關於 訂枱 食飯 ，我們在網路上蒐集到這些相關的討論、資訊與評價

國泰【里數+現金】活用里數 食飯都可以「里數✈️+現金💰 」 彈性付款方式 一App攪掂超方便❗️ 另有食飯簽賬
🎯優惠詳情： https://bit.ly/3xWTkXi
🔎「里數+現金」玩法及詳情：MrMiles.hk/cathay-dining/

國泰「里數+現金」功能最新擴展到食飯都用到喇！ 玩法超簡單，真係每日食飯都可以做到邊簽邊賺，玩法如下：
1️⃣預先喺Cathay app到連結OpenRice同綁定信用卡
2️⃣於國泰夥伴餐廳食飯每滿HK$50
3️⃣埋單個陣Scan返國泰夥伴餐廳嘅QR Code
4️⃣選擇返最啱自己嘅「里數+ 現金」組合後，就可以即時付款
登記後首次使用功能仲有額外200里數獎賞，日常係國泰夥伴餐廳簽賬賺到HK$4＝1 里數，透過Cathay app或OpenRice訂枱，每次可賺25里數～成功付款仲可以即時睇到自己賺咗幾多里數，一個App輕鬆幾步就攪掂哂真係超方便！
相信嚟緊都無咁快飛得返，手頭上有啲里數就快到期但又冇咩心水換電器嘅話，用里數食飯找數就絕對係一個唔錯嘅選擇👍！想玩得精明就最好配合埋渣打國泰Mastercard®或馬可孛羅會藉一齊用，仲可以享有以下優惠：

💳渣打國泰Mastercard持卡人額外優惠
-逢星期五至日簽賺，每HK$4＝3里數
-用「里數加現金」埋單可享額外9折里數優惠

💎馬可孛羅會銀卡或以上會藉額外優惠
-用「里數加現金」埋單可享額外9折里數優惠

🍔指定國泰夥伴餐廳優惠
-於指定國泰夥伴餐廳簽賬，可享2X里數回贈
-指定夥伴餐廳包括：Duck & Waffle、Dear Lilly、Tango Argentinian Steak House、SPIGA等等熱門餐廳

受條款及細則約束。

【OpenRice 7月訂座優惠】奬賞高達$200電子現金券 + 20,000 里數，仲有小斯專屬優惠碼「SIUC30」、指定餐廳訂座優惠、優惠價購買訂座套餐，即睇攻略賺盡優惠！

👉 立即訂座：flyformiles.hk/Openrice.bookmore
🎁 優惠詳情：flyformiles.hk/41567

嘩！今個7月用OpenRice訂枱食飯有超多優惠呀！包括訂座高達$200 OpenRice電子現金券 + 20,000 里數、小斯專屬優惠碼「SIUC30」有$30 OpenRice電子現金券、指定餐廳訂座優惠、優惠價購買訂座套餐、賺取訂座積分！

1️⃣ 攻略一：訂座迎新及訂座狂熱賞
✅ 新客戶首個訂座：輸入【BOOK1ST】並出席，送$30 OpenRice 電子現金券
✅ 現有客戶訂座：就要輸入【BOOKMORE】，出席2次就有$30 OpenRice 電子現金券！出席夠8次仲有$200！
✅ 如果成為最高訂座次數個5個，再額外送20,000里！
2️⃣ 攻略二：小斯專屬優惠碼 (必賺！)
✅ 訂座時輸入優惠碼【SIUC30】並出席訂座 1 次，就有$30 OpenRice 電子現金券
3️⃣ 攻略三：指定餐廳訂座優惠 (例如有啲酒店自助餐成6折架)
4️⃣ 攻略四：訂座時以優惠價購買訂座套餐 (例如去朗廷食tea都有優惠價呀)
5️⃣ 攻略五：賺取訂座積分及換領禮品

最重要係咁多個優惠仲要可以一齊用添架！例如我去北角Hyatt Centric The Farmhouse到食自助午餐，攻略一或二嗰到已經有$30 OpenRice 電子現金券，然後攻略三訂座優惠又有7折！跟住攻略五又可以儲訂座積分，提埋大家仲可以同時儲埋Hyatt 積分架！咁多優惠真係好容易會miss咗，所以記得要bookmark我呢個post，然後每次訂座食飯都對下有無漏呀！

咁多優惠！真係今個7月記得訂枱食飯一定用OpenRice啦！

《情陷夜中環 - 煮題》

留住你一晚是運氣，留住你一世是學問，談戀愛如是，開餐廳亦如是。

曾經有個朋友的餐廳快將開業，嚷著要我去幫襯。

餐廳開業前不久的一個晚上，跟這個朋友在另一家餐廳吃飯，飯後甜點是糯米糍。

「好食喎，」他說，「係咩味呢？」

是開玩笑還是說真的，如此明顯的菠蘿香味也嚐不出來？

「黃黃哋色，係咪芒果，」原來他真的嚐不出來。連芒果和鳳梨都分不出來的食癡 (白癡個癡) 開餐廳，有人願意開盤的話，一定賭佢一年內執笠。

好彩冇賭，結果十二個半月後才結業。

沒有人說「識食」是一位餐廳老闆必須擁有的條件，但 common sense 真是萬萬不能缺少。

雄心壯志是應該有的，卻不能被雄心壯志矇住了視線，餐飲戰場上滿佈的屍骸是對任何一位準餐廳老闆的警惕；扣埋人工唔使蝕已經好叻，有幾多人投資了七位數字做飲食，最後二十萬賣得番出去已經開心到笑淚縱橫。

有位居於香港的台灣富豪是一家高檔飲食集團的主要股東之一，他曾經說，餐廳要做得住，先要做對市場，而要做對市場，便要做對主題。

來自什麼什麼國家的米芝蓮級大廚或品牌是主題，拉麵牛腩麵車仔麵冰室茶餐廳珍珠奶茶等等等等又是主題。

做哪個主題才好？富豪說，「做自己人生的主題。」

受教了。

有些餐廳老闆的人生主題，叫「重生」。

瑪利曼中學出產過很多女神，廚神卻沒有幾個，這位叫 Tiffany 的女生可能是唯一一人。

灣仔的 Jean May 在疫情下誕生，賣的是講心多過講金的 casual dining，但端上餐枱的菜色是馬會 Derby Room 都被比下去的星級水準；想在 Jean May 訂枱食飯，最快要等到今年九月。

很多傳媒都報導過，主廚 Tiffany 曾經在投資銀行高薪厚職，但就是因為腦內生了一個血管瘤，所以醒覺到不能一生做不喜歡的事，於是毅然轉行做廚師。

坐在距離廚房最近的位置，可以一邊享受美食，一邊望著這位 Tiffany 全情投入工作。看著她笑著慢煮鴨胸的樣子，不由妒忌起來——上天給予一個人最大的禮物，或許就是一個令你醒又唔會令你死的血管瘤了。

又有些餐廳老闆的人生主題，叫「自虐」。

富二代搞餐廳應該怎樣搞的？應該像某家小姐那樣，在什麼地方代理一個牛肉麵回來，在銅鑼灣租個靚位，在朋友圈中碌盡人情卡叫人過來光顧拍照，然後便沒有然後，好好好得閒嗰陣先落去兜個圈浦下頭。

同樣是在銅鑼灣的一家餐廳，這位富二代擺出的是另一種姿態。

有次跟朋友求其在銅鑼灣選了一個叫 Moo Moo+ 的地方喝酒，坐底不久，「呯」的一聲，有客人不小心摔跌了玻璃杯，一地碎片。有個 waiter 拿起了掃把準備收拾之際，一位身穿白恤衫的男生對那位 waiter 說：「你去落單，等我執。」

高大靚仔不在話下，還要渾身書卷氣，掃起地來竟然技巧純熟。「嘩，」我的朋友覺得這位年輕人面熟，「條友做兼職做到嚟呢度？我喺觀塘個 food hall 食晏成日見到佢㗎。」

之後才發現，原來觀塘的 food hall 和銅鑼灣這家餐廳都是他開的店；再經查證，這位叫 Wilson 的，其家族是某位行家的大客，身家數以十億計。

係咪癲咗，富二代喺餐廳掃玻璃碎。

滿身銅臭的我，自然不會放過任何一個巴結富二代的機會。「你咁有米，攞間 franchise 返嚟做仲好玩啦。」

他笑得很迷人，語氣卻非常認真：「香港人應該做番香港人嘅 brand 嘛，有一日外國人問番香港人攞個 franchise 嚟做，你話幾威。」

還有些餐廳老闆的人生主題，叫「唯美」。

為同事慶生，餐廳我都選好了，壽星女卻問大家：「你哋介唔介意去旺角？」MK 是香港的一部份，當然願意到極點。

去到餐廳，打扮得一身仙氣的壽星女坐立不安似的；舉頭的時候左望右望，低頭的時候那濃濃的睫毛則在微微閃跳，明顯在等待什麼。

其實餐廳在太子，但看得出老闆還是竭力地希望擠出一些 MK 的味道，但 MK 得來又有點王家衛的 2046，牆上懸著的霓虹燈字體好像在某個失落的時空似曾相識；每一寸空間都有玩味，每一個細節都想吸睛，老闆應該是個唯美主義者。

餐廳的名字是張國榮的一首歌名——「芳華絕代」。

「喂，生日快樂。」突然有位長得像中田英壽的男生在壽星女的肩膊上拍了一下，她緊張的門牙幾乎把沙嗲的竹籤都要切斷了。

原來他就是芳華絕代的老闆，原來他就是那位唯美主義者，原來他就是她一直在等的人。

他叫 Norman。

還有更多「原來」。

原來 Norman 是港大畢業的 architect，原來餐廳由他負責設計。

原來同事與 Norman 在港大認識，原來同事一直暗戀他 (這個是我猜的)。

「係呀，我哋嗰陣好有緣，」Norman 回憶著，「大家唔同 faculty，但我成日都見到佢。」

「你成日見到佢，」我看透世事了，「咪即係佢成日吊住你尾囉。」

話音剛落，壽星女在枱底狠狠的踩了我一腳，眼神仍然帶著仙氣。

然後，有另一股仙氣突然飄了過來，有對白滑的玉手繞在 Norman 的肩膊上。同事看到這個女的，極度不自然的 hi 了一句；這一句 hi，像一壺滾水倒進冰桶內，響起了噼哩啪啦的碎裂之聲，應該是心碎的回音。

故事最後的「原來」，是原來 Norman 有女朋友。

自虐、重生、唯美，其實是人生一步一步的必經階段，希望最終可以做到芳華絕代。

所謂「芳華絕代」，就如黃偉文寫的歌詞一樣。

「顛倒眾生，吹灰不費，」人只要有自己的主題，就算再微不足道，都可以「艷與天齊」。

疫情過後，你想和親友們「除罩」相見，安心圍爐共聚嗎？火鍋店前老闆威哥，更期待這一日的到來。
.
威哥曾是尖沙咀一間樓上火鍋店的股東之一。一個星期五的傍晚，偌大的舖面顯得冷清，從玻璃門外便能輕易找出威哥。威哥擠了點放在收銀台的酒精搓手液，以一聲「唉」開始，吐出近兩個月來的苦水。
.
「其實我每晚都有啲瞓唔着…」威哥上年六月開始頂手，勉強捱過修例風波，生意於上年十一月稍微有好轉。豈料一波未平，一波又起，一月新冠肺炎來襲，生意插水，到「邊爐家族」出現，營業額大跌七成。從每晚訂枱爆滿，門外依然有等位人龍，到現在最旺時只有三、四枱客……威哥坦言︰「曾經有諗過閂埋道閘算！」
.
然而，這不是威哥想要的結局，因為他深知經營一間食肆，影響的不只是他一個人。「夥計都要食飯」，這個原因，令「外賣火鍋」推出了。目的很簡單，吸引客人，讓員工繼續有工開，繼續出糧，捱過疫情。
.
外賣火鍋以堂食價錢約七折出售，平均每天接到兩張訂單，收入實在大不如前，但威哥堅信「賺得少好過無」，當時外賣火鍋已推出了兩星期。每日約下午五點，員工便會開始包裝食物，貼上心意卡，再放入大袋交到威哥手上，由威哥親自駕車送外賣。
.
「我嘅初衷係個客喺屋企一開門就拎到，唔使落樓先唔會嘥個口罩嘛！」威哥邊揸着軚盤邊說。堂堂老闆變司機兼外賣仔，威哥沒有不甘，因為他知道身邊一班夥計正和他並肩作戰。
.
他憶述剛剛推出外賣時，有員工將公司電話帶回家，接單接到凌晨四、五點，翌日照準時返工。威哥感動地道︰「我真係超級多謝，佢哋冇必要咁做……我都唔知講咩好，只希望生意好時報答番佢哋」。
.
入黑了，威哥將最後一張訂單送出，客人拍拍他膊頭，叫他「保重」。艱難時刻仍堅持不停業，不放員工無薪假，算是「良心老闆」嗎？威哥認為這個名銜太有份量了︰「我冇諗過，良心老闆唔係靠講，要做出嚟。」
.
誰料到，最後令威哥要離場的原因，不是疫情，而是股東拆夥。威哥打算東山再起，現正尋覓新舖位，屆時會維持堂食及外賣火鍋。

你有無諗過用 iPhone 開巴士公司嘅 App 睇到站時間，Google 都會紀錄咗呢？近年大家對於使用網上服務及流動通訊服務嘅私隠越來越重視，呢排又有好多同網絡保安有關嘅新聞，其實你又知唔知，你同我其實每日都俾自己嘅手機同電腦監視住呢？

相信大家同我一樣，唔多唔少都有用 Google 提供嘅服務，好似 Gmail、Google Maps 等等。原來 Google一直都有收集同記錄我哋上網嘅習慣同埋相關嘅資料，不過近來 Google 就俾用戶自己睇返部份收集咗嘅數據，咁去邊度睇呢？

你可以打開登入咗嘅 Chrome 瀏覽器，之後按瀏覽器右上角嘅小圖示，再揀 Google 帳戶，你就會去到一個 Google Account 嘅版面。揀左面嘅 Data & Personalization，之後右面會見到 Activity & Timeline，好! 等我試下 Activity 先，嘩，唔只去過邊個網頁，睇過乜嘢產品，連用過部份嘅 App 都有紀錄？奇就奇在我用緊嘅係 Apple iOS 平台，點解其他 App Google 都會知呢？

深入研究之後發現，呢啲 App 入邊都有嵌入式嘅 Google 廣告，好似九巴個 App 咁，其實我琴日只係用嚟 Check 吓巴士到站嘅時間，點知呢個動作都比 Google 收錄埋喇。

再睇下 Payments & Subscriptions 先，除咗收錄咗我經 Google 買嘅服務之外，我電郵入邊所有訂機票、酒店甚至餐廳訂枱嘅紀錄都全部有晒，有啲連我自己都唔記得，都咪話唔得人驚。

Google 亦都喺同一個頁面有解釋點解要收集資料嘅。按照 Google 嘅講法，以上收集咗嘅資料可以俾佢哋更有效提供準確嘅搜尋同埋人工智能服務俾用戶，點人工智能法呢，譬如我哋查詢Google Maps， Google 就可以用我哋以前嘅資料，計算出最啱我哋嘅路線，又或者喺 YouTube 睇片會建議更多相關嘅影片俾我哋。聽落好似好合理，之不過同一時間我哋嘅喜好又會唔會變成更加值錢嘅廣告商數據呢？

除非完全唔用 Google 嘅服務，如果唔係都幾難逃出呢個資料蒐集嘅平台。不過 Google 官方亦都有提供方法管理以及刪除我哋搵到嘅資料，喺 Google Accounts 入面嘅 Data & Personalization，你可以喺 Activity controls 一項入面，選擇你唔想 Google 個人化嘅項目，另外你亦都可以喺 My Activity 入面，查閱同埋刪除相關嘅資料。

網絡同埋科技帶俾我哋方便，但係我哋嘅私隱似乎就越嚟越無保障喇。

《Z世代達人》
麥卓華

請用片右下角調高清睇片。