*嚴禁劇透*
*粗口自行過濾*
*可瘋狂話戲屎但免外表批評人身攻擊*
[1230隔夜超短劇評][TVB][12傳說 EP01]
[讚] 以香港都巿傳說去做題材，係大膽嘅。唔係因為怕佢電視尺度過唔到（而我都冇預過放2130線個尺寸會好大），係因為大部分觀眾都對呢啲故事傳說耳熟能詳，扭吓橋、玩吓個傳說係呢套劇嘅主要吸引力。
[彈] 一開波潘朵拉介紹咩係民俗學，一貫無綫風格，講講講，好在有傅教授個故事穿插下，邱梓謙演嘅學生亦都幾討好，減咗啲悶氣（吳精神呢個名真係令人好尷尬）。當中傅教授講望夫石嘅故事，帶出嗰個「傳說出現，係為咗掩蓋不能宣之於口嘅事實」時，我認為呢個係劇本嘅主軸，心諗咁都正喎，可以扭完啲傳說故事之後，再睇吓後面有啲咩大小陰謀，以傳說異詭為主、影響現世人同埋偵查過程為副。
個頭勉勉強強開咗，但之後就失咗焦。詭異嘅氣氛未有建立好，就插咗黃玉同子博嘅感情入去，拍到啲曖昧近乎零味道。之後喺新娘潭搵黃玉嗰段係零緊張感。總之全集有齊偵探、詭異、愛情元素，但每一部份都唔達標。睇到人好氣餒。
如果每個傳說都只係好似第一集咁，用新娘潭去帶條線出嚟，同角色們嘅交流唔夠深嘅話，真係兇多吉少……btw，一個小朋友自己離家出走，會走到去新娘潭咩？
我知，睇多幾集先決定嘛。我會呀。
[演員表] 蕭正楠 飾 傅子博 / 林夏薇 飾 潘朵拉 / 劉珮玥 飾 黃玉 / 林子善 飾 潘得利 / 蔣家旻 飾 顧盼倩 / 林秀怡 飾 潘朵美 / 韓馬利 飾 陳福至 / 丘梓謙 飾 吳精神 / 杜燕歌 飾 傅通明 / 歐陽巧瑩 飾 李芭樂 / 楊家寶 飾 楊芯妮 / 阮政峰 飾 余天澤 / 容天佑 飾 白健峰 / 馮素波 飾 陳燕霞 / 楊證樺 飾 白偉明 /
#1230隔夜超短劇評 #TVB #12傳說 #蕭正楠 #林夏薇 #劉珮玥 #林子善 #蔣家旻 #林秀怡 #韓馬利 #丘梓謙 #杜燕歌 #歐陽巧瑩 #楊家寶 #阮政峰 #容天佑 #馮素波 #楊證樺
邱梓謙tvb 在 邱梓謙 - YouTube 的推薦與評價
Including results for: 邱梓謙 Search only for #邱梓謙 ... TVB 娛樂新聞台. TVB 娛樂新聞台 ... 邱梓謙《我不是我自己I am not my self 》三立八點檔-炮仔聲片尾MV. ... <看更多>