因為收到朋友通知,話俾我知我俾西DorSi指拍片串佢,睇番留言完全唔知咩事,然後睇完佢嘅片,都唔明白自己串左人邊個地方,只係知大量留言指控我唔尊重人,串人,所以我不得不回應。
.
唔好話我對號入座,因為係你嘅觀眾入嚟攪事先,另外,所有留言有講我個名嘅,無論明示暗示,你都會俾心,如果我一句留言就將矛頭指向我,你俾心嘅舉動我都可以視為你講緊我,就算我訂閱係幾多,我都唔鐘意俾人抺黑。
.
首先,我地番大陸食嘢個條片,有讚有彈,飲食節目不嬲如此,我地覺得探魚辣,但唔係難食,只係我唔食得辣,片入面都有講。
.
第二,喜茶,首先我地冇用飲筒飲奶蓋,另外,我地覺得奶蓋係好飲嘅,只係啲奶同果汁唔啱飲,好化學味,如果大家認為喜茶係一定要讚,咁恕難從命,總結係唔值得排一個鐘,至於值唔值得,我覺得唔值得為呢杯嘢飲排一個鐘,你都可以覺得我唔值得排兩日買Supreme一樣,好主觀。
.
第三,海底撈,都冇咩好講,條片對海底撈評價都好正面,員工服務好,又抵,只係鐘意香港口味多啲,一樣啦,唔值得專登排隊去食。
.
第四,有人覺得我地講普通話講唔正係唔尊重人,片入面講,國內人嚟香港講廣東話,我地番大陸講普通話,係基於尊重先會咁講,除非,你唔認同,所以我去到國內講普通話好正常,我兩年前,去台灣講國語,一樣係咁差,冇台灣人話我歧視,冇人覺得我玩嘢,今次一樣,我主動講我咁爛嘅普通話,因為我覺得人地地方講人地語言好正常,講得好定唔好,至少肯試,有人話你去廣東地區講廣東話咪得,好抱歉,我成個旅程,係冇人講廣東話,不如你地講下點解?如果我真係只講廣東話,係咪又係串人?變左無視人?
.
第五,有人話我回觀眾留言時串其他Youtuber,係呢度我引用番個位觀眾嘅問題:「早前你話過唔欣賞youtuber番大陸 介紹大陸野食 應該優先介紹本地野 所以我就好好奇你拍今次段片嘅動機係咩呢 如果你係想話俾香港人知番大陸嘅理想與現實 我都明白 但萬一佢地真係好好食呢? 你咪會變咗你唔鍾意嘅一群囉 定係你一早知佢無驚喜 俾人高估左 又或者佢係好好食你就唔出段片?」
.
我回應係:「條片我去Supreme NYC時順手拍埋,如果好食咪話好食,就唔似其他人專登去拍條片介紹大陸嘢食,所以呢條拍完就算冇咩特別我都唔會拍大陸嘢食。」
.
因為呢位觀眾嘅留言,我理解係佢覺得我地「專登番大陸拍嘢食去挑機」,而事實係我「真係唔係好似其他人專登番大陸拍嘢食片」。
.
我係講過,我地唔明點解啲人要讚到大陸啲嘢食天上有地下無,同唔會拍番大陸嘅飲食片,因為我地作為香港youtuber想介紹多啲香港嘅好嘢先。呢條片我地只係拍Supreme NYC時順便拍埋,本來諗住同一條片出,但原來可以出多條,所以先有呢條片。我真心唔明點解「專登拍條片番大陸拍嘢食」對人嚟講係負面意思,我唔想俾人咁講,只係唔想人誤會我「專登去大陸拍嘢食片挑機。」可能用詞有誤,所以大家理解有誤會,但坦白講我唔明點解話人「專登番大陸拍飲食」係串人?再退一百步嚟講,點解呢句係串緊你?明明有大把人拍緊番大陸食嘢嘅片,你覺得得你一個?仲要係我未睇過你嘅片嘅情況下串你?
.
第六,有人話我拍片態度輕佻,所以唔尊重人,什至似Rice Gum,我只想講,你知唔知Rice Gum做過咩?如果知,不如講下我地做過咩有相同之處?我係Youtube有更詳細嘅回應!
.
有人會話我唔需要因爲咁嘅事回應,俾人賺點擊人氣,我想講,當有啲事你唔出聲,你只會俾人一直抺黑,由其係對人格嘅指控,經過今次呢件事我更加清楚,呢個世界冇清者自清,好多人會唔理事實係點先對號入座,旁人就帶風向一沉百踩。
.
好嘅地方係我仲有清醒嘅觀眾,多謝你地明白我做緊咩,感激不盡。
.
之前嘅說話我係睇完 @saidorsi 條片回應有關我串佢嘅部分,而家到片嘅另一部分,有關佢拍片嘅辛酸。
.
首先,呢條片我係第一次睇你嘅片。
.
我同你一樣都冇任何公司Support,一個人撐到而家。
.
你講自己病左都要拍片,好辛苦錄音,我都深感認同,我又何嘗唔係病左都要拍片,繼續剪片,度橋出片,絕對明白你嘅辛苦。
.
我都行一條唔同其他大紫大紅Youtuber嘅路,我唔埋堆,我選擇有個句講個句做自己,賣廣告我地都講明係廣告。你係唔埋堆,但都請你唔好靠屈人去賺訂閱同點擊。
.
你話拍大陸嘢食俾人話政治化,我又何嘗唔係俾人「被政治化」?番大陸食個嘢有讚有彈,講普通話唔標準,都係唔尊重?
.
你話你Like唔過千,人地條條過十萬Views,我唔明點解你會突然咁講,但如果你真係講緊我,我嘅片過十萬都係我努力同埋同觀眾建立嘅關係所得嚟,冇人睇我地都會檢討,希望下次做得更好,今時今日嘅成績係我用努力同堅持一點一滴累積落嚟,你而家咁講就好似你嘅努力冇人睇到,我嘅努力係僥倖得嚟咁。
.
其實香港有更多嘅Youtuber都遇緊同你一樣嘅情況,點解你要用一個咁嘅標題去引人睇再係片尾講呢一番說話?我唔明你嘅用意。
.
另外,我睇完你嘅回應,俾我感覺你為左利用你觀眾嘅同情心,去引導你嘅觀眾認為一切你受嘅苦都係因我而起,所以先用「有Youtuber評擊我...」而去講以上嘅內容。
.
想睇我親自演繹,請去我Youtube睇新片,感謝各位🙏🏻
同時也有1部Youtube影片,追蹤數超過12萬的網紅Stephen Leung 吃喝玩樂,也在其Youtube影片中提到,自助餐 Shangrila 九龍香格里拉 Cafe kool 週日自助午餐 + 128 All you can drink package 自助餐折扣優惠,香港美食 自助餐推介 優點: 環境舒適,服務達標。食物選擇豐富。優秀的印度菜。質量好的冷海鮮。蟹是亮點。點心有驚喜。Dessert 選擇豐富。...
西dorsi起底 在 西DorSi Facebook 的精選貼文
深圳係咪淨係得海底撈?梗係唔係!話咁快深圳篇做到20集啦,今日西DorSi再同你介紹十個深圳火爆好玩好食好去處!如果各位朋友睇完覺得唔夠喉,想睇返詳細嘅介紹,記得喺description到撳番原本段片條link啊!
Youtube link: https://youtu.be/ROfkcuWEWCQ
========================================
[窮L遊記·深圳篇] #11 西貝莜面村︱唔好食可以退錢?連個名都唔識讀嘅餐廳!
https://youtu.be/X6M1OWEmDsE
[窮L遊記·深圳篇] #12 祿鼎記︱最好食嘅酸菜魚!重口味必食!
https://youtu.be/Rb33rQIQxOQ
[窮L遊記·深圳篇] #13 綠茶︱來自杭州,最好食嘅竟然係——台式蜜糖多士?
https://youtu.be/f-1UB-u3FlE
[窮L遊記·深圳篇] #14 LINE Friends Cafe︱打卡﹑呃like﹑去朝聖!
https://youtu.be/XU46t6DPX_A
[窮L遊記·深圳篇] #15 王朝烤蠔吧︱深圳隱世烤蠔!超平!超大隻!超肥美!
https://youtu.be/Czf_bAf-aac
有網友早兩日去過反映返,而家啲蠔已經冇我十月去嗰時咁肥啦,如果想去嘅話麻煩留意返,或者等出年先去~
[窮L遊記·深圳篇] #16 桂小廚|廣東菜你就食得多 廣西菜你又食過未?
https://youtu.be/4Gvq5V8WjJg
[窮L遊記‧深圳篇] #17 大龍燚火鍋|成都朋友強烈推薦嘅麻辣火鍋!微辣已經好過癮,重口味至愛!
https://youtu.be/BdvdkQk9n28
[窮L遊記·深圳篇] #18 stayreal cafe|五月天歌迷必去!嘢食居然有驚喜?
https://youtu.be/hrjP_jsutVQ
[窮L遊記‧深圳篇] #19 麻辣派對|比起麻辣火鍋,我更愛麻辣香鍋!
https://youtu.be/YzEvPNGTfG4
[窮L遊記‧深圳篇] #20 79號漁船海鮮主題飯店|超抵食游水海鮮!!人均$100!
https://youtu.be/UvOe3UnFT_E
西dorsi起底 在 Stephen Leung 吃喝玩樂 Youtube 的最佳貼文
自助餐 Shangrila 九龍香格里拉 Cafe kool 週日自助午餐 + 128 All you can drink package 自助餐折扣優惠,香港美食 自助餐推介
優點:
環境舒適,服務達標。食物選擇豐富。優秀的印度菜。質量好的冷海鮮。蟹是亮點。點心有驚喜。Dessert 選擇豐富。如果您喜歡
紅白酒,+128 wine 套餐物有所值。網上預訂30%優惠, 原價為498港元。
缺點:
乾淨的盤子不夠。有時候需要等等。此外,food station 上的廚師有點忙,有時您需要等待廚師為您服務。
總體:????(4/5)
Pros: I am quite satisfy with the lunch buffet. The environment is comfortable and service is up to standard. Large selection of food with quality. Excellent Indian cuisine. Good quality of cold seafood and Dim Sum, and the crab is the highlight here. Large selection of dessert. The wine package is well worth the price if you need some alcohol for the relaxing weekend. Book online for 30% off Original price is 498 HKD.
Cons: There is a problem with the clean dishes. we need to wait for it sometimes. In addition, the chef on the food counter is not very attentive and sometime you need to wait the chefs to serve you.
Overall: ????(4/5)
Cafe Kool:
http://www.shangri-la.com/hongkong/kowloonshangrila/dining/restaurants/cafe-kool/
Phone
(852) 2733 8753
Location
Mezzanine Level, Shangrila Kowloon, Tst, Hong Kong
Operating Hours
6.30am – 10pm (Monday - Sunday)
(last order at 9.30pm)
Lunch Buffet
12noon - 2.30pm (Monday - Friday)
12noon - 3pm (Saturday, Sunday and public holidays)
Dinner Buffet
6.30pm - 9.30pm (Monday - Thursday)
6pm - 9.30pm (Friday - Sunday and public holidays)