🍞🍞【自家製無添加英式吐司】(附食譜)🍞🍞
當 4 塊麵包賣成 HK$21 蚊，仲要見到材料成份加咗麵包改良劑時。。。。我嘅內心。。。。真係好滾動呀））））））😤
我知。我明。百物騰貴吖嘛，但明明以前HK$21係有一條麵包，點解冇幫襯一排，HK$21 蚊會變得 4 塊架🤪
近來要照顧母親大人起居飲食，少咗時間搓包，咪走去Ｐ字頭麵包舖買麵包囉，一包得4塊唔夠食，買兩包8塊麵包要HK$42蚊，初時以為係無添加麵包，貴Ｄ都值，點知見到佢嘅成份有麵包改良劑，真係唔知講乜好了。。🤦♀️
想無添加兼食得經濟，唯有自家製。。。囉~~!😏
1KG 韓國高筋麵粉 HK$13，可以整到3條方包多少少，即是麵粉價大約 HK$4，連埋少少蛋液少少無鹽牛油同鹽糖酵母，再加埋烤焗時嘅電費，真係 HK$10 以下就有大大條無添加麵包了🍞🤩~
母親大人話我整嘅自家製麵包好啱佢口味，鬆軟得嚟又有質感，唔會好似街賣嗰D，咬落去一陣風，好似食空氣，一係就黐曬牙喎~
見到老人家咁歡喜，點忙碌都整比佢食啦~~ 😘😘
食譜係用湯種頂角吐司，不過今次我唔整佢做頂角，冇同佢加蓋，由得佢繼續升高，變咗做英式方包喔~
可參考湯種頂角吐司食譜: https://kellyandruby-mami.blogspot.com/2020/05/blog-post.html
