復活節開心狂玩第六激 - 親親動物
尋日同小小豬入左海洋公園玩左一整日，好耐都未試過由開門玩到關門，我地都真係十級攰，不過就好值得，因為我地係玩親親動物月嘅限定免費活動。
我地用年票網上預約，所以就同小小豬BOOK左五個活動(每張年票可以BOOK兩個活動)，我就主力去幕後探索團，難得可以入去幕後都真係好吸引嘛！
雖然只係短短20-30分鐘，不過都真係知得更多小知識，同埋負責講解哥哥姐姐們都好耐心咁同各小朋友解釋，所以小小豬都不知幾ENJOY。
今日五個活動中，小小豬就最鐘意「海豚育兒小學堂」，一嚟佢本身都好鐘意海豚，二嚟又見到出世四個月多嘅小海豚GINGER，仲好近距離見到海豚添。「海洋奇觀幕後睇」同埋「企鵝基地睇真啲」都好吸引，絕對推介依三個活動。但.....因為係幕後重地，唔可以影相攝錄，我地唯有乖乖用心感受啦！
小小豬今日真係LUCKY BOY，當我地係海洋奇觀參觀時，義工姨姨見佢好認真咁睇海星，所以就邀請佢入去輕輕摸海星又詳細介紹各種唔同品種，小小豬話超級興奮呀~
**好似我咁用年票就可以預先網上預約，如果用日間門票就要係入場後去於海洋列車旁邊嘅登記處當日即場報名(不過就一定要早....因為聽一齊參觀嘅媽媽話好快FULL呀)**
香港海洋公園 Ocean Park Hong Kong
親親動物月 在 親親動物月- Explore 的推薦與評價
explore #親親動物月at Facebook. ... 課堂上沒教的動物冷知識. 鯊魚 是如何送到海洋公園的？ 大熊貓的餵飼秘訣是什麼？ 海象在自己房間都在做什麼？ ... <看更多>