD
第六集劇情預告:
https://bit.ly/3r1O6rG
第七集劇情預告:
https://bit.ly/2SXpFyY
第八集劇情預告:
https://bit.ly/2UzUDxi
第九集劇情預告:
https://bit.ly/3edhnds
第十集劇情預告:
https://bit.ly/3r8fm7R
第十一集劇情預告:
https://bit.ly/3i8e3S2
第十二集劇情預告:
https://bit.ly/3xHkCSq
第十三集劇情預告:
https://bit.ly/3wFic5p
《大叔的愛(香港版)》系列報道 ──
港版《大叔的愛》正式開鏡:
http://bit.ly/3ulwo3u
港版《大叔的愛》陣容落實:
http://bit.ly/3aI6X4z
「大表哥」邱士縉《大叔的愛》再演地產經紀:
https://bit.ly/35ixKAE
大叔的愛「阿卵」跟Asha演兩兄妹?
https://bit.ly/3glwtPW
《大叔的愛》記者會呂爵安造型有心思:
https://bit.ly/3eZO3bN
《大叔的愛》今秋反攻日本市場:
https://bit.ly/2T4WtWW
《大叔的愛》首播收視開紅盤:
https://bit.ly/2UP2dEF
《大叔的愛》首播與《蘋果娛樂》消失:
https://bit.ly/3hgimMf
「阿卵」跟Asha演兩兄妹?
https://bit.ly/3hL3Yur
90年代亞視小生羅頌華驚喜客串:
https://bit.ly/3xEv5xJ
(15072021)
#游大東 #游大東影視筆記 #大叔的愛 #練美娟 #呂爵安 #盧瀚霆 #陳子豐 #邱士縉 #楊偉倫 #簡慕華 #黃德斌 #港劇 #VIUTV
娟姐 Florica Lin 香港OL民 - 香港大叔的愛同好會 Ossan's Love Hong Kong Fan Club 做乜膠睇電視 港人講電視 港女講劇 William on the way
鍾全斌ig 在 Facebook 的精選貼文
【 港版《大叔的愛》演出陣容落實 】
MeWe版本:http://bit.ly/3aWf8co
大年初一,祝各位讀者新年進步,身體健康,牛咁歡喜!
傳聞已久的首套港產BL劇《大叔的愛》,已於上月開拍(http://bit.ly/3qhLQLw) ,由盧思麟(Tommy)監製,ViuTV亦已安排全劇演員於早前(8/2,即年廿七)下午會見傳媒,並在facebook專頁首度公開角色造型照。
參考電視台發出的資料,發現今次陣容頗有驚喜。配對tv asahi製作的《大叔的愛》(おっさんずラブ)的原有角色,近日憑單飛歌曲《E先生連環不幸事件》而成為YouTube點播冠軍的人氣男團MIRROR成員呂爵安(Edan),將會飾演「春田田」(即田中圭飾的春田創一),而擁有「巨根」的牧凌太(林遣都飾),將由Edan的隊友盧瀚霆(Anson Lo)飾演,至於黃德斌將會化身黑澤部長(吉田鋼太郎飾),在辦公室開展同性三角關係,三位角色名字,順次序分別為田一雄、凌少牧和翟國強(KK)。
其他角色的選角又如何?先講「春田田」的公司同事。原裝版「天空不動產」東京第二營業部主任武川政宗(真島秀和飾),亦即「小牧」的前度男友,會由陳子豐飾演,名字叫周政文。而長期處於情緒高漲狀態,而且相當八卦的「舞舞」瀨川舞香(伊藤修子飾),港版將由「娟姐」練美娟扮演,名字叫賴嘉雯。於原版劇中,後來愛上黑澤部長前妻黑澤蝶子的栗林歌麻呂(金子大地飾),會由MIRROR另一位成員、人稱「大表哥」的邱士縉飾演,名字叫呂俊霖。
跟「春田田」青梅竹馬的荒井千鶴(內田理央飾),由土生土長英菲混血兒Asha Cuthbert飾演,而她經營居酒屋的哥哥荒井鐵平(兒嶋一哉飾),則會由朱凌凌成員「阿卵」楊偉倫扮演,名字分別叫方梓芊和方梓平。由於Asha百分百沒有華人血統,但又識講流利廣東話,所以她加入劇組,絕對是一大驚喜,但更令人喜出望外的,是ViuTV邀請到已有一段長時間沒拍港劇的簡慕華,扮演黑澤蝶子(原版由大塚寧寧飾演),名為慧珠,10年前她曾與黃德斌於無綫劇集《心戰》合作,扮演慘遭陳豪(飾章世言)殺害情侶Eric與Michelle,2016年又在《鐵馬戰車》飾演夫妻,5年後於《大叔的愛》再扮兩公婆,奈何因為丈夫「中途轉基」,彼此只能離婚收場。
現年44歲的簡慕華,香港科技大學物理系學士畢業後,曾有段時間投考國泰空姐,2000年參加港姐後正式入行成為無綫藝員,起初只能飾演閒角,直至她於《同事三分親》(2007)飾演Doris一角而為人熟悉,之後更憑《烈火雄心3》(2009)飾演王喜的物理治療護士何懿徵一角獲得不俗迴響,並漸漸成為金牌監製戚其義的固定演出班底。除了上文提及的《心戰》外,還先後在《飛女正傳》(2010)、《4 In Love》(2012)、《金枝慾孽貳》(2013)演出。
雖然演技獲得認同,2017年拍畢劇集《超時空男臣》便與TVB解約,北上發展。當年她接受《香港01》訪問時透露離開大台的原因是欠缺發揮:「我離開係因為TVB冇得選擇,冇得選擇自己喜歡可以或者自己鍾意嘅角色,但如果我出咗去,所有嘢我都可以自己選擇囉。」她希望外闖之後在演繹角色上有突破:「我好少睇網上留言,但我覺得自己喺TVB冇突破喇,我好唔想有日觀眾會話:『又係簡慕華』、『簡慕華咪又係咁』、『做極咪又係簡慕華』之類。我仲有團火,你一失意就世界末日㗎,唔可以Negative,前面永遠是最好的,我會咁諗,一日仲係呢行,一日都有機會,除非觀眾已經唔想再睇我。我緊張觀眾唔鍾意我,多過驚冇獎攞。」(http://bit.ly/3tQ2Drj)
➡️原文刊於《香港01》 ——
標題:「港版《大叔的愛》呂爵安盧瀚霆外陣容落實 黃德斌與舊拍檔演夫妻」http://bit.ly/3rKDble
*********
【《大叔的愛》系列報道 】
*電視台開ig玩Role Play之「跟蹤」春田田:http://bit.ly/2L9Hv8r
*短評第一集:http://bit.ly/2H18C2N
*春田田的暖男秘技:http://bit.ly/2k67nGF
*第四集預告:http://bit.ly/2IXU2PF
*東京朝日電視台直擊「大叔的Mon」:http://bit.ly/2L5seFA
*第五集預告,牧春拍拖了:http://bit.ly/2xyokmS
*無言地等的傷心相冊:http://bit.ly/2so8FRO
*瓊姐點名演春田田,許廷鏗真人回應:http://bit.ly/2shARWI
*吉田鋼太郎奪「CONFiDENCE日劇大獎」最佳男配角:http://bit.ly/2vPFp7D
*東京劇集大獎,田中圭、吉田鋼太郎封視帝、最佳男配角:http://bit.ly/2CrfIP7
*田中圭奪「GQ JAPAN MEN OF THE YEAR」:http://bit.ly/2SY2TRM
*《大叔的愛》成2018年日本年度潮語:http://bit.ly/2QPjJG0
*《大叔的愛》電影版掀五角大戰:http://bit.ly/2Z8a13a
(12022021)
#游大東影視筆記 #游大東 #大叔的愛 #呂爵安 #盧瀚霆 #黃德斌 #德尾浩司 #大年初一 #恭喜發財 #簡慕華 #陳子豐 #練美娟 #AshaCuthbert #楊偉倫 做乜膠睇電視 港人講電視 #BL劇 #LGBTQ 自己人 港女講劇 快樂的 Edan Lui 呂爵安 陳子豐 Colin Chan 娟姐 Florica Lin Asha Cuthbert Team Stanley 邱士縉 William on the way 浪遊旅人
鍾全斌ig 在 Snow E Youtube 的最佳解答
請問呢一度有冇人鍾意食海南雞飯?
請問呢一度有冇人鍾意關智斌Kenny?
咁就啱啦
呢條片就啱晒你睇啦??????
前排趁大家得閒
我就約咗Kenny一齊去食海南雞飯
我哋就去咗以下四間餐廳:
1)天天海南雞飯 (Fashion Walk)
地址:銅鑼灣京士頓街9號Fashion Walk地下H2號舖
2)君悅咖啡廳
地址:灣仔港灣道1號君悅酒店大堂
3)水門雞飯
地址:尖沙咀金馬倫道18號地鋪
4)文華雞飯(新加坡)
地址:大角咀中匯街17號地下
.
Anyway 希望大家都鍾意呢一類
真人實測系列影片❤️❤️❤️❤️
Love you all and see you in the next video?
.
FB / IG: iamsnowwhitewhite
YouTube: Snow E
.
#男神關智斌Kenny最喜歡的海南雞飯
.
快啲同我上契啦?
https://www.youtube.com/channel/UCjn1kWmv_eC0Fzkx5gmjnVA/join
![post-title](https://i.ytimg.com/vi/3MQ4C3y5QWE/hqdefault.jpg)
鍾全斌ig 在 【藝用解剖學班7月台北課程】 報名連結:... - 鍾全斌OB Illustration 的推薦與評價
藝用解剖學課程集中講解影響人體體表的「骨骼系統」和「肌肉系統」。先掌握頭骨、胸廓、骨盆、上手臂肱骨、下手臂尺橈骨、大腿股骨、小腿脛腓骨等的骨骼 ... ... <看更多>
鍾全斌ig 在 20160509 - YouTube 的推薦與評價
![影片讀取中](/images/youtube.png)
... https://hahow.in/cr/onezukabin ▻▻ Facebook https://www.facebook.com/onezukabin/ ▻▻ Instagram https://www. instagram.com/chuanbin_ch. ... <看更多>
鍾全斌ig 在 More like this - Pinterest 的推薦與評價
@chuanbin_chung on Instagram: “Class Record - 藝用解剖學班_3月_台北課程https://forms.gle/d66r3JKXv6JckWmF8 課程諮詢請私訊FB粉絲團_鍾全斌OB Illustration ... ... <看更多>