🚫嚴禁劇透🚫粗口自行過濾🚫
🚫免批評外表人身攻擊🚫
[1230隔夜超短劇評][ViuTV][男排女將][EP15]
✅ 家瑜魚仔連結 魚安sweet
❎ Ian搞鬼輕鬆出色 感情戲要再努力
🔥 魚：我呢隻手，係我企喺場上面嘅資格
🔥 瑜：每一下痛，係我重新企上場嘅資格
家瑜嘅傷患令到佢退出甲一女排，呢個橋段放埋一邊咁多集，今集終於喺劇本上發揮最大作用。上一集搞掂King，今集輪到另一個主角魚仔。
魚仔係天才型球手，但正如佢咁講，係咁多集裡面都見到佢愈來愈認真落力。劇本寫因為阿媽嘅關係佢要同阿新鬥唔輸得，係個好紥實嘅理由。今次佢整傷之後，夾硬練波，搞到要做手術，觀眾好容易感受到佢嘅唔開心同挫敗。
Ian做輕鬆搞鬼嘅部分令人喜出望外，不過去到今集啲傷心位就差少少，但新人嚟講都接受啦，希望下次再進步。佢喺病房由瘋狂食嘢開始，到向家瑜講話佢隻手係企喺場上嘅資格，依家乜都冇晒，嗰吓真係聽到心悒。之後家瑜因為黃金sir嘅開導同埋想救魚仔，所以決定再落場嗰吓，同魚仔講每一吓痛都係再上場嘅資格。呢兩句嘅呼應真係好正，非常熱血感動。
拖咗咁耐，安安同魚仔終於都有啲嘢喇，佢哋兩個做到好sweet嘅氣氛。之前幾集鋪咁耐，仲估點開始佢哋嘅戀情，今集魚仔想安安畀佢練波而講心事，都幾順暢。
黃金sir真係癡心呀~~~~~
btw，都明魚仔要繼續落去，但無啦啦發現原來佢左手都okay，真係…………
📺 99台 逢周一至五 2130~2230
[演員表] 鄧麗欣 飾 蔣家瑜 / 顧定軒 飾 張競康 King / 陳卓賢 飾 余俊賢 魚仔 / 盧瀚霆 飾 陳逸朗 Bobby / 呂爵安 飾 楊洋（阿神） / 邱傲然 飾 凌鋒（阿檸）/ 柳應廷 飾 袁啟聰（方丈）/ 陳宇琛 飾 黃金Sir / 陳子豐 飾 Marco / 王智德 飾 Chris 1 / 梁業 飾 Chris 2 / 李駿傑 飾 Chris 3 / 郭嘉駿 飾 QK / 余潔瀅 飾 安安 / 沈殷怡 飾 蟲蟲 / 李爾晨 飾 何晉新 / 林家熙 飾 Cirlcle / 李文星 飾 杉 / 杜港 飾 麥樂基 / 胡卓希 飾 阿Lo / 彭義廣 飾 阿Dee / 郭慧 飾 Ruby / 余世騰 飾 瑜父 / 黃翠儀 飾 瑜母 / 楊昕 飾Ada / 安南 飾 阿里 / 蘇家樂 飾 旭sir / 謝志豪 飾 Don / 薛廷旭 飾 立 / 吳保錡 飾 記者 / 高瀚文 飾 魯世義
#1230隔夜超短劇評 #ViuTV #男排女將 #張志光 #陳淑賢 #張之彥 #黃穎珊 #黃竣培 #駱競茵 #鄧麗欣 #顧定軒 #陳卓賢 #盧瀚霆 #呂爵安 #邱傲然 #柳應廷 #陳宇琛 #陳子豐 #王智德 #梁業 #李駿傑 #郭嘉駿 #余潔瀅 #沈殷怡 #李爾晨 #林家熙 #李文星 #胡卓希 #彭義廣 #蘇家樂 #薛廷旭 #謝志豪
