其實一日乘車券都唔係咩新鮮事，如果你有去過東京／大阪既朋友都識得去站前既售票機㩒下個優惠（おトク）睇下，印象中大阪好似得星期六日先有供應。自由行係東京最常搭應該得三間鐵路公司（❶ JR／❷ METRO／❸ 都營）如果唔係去指定景點要搭JR（如輕井澤／日立海濱公園／鎌倉／高尾山）丫仁真係寧願搭東京METRO（メトロ）原因好簡單，因為轉車指示較清晰，同埋山手線去到的主要觀光名所（かんこうめいしょ）佢地都去到，而且出口位置夠全面👏🏼👏🏼👏🏼
上年係舅父教我買One day pass周圍兜周圍走熟習東京，係就好像好優惠，可惜用唔足一日好浪費😔😔😔打個譬如我早上11點先買，去到晚上9點10點都完，實際只係用左12小時左右，除返開好似唔太化算🤔但係係今年2016年3月開始，因應琳琅滿目既旅客優惠券推出，東京METRO終於將一日乘車券改做24小時有效，那就是說我今日早上11點05分入閘，有效期到明天11點05前（即翌日11點05分入閘為準）星期日買張一日乘車券周圍玩，第二日返工都用到，又可以慳多一程！👍🏼👍🏼
詳情參閱下
http://www.tokyometro.jp/tcn/ticket/value/1day/index.html
一日券收費：
東京METRO 大人600円，小童300円
東京METRO＋都營鐵路 大人1,000円，小童500円
另外，好多旅遊書都會推介一種24/48/72小時既PASS，呢種就要係東京指定地方／商店購買（例如東京希爾頓酒店、HOTEL ABEST MEGURO、東京EAST 21飯店⋯⋯）不過講真我地又唔係乜日本達人，日本咁大自由行去東京都係一次起兩次止！！我SHOW完個售票處俾你睇，你又真係知間野個位置係邊咩！？無錯羽田機場有得賣，但廉航既班次咁奇怪🤔🤔🤔你落機入境人地都閂左門啦，咪又係買唔到？何不試下用最直接既方法－－㩒售票機呢？你亦可選擇旅程第二日，開始認到路個時買來用既～🙇🏼
PS：留意偏遠地區專用電車公司則未能接駁到一日券（西武鉄道／東急電鉄／京王電鉄／小田急電鉄等等）
#工作遊記 #大丈夫 #丫仁 #tokyo #日本 #東京 #working #holiday #工作假期 #期間限定好友 #香港人 #廣東話 #一日乘車券 #onedaypass
#JR #METRO #都營 #東京希爾頓酒店 #羽田機場 #日本達人 #售票機 #西武鐵道 #東急電鐵 #京王電鐵 #小田急電鐵 #自由行
