完美示範
多謝中共配合舉證
英國領事館香港職員Simon Cheng失蹤多日，在多方關注下，今日終於有消息。根舉大陸最有公信力嘅傳媒《環球時報》，Simon Cheng原來係因為(被)嫖妓，現被處以行政拘留 15 日。
呢件事真係好正，佢至少證明咗兩件事：
第一，當年政府和建制派誓神劈願話，高鐵一地兩檢係好安全，一定唔會有人無端端「被消失」而實質係畀大陸口岸嘅公安神不知鬼不覺咁拉咗送中。點知高鐵通車都唔夠一年，佢就即刻拉畀你睇，仲要拉嗰個係英國領事館嘅人，咁都明目張膽到咁，小市民你哋好自為知。
第二，就喺幾個月前，大家開始了反送中呢個運動。點解大家咁怕送中？因為基本上人人都可以中招，唔使咩特別理由。當時好多人都講過，上得大陸做生意，總唔會冇黑材料，因為你冇黑材料係上唔到去做生意嘅，而對商界最方便易用嘅黑材料，就係嫖妓或包二奶。依家好了，中共示範咗，嫖妓真係可以送中，證明咗當日大家嘅預言和憂慮係百分百合理。亦可能因為咁，太多人驚覺會中招，所以反送中先搞到咁大。
依家最新發現係：哈哈，就算冇送中條例，中共睇你唔順眼，一樣可以用嫖妓嚟行政拘留你——咁當然，要羅織罪名就仲有好多方法嘅。不過依家仲要衰到，係經西九一地兩檢站去送你中，咁其實其他口岸會更危險，你叫啲商家以後邊敢返大陸呀？
真係多謝中共配合舉證，以後唔使講到口水乾寫長文做文宣，就舉Simon Cheng呢個例子，已經一炮說明「一地兩檢」同「送中條例」都係罪大惡極，拎呢個例子去打建制派，放喺選舉到質問啲建制派當日點解咁多合理憂慮你都支持通過，就夠好玩啦。
圖片來源：Journesis(https://www.facebook.com/…/a.207546869644…/896202987445421/…)
西九一地兩檢 在 90秒看懂香港高鐵站「一地兩檢」爭議－ BBC News 中文 的推薦與評價
香港 西九龍 高鐵站將在本周末開始運營，但這裏的「 一地兩檢 」措施卻在當地引發爭議。有人認為這種安排違反了《基本法》訂閱BBC News ... ... <看更多>