［沽空101］星期五港股沽空比率史上新高！但係咪代表之後會大跌？你話呢？
1. TL；DR – 逆向思維。你嘅「常識」呃咗你。事實你嘅「常識」根本經唔起考驗。你以為沽空比率高＝「大戶」睇淡＝有排跌？錯。歷史見到，沽空率高＝多數見底。至於「大戶」云云，同丫烏婆，超自然力量一樣，都係啲友拎出嚟自圓其說嘅方法，永遠啱。仲係唔信嘅，你睇下2018年頭，或者2020年頭，大跌市之前，沽空比率會唔會高？係唔會的。
2. 我收費專欄嘅文章（梗係畀咗收費讀者先），題為「沽空比率新高！大戶睇淡後市？」
3. 留意下啲標點符號。
4. 假設大家都知咩叫沽空啦，賭啲嘢跌而去賺嘅嘅方法，當然唔係所有嘢可以沽空。但香港一般大型股票，在你滿足一堆規則後，一般係可以嘅。
5. 咁每隻股票有不同嘅沽空金額，例如吉利汽車（175），38億成交，有22.2億係沽空。58%係沽空，明顯因為配股。
6. 咁你成個股市有不同嘅股票，加埋晒，自然就有個大市嘅沽空金額，同埋沽空比率。
7. 睇返，是真的，港股星期五沽空金額歷史新高，370億（https://bit.ly/2Xjf9l2）。叻啲嘅識睇比例，大市1789億成交入面，370億係沽空嘛，佔咗20.6%。都係新高，至少10年新高，好似高過金融海嘯。嘩
9. 當然啲日日核爆嘅友，會無限放大。咁媒體都係讀者鍾意食屎就畀屎佢食，亦會無限放大。事實係有其他原因，MSCI執位。但明顯地，亦都同星期五侵侵開口牌有機會宣佈啲唔知乜有關。
10. 我當然傾向樂觀，唔覺得佢有咩好大嘅嘢出（結果都係）。但，其他人沽空定，十分合理。況且一直講講，港股未算好殘。
11. 所以，有人大手沽空，正路。值得關注，都係正路
12. 但，係咪真係沽空率大，「大戶睇淡」，就會跌？其實有冇諗過邊個教你呢個邏輯？經唔經得起實證？等於係咪港紙強就即係有資金流入即係股樓會升？係咪港紙弱又即係資金流出即係股樓會跌？你話呢？呢幾個月港紙一路都極強喎。
13. 定根本係掉轉？正如師奶都入市就大市見頂。你啲網友都講沽空，仲唔係見底？
14. 其實好簡單，可以驗證，以往啲沽空比率去到咁高，係咪之後就繼續跌？定其實相反？係滯後指標？沽空率高就見底？夾淡倉？
15. 答案，但似乎係後者多。沽空率高，就係見底。至少幾肯定，沽空率高，唔代表之後大跌。
16. 留言我會貼埋個表，但圖中我細圈住嘅，就係沽空比率最高嘅日子。我搵咗9日。其實都好明顯吧？
17. 先睇最高嘅，冇錯係上星期五，20.6%，其實上星期四都有18%，都係史上十大，排到第六。之後會點，未知，但見到星期五夜期已經反彈。
18. 第二同第三高嘅，藍色圈咗，2019年1月頭（19.8%），同埋2019年8月尾（18.7%）。極明顯見到，係底位。嗰啲位根本係應該買，走去跟沽空先輸死你。
19. 第四位嘅，2016年5月中（18.4%）。又係藍色圈，不用多講啦？
20. 第六講咗。咁講第五第七，都係今年，3月中。綠色圈，勉強你可以話有少少水位。但都見係個跌浪嘅尾段，亦都係好快反彈。
21. 第八，2018年10月頭（17.9%）。第九，2019年5月尾（17.9%）。圖中黑色圈，見到，都係見底的。
22. 嚴謹嚟講當然應該計數，其實唔難。但照計睇圖都見到結論。
23. 根本沽空比率高嗰時，先係見底！你再去追沽就畀人夾。講咩「沽空率高大戶睇淡後市有壓力」係錯嘅。
24. 事實上亦有道理，根本就係相反指標，到你都見到沽空率高，人地就鳴金收兵啦。仲等你去跟咩。正如你去睇啲咩大戶持倉，到你都知，就根本冇價值。
25. 仲係唔信嘅，我地睇下，大市轉角位。2018年頭嗰下，或者今年年頭。你見，啲沽空比率，係唔會特別高嘅。
26. 所以根本係逆向思維，沽空率低你先驚！我下次會做埋沽空率低嗰時大市會點。
27. 但，睇完呢篇文，你又學到啲嘢啦。又，記得之後都支持收費專欄。
———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。
請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。
計數符號欄 在 2 R 資料結構| 資料科學與R語言 - Yi-Ju Tseng 的推薦與評價
2.5 資料框data.frame ... 資料框可用 $ 符號做欄位資料擷取後，當成向量，並使用[ ]做資料編輯。 iris$ ... ... <看更多>