癡咗線咁難book嘅壽司🍣
唔知係咪家下無得飛，間間omakase啲訂位都爆成咁😚😚😚 呢間仲book足一年，無聽錯，係最快2022年中先有位🙃 好好彩擸到個lunch返嚟，$800/位，包括蒸物、刺身3款、壽司10款、醋物、壽司卷、湯、甜品🍮
.
kickstart係松葉蟹蟹膏蒸蛋，濃郁嘅蟹膏味帶領着蒸蛋同松葉蟹肉嘅平淡。再嚟係刺身，少見有呢個酸汁八爪魚蛋，係八爪魚BB🐙每一粒都係，幾新奇有趣🤔之後係無急凍過嘅北海道帶子，普通wasabi調味已經帶出鮮味，還有煙燻過嘅縞縿。
.
先來5款壽司，分別係柚子金目鯛、充滿10%以上油脂嘅池魚、厚肉炙燒梭子魚、雙重海老中間夾蝦膏醬，還有
切絲魷魚配赤海膽🦑
.
之後放個break，有個酢物海參明太子來清清味蕾。繼續另外五款壽司，包括北寄貝、醋鯖魚、中拖羅、蝶魚配明太子
以及東澤白海膽🍣🍣
.
最後就係呑拿魚壽司卷、舞茸湯及雪糕作結。整體質素都平均嘅，但又未至於去到有邊件話特別驚喜，為咗佢返嚟再食咁。野食都多嘅，但都唔係平㗎以lunch嚟講捆綁式刺身同壽司，因為我覺得有啲菜可以skip。Book到一試無妨，但又未有衝動食完即刻book定下年咁🤣🤣 前提係book到先算啦 ~
(好食指數:8/10)
.
天鮨日本料理
銅鑼灣加路連山道1號地下
#銅鑼灣foodsearchers #日式foodsearchers #壽司foodsearchers
