大埔林村許願樹旁的廟宇有點靈喔😍
話說小妹有一位朋友嘅媽咪身體欠佳，剛好有朋友提議去林村許願樹許願，話係每年嘅習俗。
對傳統習俗文化抱有濃厚興趣嘅我，喺大年初七(即係尋日) 嘅早上就跟朋友一齊去湊熱鬧，去睇下當地嘅文化習俗，順便幫朋友許願祈求佢媽咪身體早日康復。
同行朋友嘅媽咪一見到我哋就即刻叫我地先去廟宇拜神打招呼，咁我就跟着朋友去啦！
朋友問我：你有咩願望呀？
我話：良緣早結！身體健康！生意興隆！
跟住今日(大年初八) 同 Uncle 去食飯，我就遇到一個可愛嘅男生，佢對大家都唔笑唔講嘢，因為佢係跟爸爸媽媽一齊嚟食飯，所以我就諗佢應該好悶。
我 Uncle 同佢嘅爸爸媽媽坐隔離，所以我同佢爸爸媽媽都有傾好多計。之後我仲話仔仔好乖，肯陪爸爸媽媽尼。
跟住唔知點樣就講起原來我同呢個男仔大學都係讀 Finance , 跟住我同呢個男仔竟然開始傾計，然後個男仔仲笑。我就話：哈哈！我終於見到你笑喇！你成晚都冇笑過！
跟住佢行開咗，佢爸爸媽媽話：佢好少笑架！
我話：咁我好好彩呀！我可以見到佢笑！
食完飯，我哋去咗呢個男仔屋企嘅鋪頭食嘢，成個過程我哋都有傾計，到最後佢哋送我返屋企 (好彩冇揸車✌🏻)，我哋喺車度都好多計傾，傾到連佢爸爸媽媽都同我 Uncle 講：其實我個仔平時好少講嘢！
我落車嘅時候，佢爸爸媽媽仲叫我地多啲聯絡，仲話我哋再約飲茶啦！好 Sweet ☺️❤️🌈
其實單身嘅呢大半年我唔係無遇到單身嘅男仔，而只係無遇到覺得適合可以了解落去嘅男仔，即使佢哋條件好好又靚仔我都完全冇興趣。而尋日去拜拜完，我今日就竟然遇到一個有興趣想了解落去嘅男仔。所以我就入咗大埔林村許願樹旁邊嘅廟宇數喇！哈哈！
其實可能係之前拜嘅其他神靈幫忙/剛好踏入豬年轉運所以遇到都唔出奇。不過時間巧合，所以我都係覺得係大埔許願樹旁邊嘅廟宇靈驗！哈哈！
** 我唔係一定要拍拖，但起碼都有個人我有興趣認識同了解一下嘛。同埋我覺得兩個人點都好過一個人嘅！之前追我嗰啲唔係有老婆就好多嘢隱瞞，一係就性格怪怪地！希望尼一個係正常🙈我要求唔高㗎！生肖星座唔係相沖相剋，個人嘅思想同行為正正常常就得㗎喇🙈 就算唔拍拖都得㗎！起碼有個單身男仔比我感情寄托下嘛 🙈 哈哈！GoodLuck to me 😉
#發仔寒 #終於遇到一個有興趣而又單身嘅男仔 #除非唔係 #腌尖嘅我覺得好難得 #今次要了解清楚 #如果覺得適合嘅我會追佢㗎 #緣份需要主動爭取 #GoodLuckToMe #希望適合啦 #大埔林村廟宇很靈驗 ☺️ #WhatASweetNight
.
.
.
.
.
.
.
.
.
.
.
然後，如果我跟你說以上一切都是故弄玄虛的！哈哈！如果你睇到以上嘅文字係有嬲或者唔開心嘅情緒，又甚至係想祝福我！唔該你話俾我知！因為你心入面有我 😉 嘻嘻！多謝你！遲來的初七人日生日快樂☺️❤️
腌尖嘅我覺得好難得 在 處女座的腌尖日常 的推薦與評價
我一向都唔嗜甜，都會耐唔中都會想去買佢嘅蛋糕食，感情分一定有，但我買得都係真心覺得好食嘅，連我個腌尖娘親都認同。大家可以試吓。 #澳門 #Macau #美食 #Food ... ... <看更多>