呢幾日完全冇睇國際新聞，覺得人生舒服左好多。我冇能力再「哭以巴戰火很牽強」。
畢竟你都只係發現，一d 女權主義者支持而又好喜愛小朋友既政客對佢地聲稱既公義都默不作聲，只係對佢地有利既時候先會伸個頭出黎話邊個國家違反人權點點點既時候，你就知道左膠一直欺騙你，佢地成日話「國際社會」關注其實好重要（兩三年前曾經可能有影響價值，而家大家都睇穿大家底牌加上真係有d瘋狂既總統都落左台仲畀人禁埋聲，你就知呢單野係幾咁可笑），之後叫你課金課金課金，要既只係你既課金。真係做到既制裁，到今日都冇令到佢地想見到既公義到來。換過來做得最多既，係一d 被視為係代言人既組織一個一個自行解體。自行解散。
有d網民成日都期望香港只要夠慘，最好有流血衝突，搶佔一日版面，或數算bbc 那天有沒有報道香港的事，去視作所謂國際跣的kpi，以為咁香港就會有民主來臨。
其實睇真dd，而家我地睇到既阿富汗既狀況，可能真係同外國人睇到香港既感覺一樣，睇完堆新聞，搖搖頭，講句 oh bad luck，再望望自己口袋本護照，哦，ok。之後就會睇返邊個出j 圖或者諗下去邊度渡假飲茶（你睇到英超個個唔戴罩啦呵？），WHAT IS 香港？Is it part of korea? 我真係有聽過英國朋友（大學男生，划艇讀劍橋，飲醉左先敢問，我好想答佢你知唔知google 係乜。不過大隻又有腹肌就可以被原諒架啦）咁講。
唔好再沉迷黃色鴉片，要面對問題先可以解決問題。要麼大家繼續解決各種提出問題既人，然後拖延時間多賺兩年錢走人，都係一個辦法。要如何做，悉隨專便。
