「如再記起，舊日共你的快樂園地。」
燈火光影、街道人群，昔日既尖咀已經
不復再，一間又一間既吉鋪，恐怕仲未
見到疫情既盡頭，好多餐廳都要捱唔住
要倒閉。但另一邊箱，總有人會相信奇蹟，
全名為「寿司を食って、蕎麦で〆る。
日本酒もある、長い名前のレストラン。」
「S u · S o · S h u」近日進軍尖咀，
將三大日本最強文化Sushi、Soba、
Nihonshu配配合日本直送食材，係傳統
同新派之間取得平衡，淨係呢點都抵讚！👇
-
📌冷 た い 蕎 麦 -
▪ え び 天 ぷ ら · 蕎 麦 - $198
▫ 第一樣一定要試蕎麥麵，我揀左「虎蝦
天婦羅·蕎麥麵」事關一次過滿足兩個願望。
佢地用既係日本新鮮既十割蕎麥麵，
全由蕎麥粉造成，完全無麵粉，非常
健康。每條麵條食落咬口十足，充滿
蕎麥香味，煙韌彈牙，唔錯；配搭
鬆脆無比既虎蝦天婦羅，兩者
產生化學作用，特別好食。
-
📌刺し身 · 寿司盛り合わせ -
▪ 特撰炙り寿司·盛り合わせ·八貫 - $380
▫ 呢個「特選火炙·壽司盛盒」一試過食哂
八樣火炙壽司，由左邊開始食起，鯖魚
質感彈滑，口感煙韌；鰈魚味道清新，
鮮甜爽口；穴子亦姐係鰻魚，用火槍燒過，
份外惹味；鱈魚上面加左紫蘇蘿蔔蓉，
食起上黎有種清甜解膩功效，唔錯；
鰆魚面頭擺放左山葵漬，口感份外豐富。
而最重口味既大拖羅當然留到最後啦，
散發住滿滿既油香，入口即化，正！
而甜蝦同鯛魚都夠新鮮，睇得出師傅嚴選
水產都係由時令食材挑選，呢個價錢好抵食！
-
▪ 鮪三味刺し身·盛り合わせ - $318
▫ 試左壽司盛合不妨試埋「吞拿魚三味·
刺身盛盒」，將吞拿魚分成三味，
由赤身開始食先，魚肉被切成鮮紅既
粒狀，口感特別爽彈；而另一邊吞拿魚腩蓉
連埋紫菜、青蔥、三文魚籽，層次豐富。
而最後慢慢細味大拖羅既油香，
作為吞拿魚控既最後享受！
-
📌お で ん -
▪ お で ん · 盛 り 合 わ せ - 198
▫ 要有正宗地道風味，「關東煮·盛盒」
就幫到你啦，盛合包括6款精選食材，
當中包括絹豆腐、大根、魚餅、日本雞蛋、
豚肉腸、竹輪卷。大根亦即係蘿蔔，
煮得夠入味，入口即化；浸過後既
絹豆腐食落質感軟腍，幾特別；日本
雞蛋屬於滷水煮，食落非常濃香；
另外魚餅入口軟腍入味，煙煙韌韌好彈牙。
-
📌本 日 お ま か せ -
▪ 月 見 チ キ ン - $98
▫ 終於食到唔係用串燒既形式上陣既
「月見·免治雞」，首先雞蛋黃光澤明亮，
非常靚仔；而配上大量香蔥係旁邊，
成個賣相更加吸引。而免治雞肉混合
雞軟骨，食落有咬口之餘，香味仲幾突出；
配搭蛋汁一齊食，成件事更加豐富！
-
📌無 濾 過 生 · 原 純 米 酒 -
▪ 風 の 森 · 夏 の 夜 空 - $70/杯
▫ 想歎下sake又擔心怕成枝飲唔哂，唔怕！
因為佢地有推以杯裝比食客，而且佢地
口味同款式多達50幾種，今次揀左呢個
「風之森·Alphalype3」。飲落味道
有種淡淡既微炭酸，非常易入口，
絕對岩哂我呢D清酒新手呀！
-
📎 S u · S o · S h u
📍尖沙咀亞士厘道17-19號1樓
蕎麦 最強 在 【最強蕎麥麵】獨家40分鐘手打2mm Soba 煙韌 ... - YouTube 的推薦與評價
飲食男女backup #飲食男女#香港美食Hong Kong Food. ... <看更多>