【當千里馬遇上伯樂 - #我真係好鍾意畫畫🎨】
金寶湯k1開始學揸筆畫線條✍🏻，但發現佢 #小手肌 麻麻地，好難畫到直線，寫英文字，數字都歪歪曲曲，大小不一，甚至會反轉嚟寫（即 #鏡像字），所以喵奴想俾佢學吓畫畫，主要係希望佢訓練小手肌✋🏻，同埋想佢喺 #臨摹繪畫 中可以改善佢寫反字嘅問題。
一直以來金寶湯都上過唔少 #興趣班 / #英文班，但全部都係小班教學，當金寶湯見到有其他小朋友時佢就會變得唔專心，想搗亂，而且會影響埋其他小朋友😔。咁啱有朋友同我介紹Miss Bella，於是就帶金寶湯去Miss Bella屋企一對一學畫畫。
估唔到一個小時內佢可以好專心地聽從Miss Bella嘅指導，畫到一幅又一幅「巨作🖼」，每次上完堂金寶湯都會問我「幾時再去Miss Bella度畫畫」，我就知道佢真係好L鍾意畫畫❤️！
就連佢做功課寫字，都寫得愈來愈好，早幾日佢寫個「3」字，點知又寫反咗，佢自己終於察覺有問題，擦走再重新寫返正確嘅「3」出嚟，我個刻激動到攬住佢狂💋佢面豬登呢。
畫畫唔單止可以陶冶性情，幫助佢哋對 #空間感 嘅認知，仲可以豐富佢哋嘅 #想像力 同 #創造力，更加大大地加強佢哋嘅自信心，仲可以訓練小手肌，對寫字亦有益處呢！
好感恩遇上Miss Bella，我諗起一句古文：「千里馬常有，而伯樂不常有」，如果金寶湯冇遇到Miss Bella，可能佢喺其他畫班度未必畫得咁開心，我都未必知道原來金寶湯咁鍾意畫畫。我唔敢講佢有天份，但每次當佢完成畫作後滿面笑容地走過來同我講「媽咪我畫好啦🧑🏻🎨！」我就知道，我冇揀錯呢位老師。😘🙏🏻
P.S. 多謝 Msmama Bellala - Yelly Chui 嘅介紹，我先搵到呢位好伯樂。🙏🏻🙏🏻🙏🏻
#第時搬屋我就會將啲畫貼滿牆身😎
#除咗學畫畫我仔都有跟佢學英文
#phonics學快好多
#好後悔咁遲先認識到MissBella
#見到唔少中小學生搵佢補全科
#聽講佢哋都係由幼稚園一直搵佢補到依家
#我諗我仔應該都會跟佢到中學😂
