【#More熱話】家務一直都係唔少家庭嘅導火線，呢種情況下你又會撐邊一邊呢～
#morehk #老婆 #老公 #婚姻 #家務 #年薪 #工作 #妻子 #兩性關係 #夫婦 #ctb15 #小編H
－－－－－－－－－－－－－－－－－－－
💋 關心更多網絡熱話 👉🏻sundaymore.app.link/2aXinhnqNfb
老婆唔做家務 在 more Facebook 的精選貼文
同時也有1部Youtube影片，追蹤數超過4萬的網紅李根興 Edwin商舖創業及投資分享，也在其Youtube影片中提到，第76創業知識《哈佛分享：「搵錢、結婚、生仔」點算好？》 我相信好多阿媽都同阿仔講， 大個咗要搵到錢，大個咗要結婚，大個咗要生小朋友建立家庭。 咁樣才會有開心嘅人生。佢哋講得啱唔啱呢？ 根據哈佛心理學教授Daniel Gilbert 指出，答案在影片裏.... ..................
老婆唔做家務 在 King Jer 娛樂台 Facebook 的精選貼文
藝人面對緋聞，經理人嘅教科書式回覆可能係：「朋友關係。」「對唔字無回應。」「俾啲私人空間佢。」不過花姐反其道而行😂之前有報道話MIRROR嘅肌肉擔當Alton同女友人嘆車仔麵 #段新聞係咪馬英九看手錶啲frd 人地約朋友仔深入了解吓香港地道文化姐，最後俾人偷拍報道。點知日前佢同Tiger、花姐喺滴露fb開live嗰陣，係咁俾花姐抽水，不斷提 「車仔麵」呢三個字😂搞到轉數快嘅Alton兄只能用生命值硬接！睇住Alton瘋狂中箭，虎仔坐埋一邊，邊食花生邊笑到四肢朝天😂
食車仔麵定食花生都好，都要時刻保持個人衛生同消毒呀。除咗有花姐講花邊，其實今次開live係想幫Alton同牙虎發掘佢地嘅隱藏技能！作為鏡仔，你地導致大量前夫湧現，班「老婆」們咁鍾意你地，唔通代表你地係家務好能手，家居消毒KOL🤔呢個假設完全正確，玩咗幾個game之後，花姐發現原來拖地、抹台、洗衫都難唔到Alton同牙虎 #特別係MIRROR整潔擔當Alton #典型處女座鍾意整齊乾淨
見到兩位鏡仔咁生性，花姐都開埋感性mode，感嘆為咗照顧鏡仔同錯仔，犧牲咗照顧自己屋企嘅時間，平時好少做家務，成世人拖唔夠三次地 #估唔到花B十指不沾陽春水 希望鏡仔、錯仔繼續生性，等花姐可以多啲時間休息吓，同屋企人嘆吓家庭樂啦！花姐咁warm咁錫佢地，呢兩粒鏡仔好識do嘅，夾埋滴露一班姐姐俾咗個驚喜佢，就係全場滴露產品任佢拎！睇嚟花姐最愛應該係衣物消毒除菌噴霧，起勢咁噴！
唔止花姐呀，你地都有份㗎！即刻去傳送門入手直播限定套裝👉🏻https://bit.ly/37ZkGlm
聽講滴露宜家有最高消費者激賞，粉絲們仲有機會贏走姜濤洗衣機添！
- 其他優惠詳情可以參考 滴露香港 Dettol Hong Kong FB
- 重溫live👉🏻https://bit.ly/dettollive
#Dettol #DettolHK #滴露香港 #守護家人健康 #守護摯愛健康
#MIRROR #MIRROR隱世才華 #隱藏技能大發掘 #Alton同Tiger原來係家務界KOL
#花姐獻上人生中第四次拖地 #Alton表示係鍾意整齊唔係潔癖 #虎仔第二次挑戰滴露遊戲好成功
#花姐最愛嘅安心味道 #滴露松木味真心好香嘅
#食完車仔麵都記得要用滴露濕紙巾抹台 #用埋衣物消毒除菌噴霧除味同埋衣物消毒劑洗衫
#live嘅小插曲 #一開頭有少少技術問題 #但Alton執生得好快臨危不亂繼續主持 #果然係王勁呀抵讚
老婆唔做家務 在 法式生活 - 洛太太 Facebook 的最佳貼文
最近同朋友吹水，大家都是已婚有仔女，加上性格有點似，所以有很多有趣話題，而其中一個話題，我很有反思，想同大家分享🤗
朋友話：老公成日投訴我唔夠愛佢。我即刻問：咩叫愛先?
情況大概係咁，朋友是全職家庭主婦，同我一樣會WFH賺吓少少錢，佢會為家人準備好三餐、做家務、照顧仔女... 老公覺得朋友好似run緊一間公司，把每日的工作做好就算，老公覺得兩人沒有溫馨甜蜜時間...
大家都係媽媽，同樣有6年以上家庭主婦經驗，不用多解釋已經明白哂。
煮飯、做家務、照顧仔女確實不難，如果只係間中無聊/心血來潮做下的話，唔止唔難，仲幾開心過癮tim... 試諗下日日月月年年咁做，還開心過癮嗎？我大概有7年日日做家務經驗，至今仍覺得家務真係好神奇，做咗冇人知，冇做即刻知。雖然我日做夜做，但仍未愛上做家務，甚至一點好感都冇... 如果不是出於愛，我一早離家出走，過我的自由自在生活。真的，幾年前（在法國），我試過一次真離家出走，有人差點要報警，因為快天黑天氣凍我又大住肚，我冇揸車，附近冇任何公共交通公具冇酒店，我身上有錢有credit card有passport，打算去市中心住一晚酒店，第二日搭火車去意大利/西班牙渡假... 但我最後還是失敗，因為真係走唔到，我當時冇喊，真心笑咗出嚟，講咗句：畀條路嚟行下都冇，夠絕，好嘢... 我唯有搵咗個地方坐低，3個鐘頭後，我被發現... 我的忍耐力算是幾好，但亦敗於全職家庭主婦這份工作，要不是因為愛，我早就唔撈...
大家不用擔心我，我已不是從前的我😎我只想表達，我覺得要打理好一個家庭不是一件容易事（可能我比較冇用），需要投入大量心機和精神，而且要有強大的意志。有了小朋友後，媽媽把有限的心機和精神分大部份給孩子，這是無可厚非，原因不多解釋。“冷落”了老公，我相信冇老婆想，要是想多一點二人相處甜蜜時間，最簡單的是一齊分擔家務和照顧孩子；一係大家努力賺錢請姐姐幫忙。要是冇樣做到，唔緊要的，亦很正常，好多夫婦都做唔到，唯有多一點體諒和盼望，孩子好快大，到時就冇咁困身。而且我覺得兩夫婦追求的quality of life or work life balance，指的不是每日/月/年，簡單講，頭10年會比較辛苦（要很努力工作和照顧幼兒），之後會一年比一年輕鬆... 那當然間中都要休息放鬆下，唔係10年完全無休...
當然每個人選擇唔同和價值觀唔同，沒有對或錯，自己開心和無悔就好了。
我又點？我選擇先行一條艱苦路，想親自照顧好家庭，同時亦想有自己工作，我真的相信我第11年開始有好日子過，如果我死唔去... 天要滅我，我亦冇辦法，已盡力🤷🏻♀️
兩情若是長久時，又豈在朝朝暮暮。
愛是要堅持相信盼望。
小小分享，如果冇咩事，我去洗埋啲碗先，然後開工同珠仔玩遊戲...
老婆唔做家務 在 李根興 Edwin商舖創業及投資分享 Youtube 的最佳解答
第76創業知識《哈佛分享：「搵錢、結婚、生仔」點算好？》
我相信好多阿媽都同阿仔講， 大個咗要搵到錢，大個咗要結婚，大個咗要生小朋友建立家庭。 咁樣才會有開心嘅人生。佢哋講得啱唔啱呢？
根據哈佛心理學教授Daniel Gilbert 指出，答案在影片裏....
......................
全文：
而家喺星加坡同我老婆同三個女，趁開學前放下放假。 我相信冇人會反對人生其中一個最開心嘅時候就係同屋企人放假去旅行嘅時候。
包括我在內，我相信好多阿媽都同阿仔講， 大個咗要搵到錢，大個咗要結婚，大個咗要生小朋友建立家庭。 即是唔係咁講，都肯定唔會講大個仔要窮，記住成世要孤單一個人，唔好結婚同有仔女，種下禍根。
咁其實我阿媽、同你阿媽講嘅嘢啱唔啱呢？ 有冇科學根據？ 錢能唔能夠買到快樂？ 結咗婚係咪真係會開心啲？ 生咗仔女咁又點呢？ 根據哈佛心理學教授 Daniel Gilbert 過去30年嘅研究， 佢話阿媽以上三大智慧係啱啲唔啱啲。 而家同你逐一講講。
今個月我剛剛就去咗佢喺哈佛講Happiness 嘅一課， 循例我好鍾意坐第一行，佢無話唔俾影，個個學生喺咁影相，我又唔係學者，我只係一個專賣鋪嘅生意佬都同你分享下我學咗啲乜。
第一：阿媽話，大個仔要搵到錢。 咁錢係咪越多，會令你越開心呢？ 答案，yes! 真係，越多就越開心。 Never go back down. 邊個扮清高，話錢買唔到happiness係錯晒。 有錢人就係開心過窮人。不過根據哈佛教授Daniel Gilbert 指出， 錢喺大約去道每年六萬蚊美金嘅收入， 即係每個月三萬九千蚊港幣，你就大約已經買到95%嘅happiness。 諗真啲，每個月三萬九千蚊港幣，其實真係唔係太多。 當然世界每個地方嘅生活水平唔同， 但個idea 就係如果你要再開心啲，更加多嘅收入其實如果你同樣嘅洗法都只係畀多你人生5%嘅開心。
咁點樣洗法先能夠更加開心呢？1. 買多啲經歷，買少啲嘢。 因為經歷，例如去旅行，每個人係獨特嘅，無得比較。 但如果你買咗架法拉利，見到側邊嗰人揸住架林寶堅尼， 你就覺得點解佢架車仲靚過你。2. 洗多啲喺人哋身上，洗少啲喺自己度。 點解有錢佬好鍾意捐錢， 因為幫人都係一種滿足感。3. 放多啲錢係關係上， 有人同你分享，遠遠開心過自己一個獨食。 信不信由你，我幫到個租客做生意，我都真係好開心。 佢賺多一萬，遠遠開心過我自己袋晒。
Breakdown 呢，睇下呢個chart, 開心嘅程度, work 工作, commute 即係揸車搭車去上班嘅時間，TV 電視就係咁開心。 好多人話有錢之後就攤喺度乜都唔做， 但其實嘆喺度開心嘅程度，同work 都差唔多。 咁乜嘢係最開心呢？ 教授話係 talk and sex. 你明啦，我諗唔使翻譯。 佢話，所以如果你有錢嘅話唔應該休息多啲，係應該多啲 talk while having sex. 真係佢話㗎，今晚試試。
第二， 結咗婚係咪真係開心啲呢？ 呢個我有些少利益衝突，即使唔係，我都唔可以講大聲。 但研究指出，答案又真係，係喎。 過去嘅50年嘅研究指出，結咗婚嘅人就係開心過未結婚嘅人。再細緻啲睇，結咗婚嘅人就係開心過cohabiting 同居嘅人，同 single 嘅人。 離咗婚 divorced 或者 separated 分開咗嘅就最唔開心。
但結唔結婚，隨著歲數都好影響開心程度。 佢哋全部都係二三十歲嘅時候最開心 ，去到四五十歲就中年危機，七八十歲嘅時候又回覆童真。 但留意喎，四五十歲未結婚嘅人係最唔開心， 因為一世人入面唔知最終結唔結到。 去到六七八十歲呢就認命，開心返啦。
但記住喎， 以上嘅圖雖然結咗婚嘅人係開心啲。 你要搞清楚，係因為佢結婚而開心，定係因為佢本身係個開心嘅人而吸引多啲人想同佢結婚呢？ Correlation （相關）唔等於 Causation （因果關係）。 教授話你要搞清楚個關係喎，佢都未有答案。
佢只係知道結咗婚嘅人，都唔係all the way 開心㗎喎。 結婚之後嗰一兩年係最甜蜜嘅， 之後就一般啦。 我結咗婚13年啦， 都細細聲同你講唔會相差太遠。 但離婚呢？ 男人？ 離婚前一年就最悲哀，之後就一支箭咁標上去。 女人就反而比較平穩啲喎。 我諗男人最明點解啦！
第三， 睇完錢同老婆，睇下生仔女啦。 Kids are pain in the ass, 我諗好多父母都會贊成。 原來阿媽話結婚一定要生仔女先至開心，呢個係錯㗎喎。 唔怪得知，我最開心嘅旅行，通常都係同我老婆兩個人去嘅旅行。
教授Daniel Gilbert 話non parents, 一般係開心過parents, 更開心過 parents with minor children. 即係有細個嘅小朋友，即係我呢啲，係最唔開心。佢話研究數據指出，小朋友出世頭幾年係會令你越嚟越唔開心。 諗真啲，又啱喎。 啱啱出嚟嘅時候，成嚿飯咁，同佢玩乜都得。 篤下佢，彈下佢，no problem 。之後又要playgroup, 又要諗幼稚園，又要諗小一入學，真係想死。 我最近先至成日煩緊我細女要去小一入學面試。 小一入學嘅壓力係遠遠大過自己去大學或者求職面試。 當年見傑青個panel 我都冇咁大壓力。
數據指出作為父母，開心嘅程度，talking with friends 係最開心，eating 第二，grocery shopping 超市買餸第三，doing housework 做家務第四，咁being with children 同細路一齊呢？ 只係高過做家務少少。
全世界嚟講， world average 都係無細路係開心過有細路.... Just by 少少。 結咗婚嘅就好啲， 但整體上都係無細路開心少少。 如果你係單身single 嘅，你就更加唔開心。Divorced 離咗婚嘅， 係最唔開心。 因為大家都明白，離婚最難搞嘅就係仔女。 反而widowed 寡婦/寡佬就遠遠最開心， 因為始終老公或者老婆走咗之後，仔女可能就係佢哋唯一嘅伴。
雖然全世界整體上都係無細路開心過有細路，但每個國家都有所唔同。美國呢就係比全世界好啲，Montenegro 又名黑山共和國就係最好， Macedonia 馬其頓就係最差。 香港我就無數據，我估應該好啲嘅，始終有工人姐姐幫手。 但一講起小一入學，我諗個個父母就會話我哋同Macedonia 差唔多。
總結，點都好，有細路係開心嘅，不過唔好為佢哋而煩惱太多， 我成日同我老婆講 number one rule of parenting: Relax!
結婚？ 好吖，only if you find the one you love and he or she loves you too。Love 唔到like 喎。 Like 喜歡係想得到，love 愛就要付出。唔好為結而結。
最後，錢可以令你開心啲，但如果你能夠買多啲經歷，洗多啲喺人哋身上，同埋建立關係上面呢，你會更加開心。教授話 try to talk during doodoo 係最開心，今後搵錢、結婚、生仔、點算好，你懂啦！
