【#太子必食🤩】人氣爆燈的外賣車仔麵～ 新開有堂食❗辣汁勁出名
（疫情又嚴重返，或者買外賣返去食係一個更好選擇）
呢間外賣車仔麵，本身都成日排隊，加上阿Bob林盛斌 响個Page度成日勁讚，所以不少人慕名而來，我就係其中之一個喇 🔥
今日試咗五餸麵😋，豬腸洗得好乾淨，如果腍返少少就更好；牛肉餅有咬口；蘿蔔甜到暈，勁入味，口感比較腍；牛肉餅即係牛丸個frd有咬口。唔知老闆認得我，還是睇樣都知我鍾意食，請我食豬紅，平時唔太鍾意豬紅，我都覺得呢個掂呀～彈牙，配埋辣汁真係正！而🌟重點一定要揀「重口味辣汁」，聽到隔離枱形容係川式辣味，的確是辣得爽🥵，特式是辣汁跟湯底混和咗，成個湯都辣，啖啖都辣，並非坊間大部分咁樣，只係加幾匙辣油上面。食得辣一定要試埋佢枱面樽辣醬，聽聞都好掂㗎～（可惜我唔食得太辣... ）下次我要試埋招牌豬腩肉先得👍🏼！
整體我都覺得堅正嘅，價錢都合理，而且份量好大！唯一係如果好鍾意食熱騰騰湯麵的朋友，可能會覺得碗麵唔夠熱。
#太子美食 #太子車仔麵 #華記潮州鹵水車仔麵 #必食車仔麵
=======================
🍏店名：華記潮州鹵水車仔麵
📍地址：太子界限街34號地下（總店）
⏰營業時間：星期一至日 11am-10pm
📍地址：太子界限街27號地下（外賣）
⏰營業時間：星期一至六6pm-2am；星期日休息 （外賣店暫時會休息幾日）
📞電話：6563 3939
華記潮州鹵水車仔麵 在 WaKee華記潮洲滷水車仔麵 的推薦與評價
WaKee華記潮洲滷水車仔麵 · Page · Food delivery service · 太子界限街34號及西環正街40號, Hong Kong, · +852 6563 3939 · [email protected] · facebook.com/wakeefood? ... <看更多>