Search
出賣年齡系列……
話說我都想嚟好耐，想當年我都間唔中會去虎豹別墅個花園(嗱…我印象真係冇乜，只係睇返啲陳..陳..陳年舊照先知我去過同有咩睇)。雖然依家花園就拆左變左做豪宅，但活化大宅之後就做左音樂學院，可以報名嚟參觀導賞團。
不過依個導賞團一直處於長Full狀態，好努力咁每日去睇，竟然係上星期執到兩個位，打算同小小豬兩個去參觀。估唔到前幾日又有一個位執，所以終於可以三口子嚟行返轉。
導賞叔叔同我地介紹整住大宅歷史，由胡仕家族到大宅嘅建築設計都好詳細，小小豬當聽故事都好感興趣，仲好驚訝點解可以又大又靚得咁嚇人，尤其個廁所同夾萬，睇到佢嘩嘩聲。
大宅內所擺設絕大部分都係文物，所以在場職員姨姨都會好緊張咁望住，行近少少都會溫馨提示要小心，所以我個人就都唔建議太細嘅小朋友去，有興趣去參嘅朋友仔要留意。
想參加免費嘅導賞團可以到官網預約呀 ~> www.hawparmusic.org
Haw Par Music
［茶走人涼］（冇打錯字）嘻。希望何傲兒唔好咁傷心。但真係古語有云 茶走人涼，股票就掉轉，最冷血，屍骨未寒就即炒。之前759林生又係咁，呢位林生亦係咁。
1. 之前Bossini 又賣盤先施又賣，我Patreon甚至連呢隻鱷魚恤都寫過！但當時當然冇講林生健康唔好（雖然人人都知，但亦唔會話等人死咁冷血）
2. 公司業務？算九數啦，你幾時買過鱷魚恤？雖然其實香港La Coste都係佢地代理。N年前有打過官司，後來講掂數，索性畀你賣賣，分錢啫。而鱷魚恤就變咗 左邊開口嘅金鱷魚，La Coste就右邊開綠色。驗眼咩！（仲驗埋色盲）
3. 但同好多老牌企業一樣，鱷魚恤最值錢係—物業。（同你屋企啲廢老一樣）。早早買咗寫字樓，租出去，好和味。最主要係觀塘鱷魚恤中心，另外仲有啲雜雜碎碎，不過中環果楝應該一早賣咗（而家農業銀行）（＊）
4. 咁咁多年都係估，私有化。林生年紀都大啦。有個女的，我唔熟，但你將心比己，真係仲想賣鱷魚恤咩。咁日日收租當然好過癮，但人就係咁奇怪，有錢就想要其他嘢。不如私有化又好賣盤又好玩其他嘢啦。咁林生過身，唔多唔少有人覺得會加速呢樣嘢。
5. 另外，呢啲嘢真係股票市場最快手。上次澳門何生過世又係咁，使鬼等你官方出通告咩。側聞以前啲狗仔隊直頭捕住在醫院，甚至買通啲工作人員，聽聞嗰時肥肥啲遺照都係咁流出嚟。
6. 我就話呢，應該搵個analyst 去醫院捕住，甚至自己日日去坐。講真，有錢人醫院，有幾多間丫。唔通林建名入屯門醫院咩。咪又係養和。咁你在餐廳長期打躉，聽聞啲嘢幾好食。收下料睇下邊個就死，應該OK，反正而家可以上網落盤上網寫文。
7. 不過話時話，呢啲機會都越嚟越少。都係……社會嘅轉變，時代嘅轉變，借來嘅地方，借來嘅時間。老牌香港家族企業，執嘅執，賣嘅賣，死嘅死。廿年間消失好多了。
8. 最後就希望林生安息，都唔係頭盔，平時你見我唔使咁虛偽加呢句。但林生一家真係帶比大家唔少歡樂。拍戲又係，佢地啲真人生活都係。例如林老太評王祖賢嗰句，我地講足三十年呀。講真，佢地做生意真係麻麻地，都未講麗新摸頂買FURAMA（嘩，時代的眼淚！，而家中環AIA），蝕到七彩。都係飲飲食食拍下戲好，岳少啲餐廳水準保證呀，埃汾以前買雪茄間嘢都好似佢開。
（＊）個故事都幾悲壯，係一早賣咗的。蔡志明2002同麗新買，你估下幾錢？4.5億咋。成楝中環黃金地段寫字樓呀！尺價係……三千幾蚊！之後嘅事不用多講了。而當時麗新應該係十分莫財嘅。低位被迫沽嘢，好慘痛的。當然知而行難，順境時永遠覺得買得唔夠多（係呀，講緊你），借盡佢，逆境時就出事。亦唔止係散仔係咁，幾時出事都係槓杆，新世界以前係咁，星島都係咁（胡仙敗晒祖業，虎豹別墅變咗名門（你以為李嘉誠善男信女？）。不過有時出事可以R政府打救，例如信和，例如美資銀行。
==============
你嘅2020年點？我嘅2020年就幾好。Ivan Patreon，港美市場評點，專題號外，每日一圖，好文推介。每星期6篇，月費100唔使，4個月已1000人訂！（https://bityl.co/4Y0h）。月頭訂至抵，年費仲有85折，仲係睇13個月添
《有關虎豹別墅的鬼故事》（結局篇•下）
＝＝下半部分是繁中華語＝＝
＝＝下半部分是繁中華語＝＝
（上）https://bit.ly/3l4WfYr
（中）https://bit.ly/35epBya
（結局•上）https://bit.ly/3nmypIs
「我…我…我…」基叔手拎住三清鈴，一邊燒符一邊揮舞，仲可以點解釋呢？
呢一剎，由花園走到虎塔，一直緊緊纏住基叔背後嘅壓抑感，早已經消失晒。睇嚟靈體已經成功離開咗呢度喇？
胡文虎豹兩兄弟既然用別墅養狐仙，證明佢哋都略懂道術。靈體有異常郁動或聚集，佢照道理一定察覺得到。趕到現場嘅胡文虎左右張望，再問基叔：「你想對我嘅狐仙做啲乜嘢？」
基叔一愣，胡文虎會問呢個問題，證明佢無察覺到基叔嚟虎塔嘅真正目的，係要將被困嘅靈體放走。
基叔再望一眼狐狸，佢化成一堆白煙從虎塔四樓嘅小窗口跳咗落去。
「喂！答我啊！你仲笑？！係邊個派你嚟搗亂嘅？」胡文虎。
「我…有笑？！」或者係覺得被困住嘅靈體已經成功逃脫所以鬆一口氣，基叔都估唔到喺呢個緊急關頭，自己竟然仲笑緊。
但而家更重要嘅係，點樣同眼前嬲到想殺人嘅胡文虎解釋。
幸好阿公早就估到有此一著。
而家係第二張符出場嘅時候喇。
「我、我、我、我嚟捉狐仙嘅！」既然胡文虎以為佢嚟對付狐仙，就順住佢嘅意思去答吧。
「捉狐仙？！」
「我知道老闆你點解要捉狐仙，聽講狐仙化成人形都貌若天仙，所以我都想養一個！」基叔額頭流晒冷汗。
「你到底講乜嘢？！」胡文虎聽得一頭霧水，眉頭擠得緊緊。
「睇吓！我連收服狐仙嘅符都帶咗嚟！」基叔將符拎出來，貼喺胡文虎額上。
胡文虎暴怒將符撕落嚟，低頭一睇，雙眼立即瞪大…
符紙寫住『敕令：狐仙請妳嫁畀我』…
「你咁係咩意思？！」胡文虎拎住符質問。
「咦？！我寫錯字咩？無可能嘅…」基叔。
「你頭先拎著三清鈴亂咁揮，是想做乜？」胡文虎。
「肯係吸引狐仙啦，如果唔係你出現，我爭小小就溝到佢～」
基叔記起阿公叮囑過，佢估計胡文虎雖然識得道術，但背後一定需要高人指點。既然基叔係完完全全嘅外行人，咁就乾脆扮傻扮到底啦。
「……」胡文虎大怒，一手奪去基叔手上嘅三清鈴。佢一眼就睇穿基叔係個外行人，無學過道術，亦無任何法力。
「你真係…想嚟捉狐仙？」胡文虎。
「你養狐仙求財，我都求財啊。唔通我覺得你困住狐仙係虐待動物，所以特登搞啲咁麻煩嘅嘢咩？」基叔演得七情上面，重重嘆一口氣：「而家…隨時連份工無埋…我先唔會咁多管閒事囉…」
胡文虎狐疑咁啤住基叔，步步進逼。
基叔心諗，今次慘喇。胡文虎財雄勢大，就算喺呢度殺死佢，再將佢條屍製成虎塔嘅雕像，都肯定唔會受到法律制裁。
「你！即刻同我走！以後唔好畀我見到你！呢個月嘅糧我都唔會出畀你！」胡文虎將三清鈴重重丟喺基叔面前。
「老、老闆，求你畀多次機會我…」基叔。
「呸！如果唔係警察嚟別墅，啲皇氣會破壞呢度風水局，我一早就報咗警啦！我畀你一分鐘時間你，即刻喺我面前消失！」胡文虎大怒。
結果，基叔當場就被胡文虎趕出別墅，都係很理所當然嘅結果啦，所以阿公都無收取佢任何費用。
被困喺別墅嘅靈體雖然暫時被釋放，但別墅嘅結界仍然存在，日後都會有其他靈體被困。
基叔嘅行為，喺好多人眼中，的確係多管閒事。
胡文虎下令旗下相關嘅業務，完全封殺基叔。為咗跟佢非親非故，甚至連睇都睇唔到嘅靈體，份工無咗，還影響前途，值得咩？
梗係唔值得啦～
但有一樣嘢比起金錢更加重要，就係良知。
可惜，好多人都好似別墅嘅管工或其他工人一樣。只要日常生活唔受影響，對其他事物就漠不關心。有靈體被困？關我咩事？
喺現今呢個文明社會，工作有糧出，畀錢有飯食，係必然嘅事啦。仲有咩可以影響到日常呢？
或者要影響到佢哋嘅日常生活，比起說服呢班人更加困難。
願香港，可以有更多基叔。
（完）
喜歡阿公，花半秒like & share
很抱歉～我要吃飯，大家也訂閱Patreon吧～
會有更多故事看，新書推出會免費送到你家
https://www.patreon.com/Bluegodzi
＝＝＝＝＝＝＝＝＝＝
＝＝＝繁中華語＝＝＝
＝＝＝＝＝＝＝＝＝＝
「我…我…我…」基叔手拿著三清鈴，還一邊燒符一邊揮舞，還能怎樣解釋呢？
此時，從花園走到虎塔，一直緊緊纏住基叔背後的壓抑感，早已消失了。看來靈體已經成功離開了吧？
胡文虎豹兩兄弟既然用別墅養狐仙，證明他們亦略懂道術。靈體有異常走動或聚集，他都能察覺得到。趕到現場的胡文虎左右張望，再問基叔：「你想對我的狐仙怎樣？」
基叔一愣，胡文虎會問這個問題，證明他沒察覺到基叔來虎塔的真正目的，是要將被困的靈體放走。
基叔再看一眼狐狸，牠化成白煙從虎塔四樓的小窗戶跳下去了。
「喂！回答我啊！你還笑？！是誰派你來搗亂的？」胡文虎。
「我…在笑嗎？！」也許是覺得被抓的靈體已經成功逃脫所以鬆一口氣，基叔並想到在這緊急關頭，自己竟然在笑。
不過現在更重要的是，如何向眼前生氣得想殺人的胡文虎解釋。
幸好阿公早就料到這一點。
現在是第二張符出場的時候了。
「我、我、我、我來捉狐仙！」既然胡文虎以為他來對付狐仙，就順著他的意思回答吧。
「捉狐仙？！」
「我知道老闆你為何要捉狐仙，聽說狐仙化成人形都貌若天仙，所以我也想養一個！」基叔額上不斷冒汗。
「你到底在說什麼？！」胡文虎聽得一頭霧水，眉頭擠得緊緊。
「看吧！我連收服狐仙的符都帶來了！」基叔把符拿出來，貼在胡文虎額上。
胡文虎暴怒將符撕下，低頭一看，他雙眼膛大愣住了…
符紙寫著『敕令：狐仙請嫁給我』…
「你這是什麼意思？！」胡文虎拿著符質問。
「咦？！我有寫錯字嗎？不可能…」基叔。
「這…你剛才拿著三清鈴揮舞，是想幹嗎？」胡文虎。
「當然是吸引狐仙吧，要不是你出來搗亂，我差一點就追求到她了～」
基叔想起阿公叮囑過，他估計胡文虎懂得道術，但背後一定要高人指點。既然基叔是完完全全的外行人，那就裝傻到底吧。
「……」胡文虎大怒，一手奪去基叔手上的三清鈴。他一眼就看穿基叔是個外行人，沒學過道術，也沒有任何法力。
「你真的…想來捉狐仙？」胡文虎。
「你養狐仙求財，我也求財啊。難道我會覺得你困住狐仙是虐待動物，所以特地搞這麼麻煩的事嗎？」基叔演得七情上面，重重嘆一口氣：「現在…工作也肯定不保了…我才不會多管閒事呢…」
胡文虎狐疑地盯著基叔，步步進逼。
基叔心想，這次慘了。胡文虎財雄勢大，就算在這裏殺死他，把他的屍體製成虎塔的雕像，也肯定不會受到法律制裁。
「你！立即給我滾！以後別給我看到你！這個月的薪水我也不會發給你！」胡文虎將三清鈴重重砸在基叔面前。
「老、老闆，求你多給我一次機會…」基叔。
「呸！要不是警察來別墅會破壞這裏的風水局，我早就報警了！我給你一分鐘時間，立刻在我面前消失！」胡文虎大怒。
結果，基叔當場就被胡文虎趕出別墅，但這也很理所當然的結果吧，所以阿公也沒收取他任何費用。
被困在別墅的靈體雖然暫時被釋放，但別墅的結界仍然存在，日後也會有其他靈體被困。
基叔的行為，在很多人眼中，的確是多管閒事。
胡文虎下令旗下相關的業務，完全封殺基叔。為了跟他非親非故，甚至連看也看不見的靈體，工作丟了，還影響前途，值得嗎？
當然不值得吧～
但是，有一種東西比起金錢更重要，這就是良知。
然而，有很多人像別墅的管工或其他工人一樣。只要日常生活不受影響，對其他事物就漠不關心。有靈體被困？關我屁事？
在現今這個文明社會，工作有薪水，付錢就有飯吃，這是必然的事。又有什麼東西能影響到日常呢？
也許要影響到他們的日常生活，比起說服這些人更加困難。
希望香港，可以有更多基叔。
（完）
喜歡阿公，花半秒like & share
很抱歉～我要吃飯，大家也訂閱Patreon吧～
會有更多故事看，新書推出會免費送到你家
https://www.patreon.com/Bluegodzi
