雖然未到暑假，但係心情已經準備好日日玩到盡！
今年暑假雖然繼續要留港，但其實都可以有精彩嘅活動㗎！海洋公園已經準備好一系列嘅精彩活動，帶小朋友一齊走進「至大至好玩自『研』世界」，今次就全家人去海洋公園探索一番！
☀️全新科技「探索號R」互動體驗館
進入「探索號R」之後，Kelsey 將會成為自然守護隊成員，跟住小紅熊進入虛擬世界探索！
「探索號R」採用多項新科技，加上一連串刺激好玩嘅任務，小朋友可以邊學邊玩！
各位小船員要先係分身同步器用3D掃描將自己轉化成虛擬分身，再去小紅熊研究台選擇動物嘅身體部件，拼砌一隻適合生活係特定生態環境AI超級動物。小朋友可以帶住虛擬分身同AI超級動物一齊去能力試練場挑戰各項任務。佢地會共同進行各種求生訓練，從中可以運用科學思維探索動物同自然環境嘅關係。
Kelsey 同Happy(佢隻AI 超級動物)好有默契，好快就已經 LEVEL UP ⬆️ 而且仲認識到唔同身體部位對於環境嘅適應度添！
之後再去競技障礙賽，挑戰唔同程度嘅模擬賽道。 Kelsey 玩得非常投入，而且了解到動物唔同嘅特性可以點樣去增加Happy嘅潛能。
☀️ 威威天地MAKER工作坊
為咗啟發小朋友保護環境嘅重要性，工作坊以親子手作形式將日常生活嘅物料升級改造。首先我哋學習繩結技巧同運用，之後我哋一家再合力將竹子搭成一張竹桌。過程中Kelsey了解到竹子嘅特性同埋原來咁有用途！ 竹桌仲穩陣到連Kelsey坐上去都無問題
☀️ 融合「自然遊樂」同「體驗式學習」元素嘅探索站
由細到大都好鍾意執石頭嘅 Kelsey ，今次有機會去「大嘜礦石場」淘沙揾寶石，心情非常興奮！ 而且仲認識到泥石可以點樣影響水流嘅變化！
☀️ 叢林大細界
走進神秘嘅縮小隧道，所有物件都會變大，體驗小動物嘅視覺，除咗用唔同角度欣賞大自然嘅奧秘，仲最啱我哋打卡影相。公園嘅教育大使更會在場分享本地生態特色。
❤️ 「探索號R 」體驗館、威威天地Maker 工作坊係要另外購票同提早報名預留位置㗎，詳情可以到海洋公園官網查詢：https://www.oceanpark.com.hk/tc
香港海洋公園 Ocean Park Hong Kong
Instagram: @hkoceanpark
#hkoceanpark #ExplorerR #UpsizedPlanet #海洋公園 #至大至好玩自研世界 #邊玩邊學 #探索號R體驗館 #叢林大細界 #探索站 #親子互動工作坊 #威威天地Maker工作坊 #暑假放電大計 #PlaynLearninOP #TheBiggestandBestNaturePlayground #親子活動 #親子好去處 #暑假好去處 #sohappy◽️ #family #hkkids
邊玩邊學sohappy 在 #邊玩邊學sohappy - अन्वेषण गर्नुहोस् | Facebook 的推薦與評價
你知道嗎？訓練孩子「自己擦屁股」，是上小學前 很重要的一個課題喲！因為小學老師可不會幫孩子擦屁股，有些上了小學的孩子#不敢在學校便便、或是都要忍到回家才 ... ... <看更多>