三套新劇今晚上，邊套啱心水？
好少見三套新劇同時上，分別是大台的《我家無難事》和《把關者們》，另外是ViuTV的《超感應學院》，親情倫理、紀律部隊加動作，兩套例牌都有三角戀，與校園通靈故事，題材上都算多元化，唔知啱唔啱你口味了？
《我家無難事》自從馬神「美顏」成功後，相對《跳躍生命線》的「美顏」前，個人尚未睇得慣，可能女觀眾會喜歡。鮑姐同車沅沅反而有些吸引力，另外視后自從《解決師》之後，現在才有新劇上，她的粉絲應該捧埸，而「等待裁決」那位小生會吸收視還是趕客，見到大台收埋會搵佢宣傳，有些少隱憂喎！
《把關者們》，睇主角卡士同監製，以為係《刑偵日記2》，而監製關樹明因《刑》在國內反應好，已經辭職北上發展，還好加入了「爺爺」陳家樂，減低些少《刑》味，其實點解唔可以遲些播，有需要這樣近去播嗎？題材係海關，紀律部隊、訓練、執法同三角關係應該是主線，見慣見熟，加上得到有關部門全力支持，劇本的取向如何，大家心中有數，睇唔睇自己決定。
《超感應學院》是ViuTV和台灣八大電視台合作的劇集，有姜濤同教主Anson Lo參演，應該得到「鏡粉」全力支持，有基本收視，會否像《大叔的愛》咁爆紅，就要睇故事。始終劇集男一是來自《通靈少女》的蔡凡熙，故事亦以台灣背景為主，估計與同樣以校園為背景的《通靈少女》相似，啱唔啱香港觀眾口味，睇過先知。如果大家看了台版，可以講下感受，別劇透了。
有競爭有選擇始終係好事，按喜好選擇吧！
#我家無難事 #把關者們 #超感應學院
跳躍生命線 在 【跳躍生命線】精華片段我一定會投訴你｜何廣沛｜馬德鐘 的推薦與評價
... <看更多>