【IG:stoneip】食唔起午餐肉唯有食扇貝
石先生 一日三餐都係自己顧自已，所以出街食飯有幾貴，好易感受到。既然出街食飯愈來愈貴，咪返屋企煮囉！
一開始當然係 TBB 咁煮個麵來食，但食麵都想要配料，買罐午餐肉最簡單，不過午餐肉愈食愈貴，差不多 $30 一罐午餐肉仲貴過出街食。
食唔起午餐肉，去唔起超市，唯有去街市。行入街市買得咩開頭真係唔知，唔係魚蛋、魚片、芥蘭、菜心都唔知有咩選擇。
不過去得多自然會開始試新野，例如一斤蝦原來都係 $40，四隻大扇貝都係 $40，洗乾淨後蒸或滾都食得，性價比高過午餐肉太多。壞處當然係蝦及扇貝本身唔擺得，買返來最好即食，唔係放多兩日已經好盡，所以要食都要早準備。
香港真係一個痴線嘅地方，明明罐頭本身係俾窮人食，以平價做賣點，但竟然走去街市買海鮮仲平，真係城市生活多樂趣。
