【 #ifva影像嘉年華---自攜私家影院】
-長文慎入-
上個星期完滿結束左所有workshop，係呢度記錄返呢個過程非常享受嘅 project！
話說大半年前收到ifva 嘅邀請，為嘉年華設計一件optical toy，optical toy有好多種，經過research同試做之後，最終決定以Projectoscope到 Kinetoscope為藍本，做一個簡單嘅電影投映機。
起初試proto 嘅時候都遇到唔少問題，例如加唔加放大鏡？點樣隔開連環嘅影像？點樣用最少嘅資源做到最好嘅效果...etc
因為電影嘅形成係運用視覺暫留嘅原理，要隔開連續嘅影像可以運用有頻率嘅燈光，每一個影像顯示時閃一下，制造1/10秒嘅視覺殘留。而點樣以最簡單嘅方法做到呢個有頻率嘅燈呢？就係大家都一定有嘅手機電筒喇！
有左光源之後，要開始諗燈光同菲林點樣可以結合，而結構需簡化到大家都做到。電影投影機係一卷好長嘅菲林快速向前滾動，呢個結構可以播放好長嘅影像但就會好複雜。參考左Phenakistoscope同view master 嘅做法，改用橫向轉動嘅圓形轉盤，影像限制左係12個 image，雖然比較短但就可以不停重複，而且結構相對地簡單。
處理左結構嘅問題，就去到自製燈光頻率嘅方法了。運用頭先所講嘅圓形轉盤，上面平均放置菲林(影像膠片)，菲林同燈中間用一塊有窿嘅板隔開，轉動時配合燈光、隔板同菲林就可以投映出一個好似flip book 嘅短動畫到牆上面喇~ 就係咁樣，手提版嘅自攜私家影院就誕生左喇~
至於有去影像嘉年華嘅朋友應該會見到一個放大左嘅木制版本，呢個大版加埋兩個放大鏡做放大投映同對焦，希望模仿翻戲院嘅感覺，配合不同轉動嘅速度就會有不同嘅效果！習慣 lastminuteforever.com 嘅我當然是在嘉年華前兩天才完成呢個放大版啦……(汗)
最後，非常感謝 ifva 嘅邀請同包容，令在下有呢個機會做呢個咁有趣嘅project！仲認識左一班朋友 (心心眼)！
還有特別鳴謝生產DIY pack 嘅公司，個貨期趕到物咁真係嚇餐死，但最後無事！感激！
歷時半年幾嘅制作就此完結，希望下一個項目可以快點面世啦~
試玩片段：
放大版：
https://www.facebook.com/wastetimewastelife/videos/289482815207565/
自制版：
https://www.facebook.com/wastetimewastelife/videos/293510664710337/
自製投影機原理 在 超簡單DIY手機投影機？！| 想手做 - YouTube 的推薦與評價
凸透鏡成像 原理 最有應用的大概就是這個手機 投影機 了吧！ 便宜簡單又好做但他投影效果真的好嗎？！今天來試試看歡迎來到沃特想幹麻頻道主要會分享一些 ... ... <看更多>