關於 美國三十年債息 ，我們在網路上蒐集到這些相關的討論、資訊與評價

［週末寫呢啲］今次呢個題夠晒大，應該人人都關心，但我好似冇特登寫過一篇文。

1. 就係傳說中嘅「就係咁咗嘅樣　乜都唔駛撈就至理想」。FIRE movement，Financial Independence, Retire Early．財務自由。星期一返工Benz for the mouth為口奔馳嘅你好需要睇

TLDR：幾多錢先夠自由？幾時先搵得到？被動收入嚟自邊？投資回報假設幾多%先合理？通脹呢？你老哥又要幾多錢先夠上岸？全部答晒你。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

2. 首先講返，你要幾錢先夠，好抱歉，多數你自己先知。因為你總有啲秘密唔想同人講，你生唔生仔，移唔移民，會唔會想離婚分身家，你估你屋企兩老幾時死，呢啲全部係好關鍵嘅問題，但我同你三唔識七你唔會話我知。所以嘥氣。

3. 但我可以做嘅，我將自己嘅case，近乎全無保留（除咗我已經有幾多錢外）話晒你知，你學我嘅方法自己計一次，想食鹹啲淡啲自己調節個食譜。

4. 同時警告你，坊間好多講FIRE嘅，都係掛羊頭賣狗肉，又係賣產品。乜乜基金乜乜保險乜乜債券，或者尹光NFT捷克樓盤（真係有！）。十居其九呢啲財務自由嘅方法，就係令個保險經紀或理財顧問自己財務自由。而我絶對唔sell產品，冇回佣拎，就係拎你嗰100蚊月費。因為量夠大，就夠我當返工。記住，我地生活在個高度金融化嘅社會，你要諗下人地做乜益你，點rip you off，賺乜。我就賺你100蚊（其實冇，得80落袋）

5. 然後，我用咗啲時間，搞清啲基本概念。乜嘢叫財務自由，乜嘢叫net worth，乜嘢叫開支。唔好笑，因為好多人都亂嚟。有人當供樓係開支，傻的嗎？頂多你還息嗰部份係開支。正如有人問我net worth計唔計自住樓。當然計啦！「但只係紙上富貴，賣咗瞓街咩」。但你可以移民，當然亦可拎住幾千萬瞓街。

6. 然後，講「嗰個數字」，傳說中甩難上岸嘅數字。但我可以話你知，你問下人，會見到好矛盾。一方面好多人同你講，XXX咁少錢邊夠退休？但另一方面，往往講呢句嘢嘅人，係成世都唔會累積到呢個數。咁你見到個矛盾未？佢地係咪六十歲畀人的去深山？又好似唔係喎。

7. 而「嗰個數字」，之所以咁難搞，因為涉及太多不確定。下星期嘅事都有人問「喂埃汾我好唔好沽晒啲股票呀 聽講恒大又爆煲 美國又縮表喎」，何況幾十年後？會唔會股市衰足三十年？會唔會年年通脹30%？會唔會我下年死咗？真係答你唔到。

8. 但，我做嘅嘢，咪就係盡量在啲不確定嘅嘢，搵啲比較確定，做啲假設幫你計咯。最緊要啲假設唔好太過分，即係唔係「我唔貪心諗住一年冇風險有10%回報」之類

9. 然後熱身，我用返我本書（都話十分好睇！）嘅例子，阿煩的故事。主人翁5萬收入（難但唔係不可能），一個月開支3萬5，你當佢租樓啦，暫時冇儲蓄冇股票。

10. 咁佢要幾錢先可以「財務自由」？ 要幾耐先可以？其實係同一個問題。「財務自由」就係佢嘅投資回報夠冚佢開支，咁當你累積到「嗰舊錢」時咪就係「財務自由」，亦都可以計到要幾耐。要嘅假設？除咗佢收入，開支，身家（樓上講晒），就係投資回報率，同埋佢一年拎幾多錢出嚟。呢啲不難去搵啲回理嘅假設。

11. 我會教埋你點計，同埋睇埋咁多年嘅表現，去睇啲投資回報假設係咪realistic，而唔係假設你買到Tesla贏幾百倍。仲有講埋通脹又點計

12. 然後就由佢呢個 case，你已經睇到點樣可以易啲達到「財務自由」。答案就係，都係老生常談，冇捷徑。你以為係提升回報？表面係，但話咁易咩。你高回報嘅，十居其十都係有機會輸一大截，之後更難翻身。

13. 咁所以，都係開源節流。但同好多人想像唔同，FIRE 其實係話你知，節流有效過開源好多，果然難聽過粗口。點解？文入面講你知。

14. 咁仲有乜？都係我講嘅嘢，要早開始，不過你見，香港地，個個係想get rich quick，從來都唔係FIRE講嘅嘢，人地唔係教你短時間贏佢老味幾十倍然後唔使做。況且得罪講句，好多人嘅錢，贏幾十倍都唔夠唔使做，咁贏幾十倍嘅嘢，贏面有幾多？你輸嗰時又會輸幾多？即係買股票嗰啲係傻仔？你不如照下鏡？

15. 仲有，要買得大。你見人地FIRE嘅計法，一定預你啲錢扣除開支以外全部投資，你一年儲到十萬蚊但只拎兩三萬去投資，條數就會竹水而唔及儲錢少你一截但全部投資嘅人

16. 最後，我講我嘅情況，近乎全部保留公開。都話係幾個input，投資回報我用default嘅回報率，唔會覺得自己好巴閉年年15%（咁低畀你啲網友笑添呀，應該年年30%）。收入開支都公開晒。咁咪計到個數。當然開支都有比較好嘅情況同比較大鑊嘅情況（視乎我住香港定台灣，又視乎囡囡返唔返工），但，總係有個數字畀到你。我就畀咗我嘅數字你。

17. 當然最後，都係同你由頭go through 一次。真係冇捷徑，都係嗰幾味，開源節流（而節流有用過開源），瞓身投資，早開始。但入面計數嘅例子會畀你見到點解咁重要。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

【龔成問答信箱】（Q22041-Q22060）

Q22041：

Hello 龔sir 我係你股票班初班既舊生 最近睇緊12號恒基既年報 有d問題想問下

請問本年度盈利後面點解仲有一個本年度收益總額？唔係好睇得明 除稅及重新分類後之本年度其他全面收益淨額 即係點？

仲有佢既基礎盈利14899係點計出黎呢？我嘗試將公佈盈利10192 加 "投資物業及發展中投資物業之公允價值（減少） / 增加" 2413 都計唔到 14899

聯營同合營公司既盈利需要剔除嗎？

最後就係buffolio顯示既恒基 PE係用基礎盈利定公佈盈利計算呢？我需唔需要加減其他數字去計算正確既PE?

唔好意思 有好多問題

龔成老師︰

這頁"綜合損益及其他全面收益表"，係分析估值時，我都唔會特別去參考。因為佢主要係一些非營運性變動，無太大參考價值。

至於基礎盈利，主要係扣除左"物業公平值變動"，所造成之影響。

你可以參考翻2020年年報P.226，你用"本公司股東應佔盈利"，再加翻所以公平值數字(因為當年公平值，都是負數。若當年公平值係正數，你就要倒轉，扣除翻佢。)，就會計到14899個答案。

水牛網顯示，會係用用"本公司股東應佔盈利"作計算(即包含公平值之影響)。

------------------------------------------------

Q22042：

龔成老師你好！好想同你分享個好消息！我同丈夫成功買到第2層樓啦！難得睇中啱心水地區尺數既低水單位，所以決定賣哂所有股票同埋加按少少層樓俾首期

首先 我好想多謝老師你強調儲資產呢個概念，雖然我啲股票唔係大賺，不過起碼不經不覺已經儲到一筆可以靈活套現既資產，全靠呢筆錢 今次先有機會入市。

不過宜家手上已經冇哂股票 現金亦唔多，要供2層樓亦都令少左現金流去儲股票

再加上黎緊首要目標係可以儲到筆錢裝修新屋，想請問老師我應該如何分配長線同短線既投資方向？

現階段應該全部保留現金用黎裝修？還是繼續以月供方式儲貨？

謝謝老師建議

龔成老師︰

先恭喜你，又成為業主。

我地財富組合除左要有增長力和質素外，平衡性都好重要。你現時資產明顯係偏重於物業類，長線你應集中加回一些優質股，以免過於集中個別資產類別，而產生風險。

因此，你新資金建議優先投入股市，去令成個組合更平衡。

至於先裝修，定投資，你要從生活所需和財富增值，2者之間去取個平衡。

但我建議，點都要每月做番少少月供，唔好完全係零。因為你現時係零股票，而大市又只係合理水平，這個狀態唔理想。

另外，由於你要供2層樓，令每月可投資金額減少。你最好盡快將另一層樓放租，去提升自已可投資現金流，咁會較好。

當然，你現時現金太少，都要留一定的現金先。

------------------------------------------------

Q22043：

老師你好，我又有問題想問。看完"80後千萬富翁"後，有一個疑惑

假設我辭職後，以全職股票投資者創富，之後希望分散投資，買入一間物業，問題就來了：

1.沒有工作，全職股票投資者，可申請按揭嗎？

2.同時，過到壓力測試？

3.成立空殼公司，買入物業是否更好？

龔成老師︰

1) + 2)你可以利用「資產方式」申請按揭，而非一般有收入人士，所用的「壓力測試方式」。

或者你可以加入擔保人，都有機會可以提升你成功申請按揭機會。

但坦白講，無收入要做按揭，一般都會較難。

所以最好在你有穩定收入時，處理好物業這部分，之後先辭工。

3) 成立空殼公司買入物業，係可以節省不少稅項。但空殼公司本身，都有不少營運和買賣成本，例如要會計師每年核數、買賣時需要律師評估資產等。

加上公司買物業要支付「買家印花稅」15%，因此否則未必值得咁做。

------------------------------------------------

Q22044：

1:假設，本金10萬，每月再投入1萬。如果比自己目標係每年升15%,咁應該點計，因為以年計

1月資金可用12個月，但12月資金只用1個月。咁我應該用22萬乘15%,定應該點計好?

2：老師，想請問下，假設如果雙方同意，我冇任何牌照既情況下，可以幫人做投資嗎

3:老師想請問下，假設現在有1百萬資金，用了5年時間儲錢加投資得來，有買樓需求，可選擇用來買樓首期或繼續用股票滾下去，

但如果買左首期後就變左股票果邊滾落去既速度慢左，面對咁既情況應該點做好

4：老師，想問如果抽到居屋，又比左首期買左之後，可唔可以出租？

龔成老師︰

1) 唔好諗到太複雜，我地唔係要一個好精準架數字，因為投資中間會有好多變數，未必一切如你估算一樣。

但係你要知一個大概數字，係有意思，可以作參考架數字。

以你情況，可以簡單點，當你當年每月資金，係年尾一次過投入。咁樣計算，簡單之餘，出來結果都會相對保守。

第1年回報︰22萬 x (1 + 15%)
第2年回報︰(第一年回報 + 12萬) x (1 + 15%)....如此類推

2) 如果是《證券及期貨條例》規管範圍，基本上就要有牌照。如果你只係幫下屋企人手，當然另計。其實，當中好講有無「利益」在其中。

3) 如果你係有實際需要，去置業的話，你係可以動用這筆資金。其實物業都係一個資產，都算係一種投資。

但最好，係你置業之餘，都有一定資金，用投資優質股，令成個組合唔好偏左係物業個邊，咁就最理想。

4) 根據正常程序，係要補左地價，先至可以成間居屋放租。

而且，投資物業放租，在香港現時法例下，是不能以高成數按揭進行的，金管局定明，如果要投資物業收租，最高的按數不能高於5成，高於5成者，只能自住。

當然，這是政府的規定，但坊間的做法，往往是另一回事。但你要明白佢地的做法是犯法的，因此一定有風險，做與唔做，自行決定。

坊間不少投資者，就算高成數揭揭都會照放租，其實你照去地產經紀同你講你想這樣，佢地就明，會照同你做，當然，細節位不便在這裡講太多，有機會你上堂見到面，我分享坊間的做法。

記住，所有事情都會有風險的，這是一個值博率的問題，我只可以話，坊間不少人都會照做。

------------------------------------------------

Q22045：

龔sir，你好!多謝你一直耐心回覆讀者的提問。我都其中一個支持你的讀者，你的著作特別是年報勝經，寫得很好。我亦因此開始學習睇年報。

最近我投資左百度(9888)，現價大約210蚊左右。投資原因主要是看好雲業務同智能駕駛的前景。我相信這兩個範疇能配合中國未來的大方向。

配合本身網上廣告業務收益穩定，有利百度發展新增長點。

百度最大的擔心是競爭者多，在今日「全民製車」的時期，百度的賣點只是研發時間比同業長，比同業更早開始投入研究。講到這裡，就引伸出另一個憂慮，就是巨大的無人駕駛投資能否變現。

我明白股價反映公司價值，同時亦反映了市場的對於公司的期望值。但在這裡，我唔識判斷「市場期望值」這件事。

不知我的看法是否正確，百度目前的市盈率大約9倍左右，應該是屬於健康水平。 未知老師的看法如何? 現價應否再加注?謝謝!

龔成老師︰

多謝你的支持!

百度(9888)為全球最大的中文搜索引擎，是內地用家搜尋資訊主要對口，2019年百度用户規模突破10億，而百度App日活潑用户2億，信息流位居中國第一。

當你坐擁不少資訊和客戶群，就可以利用佢地去發展很多不同業務。

雲和無人駕駛，都會係有業務當中較有潛力部份。百度的無人駕駛技術，其實唔錯。雖然越早研發，唔代表一定可以越早市場化。

但百度在無人駕駛技術，無論研發和運作，都累積左一定經驗，有助提升佢成功市場化機率。若無人駕駛技術成功市場化，相信會成為集團盈利的新增長點。

由於無人駕駛市場未算成熟，就算有較多競爭者進場，都未必會造成較大影響。加上集團有一定技術，係競爭上相信會有優勢。

這些部份發展雖有潛力，但都存在很多不確定性，我地好難完全掌握將來發展狀況。因此，係估值時，對這些不確定性較高的分部，要保守少少。

百度現時收入，主要來自在線營銷服務。這部份，集團有一定優勢，預期長線發展正面。

百度在規模和質素上係有，但你預佢中短期會較波動，不宜持有太多。若你資金好充裕，要價加小注係可以，否則等較大回調才加注，會比較好。

------------------------------------------------

Q22046：

龔sir你好，我對於股票買賣只是初哥，之前都是有少少人云亦云既心態作買賣。而我丈夫曾經上過你既堂，從他口中得知你的FB page，最近經常睇你既page增加投資概念。想問下你嘅意見。

本人37歲，已婚未有仔女。月入$58K，丈夫月入$20K多少少，收入算穩定，已購入一層自住物業，仲有17年需要供樓。

之前一路只保守地作儲蓄，大約有流動資金$100萬，扣除供樓，生活費同雜費，每月可儲蓄$24K，想可以好好分配同計劃點樣做好投資理財，為將來有小朋友及退休生活作計劃。

之前買入一些收息股票為主。如下：

0005 匯豐 70.5x1200股+46.2x2000股
1398 工商銀行 6.41x 15000股
2800 盈富基金 28.72 x2000股

1. 睇了你的FB page 後想嚐試月供股票，考慮緊每月用一萬蚊月供0002，2318，6823。這些組合適合嗎？

2. 現在持有既股票組合適合繼續長期持有？定放售？

3. 如果買潛力股，你會建議買邊隻？

期待老師的回覆，非常謝謝！

龔成老師︰

1) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你37歲，應以增值為主。平安(2318)係可以，但其餘2隻只係收息股，增長力較弱，唔係太適合。我建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄，即$12000做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）、三星FANG ETF（2814）。

由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

現時大市只是合理區，你現有100萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

但我建議，在你實行以上計劃前，先儲起半年開支(若你預將會有小朋友，都要預留埋這部份開支)，作為應急之用，咁會較穏當。

2) 你持股雖然都有質素，但匯控(0005)和工行(1398)都係收息股，你年紀不宜持有太多。建議沽出部份，慢慢換至上述股票，會較好。

3) 我上述潛力股，都適合你，但你投資經驗較淺，要控制個比重，唔好佔多過組合3成。

另外，大部份潛力股現價都略貴。現時只有安碩恒生科技(3067)、ＧＸ中國電車基金（2845）、比亞迪(1211)、阿里（9988）、中生製藥（1177）、福壽園(1448)勉強算在合理區頂部，可分注入貨，其餘想買就要等一等。

------------------------------------------------

Q22047：

龔成老師，你好，最近睇左幾本理財書，當中都有一個對沖概念，但睇返sir的書，或fb的對答，好似都好少呢方面既資訊，是否同你理念唔一樣？

另外我本人都買左d科技股，例如阿里巴巴和小米，都諗住有排都唔放，但又唔想繼續供落去，想供d其他行業的（你話同一產業不是多過30%)，

睇左眼科藥物公司兆科眼科，或者是德視佳，一個造藥一個行醫，你會點睇？

龔成老師︰

我主要係建議透過創建一個合適、平衡、有質素的財富組合，去做到在合理風險下，爭取最大回報。

跟一般對沖，去平衡風險有所不同。而且對沖唔易玩，唔適合一般投資者去操作。

兆科眼科（6622）係一間眼科製藥公司，致力於療法的研究、開發及商業化。通過自主開發或許可引進已建立起包含25種候選藥物的全面眼科藥物管線，涵蓋影響眼前節及眼後節的多數主要眼科適應症。

集團初步將策略重心放在中國五大眼科適應症上，包括乾眼症(DED)、濕性老年黃斑部病變(wAMD)、糖尿病黃斑水腫 (DME)、近視及青光眼。

佢已建立起由13種創新藥及12種仿製藥（按國家藥監局的《藥品註冊管理辦法》分類）組成的眼科藥物管線。創新藥管線包括8種候選藥物，若獲批准則有潛力成為中國市場領先產品。

仿製藥管線包括6種潛在中國首仿藥。集團擁有8項已頒發的中國專利及一項已頒發的歐盟專利，並提交6份中國專利申請。

佢已於廣州市南沙新區建造的生產設施，根據中國、美國 及歐盟cGMP標準設計及興建以用於生產眼科藥物，其生產能力完備並可用於商業化規模生產。

由於未有盈利，風險度會較高，加上企業規模不大，因此投資值博率未算高。

當然，由於規模不算好大，若果企業之後成功，可以好勁，但失敗對股價都有很大影響，因此是有潛力，有風險類。

只可以話，這類股，唔建議大注，當小注投資下好了，同時要明白當中的風險。但用作月供，就不建議了。

德視佳（1846）主要於德國、丹麥及中國以「德視佳」品牌提供視力矯正服務。

佢的服務可大致分為屈光性激光手術（包括全飛秒激光手術及飛秒激光聯合準分子激光角膜原位磨鑲術）、後房型人工晶體（ＩＣＬ）植入術；晶體置換手術（包括單焦點及三焦點晶體置換手術）及其他（包括用作矯正眼晴屈光不正的ＰＲＫ／ＬＡＳＥＫ及角膜基質環段ＩＣＲＳ植入手術）。

見佢的財務數據都不差，生意與盈利都有穩定增長，現價算是合理，但不是高增長類，同時由於規模未算好大，可小注直接買入，但不宜月供。

另外，我地月供係一個長線計劃，最少供3年，並持有5年，才會有較佳效果。因為月供可以拉平均個買入價，減少買貴貨風險。

若你經常供一陣就轉，會影響到平均價格效果，令最終回報不確定性增加。

------------------------------------------------

Q22048：

我想請教一下，你覺得應該怎樣教育兒童理財？因為看過你的文章/書本，你都提及學校缺乏理財教育！謝謝！

（期待可以在澳門上課的澳門讀者）

我兒子8歲，有時會問我供樓借貸，公司借錢，點解麥當勞可以咁成功等等，我自己本身不是商科，所以都係google咁簡單講俾佢知

龔成老師︰

我建議你同佢玩「大富翁」、「現金流」這些遊戲。

如果佢8歲已經有這些問題，我相信佢對這方面好有興趣，好有潛質，日後可以好有成就，你可以找一些成功的名人、商人傳記之類的兒童書比佢睇。

書本和遊戲，都係教授小朋友理財的理想方法。好似大富翁遊戲，小朋友可以從享受遊戲同時，也會學到不少經濟理論和操作模式。

另外，書本可以令佢從前人身上，學到一些經驗。當然，佢年紀比較細，較難理解我們成年人睇架書籍。

最好先選擇佢年紀水平，和他有興趣的書籍入手。之後才慢慢加入一些，未必是他有興趣，但又對他理財知識有幫助的書籍。

家長在遊戲和閱讀時，要多加讚賞，對佢學習會有激勵作用。

如果你本身無太多理財知識，就係教授小朋友同時，自已都要增進一下，甚至一齊學習。可以作親子活動之餘，都可以提升雙方學習的樂趣。

------------------------------------------------

Q22049：

老師：我在重整現時持有的股票組合，由於未到8月上課時候，唯有再麻煩老師，唔好意思。想請教以下幾隻股票是否優質和他們的合理價範圍。謝謝！

405
939
2822

此外，以上三隻股票是否都屬於平穩增長股呢？謝謝！

龔成老師︰

這3隻股票，都係優質，同時現價都在合理區，可以分注入貨。

越秀房產（0405）和建行(0939)係收息股，增長力較弱，主要係收下息。以你年紀，收息不用佔太多，大約2成左右好了。

南方A50（2822）算係平穩增長股至潛力股之間，有一定波動性。此股適合你年紀，可以考慮。

------------------------------------------------

Q22050：

老師你好！我居住在澳門，今年45歲，自住房屋市值約900萬還欠貸款400萬，每月供17000。

另有一間市值約600萬已供滿收租約9000（澳門租金較低）

因疫情上年失業，現新工作每月薪金只有18000再加上9000租金，每月收入共27000，每月供樓保險加上生活開支剛好月月清，另有60萬積蓄想投資股票市場。

現時手頭沒有揸股票，想問應唔應該賣咗收租樓，還清400萬貸款，剩餘200萬用來買平穩收息股？還是只用60萬積極蓄投放股市？

另外想買老師你的書，我是股票初學者，適合先看那一本？

龔成老師︰

其實物業都係一種資產，除非你收租物業升值潛力真係好弱，或者質素好差，否則持有用作收租，咁會較好。

至於增值，你可以先用這60萬去做。由於你已經有2個物業，故你新資金應先集中係優質股類，以免出現過度集中風險。

以你45歲，可以選擇一些「平穩增值股」+「潛力股」作投資目標。

由於你現時無太多投資經驗，潛力股這類風險較高的股票，你就不要持有過多，最多維持1-2成好了，甚至先集中係平穏增長股類。

到你有一定投資經驗﹐潛力股比重可以相應調高，佔組合約3-4成，到時要視乎你投資經驗多寡，和了解這些股票程度而定。

大市現處於合理水平，那60萬資金，你可以先用20-30萬，以"分注"形式慢慢入貨。餘下資金，就等大跌市機會出現，才大力度掃貨，並長線投資。

你可以先睇我架《80後百萬富翁》、《財務自由行》和《股票勝經》，都適合初學者。

------------------------------------------------

Q22051：

龔成老師你好，剛開始月供股票3個月，其中一隻月供2382 平均價179，佢今個月升左好多

我係想長線持有，但遇著咁大升幅，平均價就會拉高 變貴左。心態上係繼續月供 還是停供一個月先？

龔成老師︰

舜宇光學（2382）係有質素和潛力的潛力股，若你係年青至中年人士，月供這隻股票係可以。

現時此股已經偏貴，但由於未到好貴，我地係唔需要停左個月供。短期成本價，係會有被拉高情況，但係月供係一個長線計劃，長遠個價都會拉平衡。

除非佢再升到一個好貴水平，我地可能要減少股款，甚至停供。但大前題係，你有無定平貴的能力。若果無，我建議你不理價值升跌，一直去供。

因為你自行調整供款，如果時機不對，反而大大影響左你平均價格的效果。所以，若你投資經驗較一般，我建議你選好優質股後，唔好理個價，一直供，反而對你最有利。

------------------------------------------------

Q22052：

龔老師你好，我今年31歲，月入二萬五，月存二萬，手持8份儲蓄保險，有啲五年期，有啲十年期，有啲三十年期（大約150萬左右），

有七十萬流動資金，另外有三十萬買咗股票，但坐緊艇包括:

9988（200)$280買入
175 (2000)$31.5買入
1810 （1200）$29.5買入
0066（2000）$38.9買入
1801 （1000）$90.6買入

龔老師我二年後想買樓，想用呢70萬用二年時間滾到100萬，請問有咩建議。麻煩指點迷津

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

你持有股票，都係有質素，長線持有係無問題。但信達生物（1801）仍處於燒銀紙的狀態，不確定性好大，暫時唔建議加注。

我地投資股票，其實等同投資一間企業。希望透過其自然增長，以達至財富增值的目的。所以，我地投資一定要較長時間。而2年只算係一個短時期，股價好易出現波動，增加回報的不確定性。

因此，你這70萬不宜作太高風險投資。我建議用盈富(2800)，再加收息股作為組合。

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

大市現處於合理水平，那70萬資金，你可以先用一半，以"分注"形式慢慢入貨。餘下一半就等大跌市機會出現，才大力度掃貨，並長線投資。

但這個組合增長力，未必足以2年內由70萬滾到100萬。但佢勝在穏定性較高，在只能投資2年的情況下，這個配置會較為穏當。

另外，"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

你現時持有儲蓄保險，實在係太多。如果佢了一定時間的，你可以保留。但你還很年青，我建議你長線計，應該取消部份，將資金轉至優質股去做增值，會較好。

------------------------------------------------

Q22053：

龔sir，你好！有幾個投資問題想問。

1. 投資黎講，係咪唔應該買保險，或者唔應該買有儲蓄成份保險？

2. 按回報計算，應該買50年樓齡二手樓，還是一手樓？

3. 未來咩房型或者尺數更適合投資？

龔成老師︰

1) 答案係不一定。

我地理財，要做到「攻守兼備」，保險、備用現金等是防守，但防守部分不用太多，餘下資金就應進攻。保險最大的作用是「保險部分」，反而投資作用一般不大，即是買保險，最大作用是醫療、人壽、財產等的風險轉移，將你不想承受的醫療費用等不可預測支出，轉嫁比保險公司。

儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

2) 一手樓，好多時都會有一定溢價，變相令你買貴貨，影響長線回報，所以我一直都唔係好建議買一手樓。

至於50年樓齡二手樓，由於已有一定樓齡，除了本身保養成本會較高外。向銀行貨款也較困難，因此投資價值都較一般。

2個選擇，其實都唔係咁理想。除非50年樓係好平，租金回報率又高，而且係一些大型屋苑，才值得考慮。

3) 房型其實無特定，尺寸最好至少有300呎，可以附合到一個家庭的最低限度需要，投資價值會較好。

其實我地投資一間物業，最重要都是睇翻該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。

另外，你再要審視其升值潛力，未來地區上、交通上、生活等等的配套發展，才去下一個結論，咁會較好。

------------------------------------------------

Q22054：

你好 龔sir，Follow左你嘅post都有一段時間 我亦都睇左你嘅著作「財務自由行」「80後2百萬富翁」「股票聖經」「50隻潛力股」最近4月中更參加左你加「投資陪升股課程」剛剛都畢左業

其實我一直都想理財 覺得你講嘅理論好實用及貼地，好有循序漸進嘅思維。

老師你所教嘅方法都係由你經驗所堆積出黎嘅結論 炒股散戶10個有9個都輸 你教嘅長期持有優質股其實先係最快嘅捷徑！

我雖然開始理財或接觸真正理財只有半年多啲 但思維上我確實改變左 而我起碼已每日記帳已維持左大半年 而每月月尾也會檢討 (先發現原來自己成日駛好多無謂錢 !) 多謝阿SIR!

老師 就我個人情況 我有幾大重點想請教 先講我背境

今年34歲 未婚沒有仔女 每年有年終雙糧及花紅 年薪為一百萬多啲

換左樓 樓價700萬多啲 做按揭9成 月供約24k 每月可儲到16k 左右 當中10K放左係月供股票

1. 現金約有450k 放左係買樓是「高息戶口 」約 1.4% PA – 都係聽阿SIR教導 留番D現金當做BACKUP 及緊急用錢 – 見戶口又有少少息 所以暫時放係度

2. 股票約有 450k 全部都係2-3月入
788 - 10000股
823 - 400股
1177 - 4000股
1448 - 2000股
1833 - 400股
1928 – 2800股
1972 - 5600股
3067 - 6000股
3918 – 2000股

3. 月供股票 每月10k – 由本年3月先開始供
00175 – 2k
00700 – 2k
01211 – 2k
02800 – 2k
09988 – 2k

4. 沒有其他兼職及副業

問題：

1. 目標 40歲前有1000萬 以上咁樣執完條數好似都未有咩FEEL 想請教阿SIR有咩建議可達到我目標?

2. 計過月複利息回報 上堂提到10-15% 已叫做好理想 但依個都係參考% 點可以令自己既增長穩定D？見住自己D投資上上落落 我連唔蝕都無信心 應該點好

3. 調整緊股票係6:4 水桶1 vs 水桶2 - 一直都賣咁D 1972 而放入D水桶1度 但見住D水桶1好似都無咩升 無咩信心做到阿SIR講既每年10-15%增長 想請問應該點調整好?

4. 因為我工作時間都叫自由 亦都放星期六, 日 但我問題係真係無咩特別興趣及嗜好 點樣先可以令自己多D興趣 從已令自己多個機會有個副業或兼職 我依家只有打工一份收入 好似好危險咁

5. 自己打算2022年結婚 係緊急用錢度預算300k黎用做結婚 都打算結完就生小朋友 如結左婚及生小朋友 應該點調整以上所有策略?

6. 年年交稅都10幾20萬 好肉赤 有咩方式可以減少 或更好處理方法

最後想問阿sir你係咪真係有開到糖水鋪？哈哈 我要去幫襯一下 ! 謝謝

龔成老師：

我不會公開你的名，不過問題會放上網，等更多人能學習。

1）你現時的理財不差，配置平衡，同時配合你的年齡情況。但如果要去到$1000萬，就要再加努力，因為你現時每月儲到$16000，一年約20萬，就算計及投資回報，以及你現時持有的資產去增值，要滾存到$1000萬都不易。

除非你之後用一些較進取的方法，例如集中投資潛力股，以及自己發掘潛力股，早市場一步找到，投資並得到數倍計的回報，就有機，但這要你付出較多，你要每星期花大量時間去尋找潛力股。

2）我地最重要睇長期回報，目標一年有10%-15%，但不用每年睇，而是睇長期的平均，你已經方向正確，保持進行就得。

只要你多做功課，全面了解企業，以及其增長力，就會好有信心。

3）你要睇長期，你的思維仍停在短期股價。其實你要睇「企業成長及價值」先得。

4）你要多了解自己。如果唔知自己想發展D乜，就「試」，有時試試下，你就會更了解，例如試下做小生意，找一些你平時不會想過做的兼職，唔好浪費左你的時間。

如果無野做，就花多D時間去研究企業，睇年報。

5）最重要是你預留$30萬以上的現金，餘下先投資，由於2022年與現時已接近，因此這$30萬不宜投資。

只要預算要結婚的資金，準備好。餘下資金就算進取少少，都無問題。

6）如果有需要，就開公司，當然你最好問翻會計師佢地的意見，現時公司頭$200萬的盈利，交約8%稅，比高薪打工仔交的稅仲少，你可以上網了解下。

------------------------------------------------

Q22055：

龔成老師你好，我想问下7522只股，当时听朋友介绍买下7522，平均价为3.75买入8万股，这股现在一直向下，我应该怎樣处理，是否应该溝貨，还是走货？请賜教。

这只股會否會跌倒变费纸的

我不憧买股，这段时间看了你的视频，知我买的股亂七八糟，有909、9888 全部虧損。我有一百万來投资，现在用了一半，我应怎樣重新组合，麻煩晒。

龔成老師︰

你先要緊記一個好重要的概念，我地買入一隻股票，一定要知道佢質素、行業前景、財務狀況等，才去投資。

唔好聽朋友講、或者聽消息，就去買貨。如果你連隻股票背後買什麼、公司如何賺錢、行內有什麼優勢、點解未來有發展和增長潛力，都答唔倒自已，咁就要停一停，唔好投資住。

ＦＩ二華夏納一百(7522)投資目標是提供在扣除費用及支出之前，盡量貼近納斯達克100指數每日兩倍反向表現（-2x）的每日投資業績。

如果納斯達克100指數跌1%，你就會獲利2%(另扣管理費)。但若然納斯達克100指數向上，你就會虧損。

我對這類產品有保留，納斯達克100指數在過去一直反覆向上，所以長遠計持有這股對你"不利"，一定多於"有利"。

建議你長遠就算不全數沽出，也最好沽出大部份，換碼至其他優質股較好。

其實，我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，你在選擇應該投資那一類股票時，會係因應你人生階段、投資經驗和風險承受能力，去做決定。

假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。

但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。

明源雲(0909)和百度(9888)都係偏向潛力股類型，都係有長線投資價值。若你係年青至中年人士，只要唔係持有過多，可以守。但若佔你佔合較多，最好沽出部份，去平衡一下風險。

若你對投資知識不多，我建議你先用月供去儲貨。現在你每月先用5成儲蓄做月供。其餘先儲起，用一邊月供一邊儲蓄的策略。

大市現處於合理水平，餘下50萬和每月儲蓄，就等大跌市機會出現，才大力度掃貨，並長線投資。

若你現時組合，只係得1,2隻股票，我建議你都將部份股票，換碼至上述優質股，令組合風險可以更分散，整個組合也會較健康。

------------------------------------------------

Q22056：

老師，我近期抽到白居二，想購入沙田愉翠苑，為小孩的校網作準備。

問題1. 三房盤唔多，呢期成交量又高，價錢有的癲，三月至今升了12.3% 有的單位價亦企得好硬，心怕而家唔安排，睇定啲遲下連盤都冇！借問一聲，你有何看法？

問題2. 看新聞明年會加息，我究竟用H息口好，定用P息口好呢？

人生第一次 去選擇買樓 這麼重大的決定，真想跟老師分享

有睇中到盤, 但價錢不到位,預700-720萬, 睇中單位為740萬，在想要不要去馬, 怕錯過左, 之後就冇合心意的盤...

老師...求你指引我...

龔成老師︰

1) 本身三房這類大單位，供應係較少，故價格較敏感都係正常。雖然佢近期升左唔少，但由於白居二始終跟市價，有一定拆讓，故有一定吸引力。

加上這個是你自住房，考慮重要主要係是否配合「你長線生活需要」和能否做到「供得起」。如果係無問題，你都可以考慮入市。

2) 明年是否加息，暫時都係一個問號。以現時狀況計，H息會較好。但政府規定，居屋只能用P按，故你其實無得選擇。

------------------------------------------------

Q22057：

老師你好！我係你股票學生，完最後一課，感受到老師的愛心同努力，一星期兩晚3-4小時站立不停講課，課程內容非常豐富，非常感激, 辛苦你了。

另外，想請問之前不懂股票，自己又想穩健及有利息，買了：

恒生銀行 。3500
匯豐銀行。4400。
領展。$2000。（月供）
盈富基金。$3000 （月供）
小米。200
瞬宇光學。300

其實之前買匯豐恒生作收息，其他是認識你後才購入。我知道要減持銀行股，請指教應該怎樣保留。謝謝

龔成老師：

你現時較大的問題，是銀行股較多，你不要再增持這類，你應該溫翻第2堂的筆記，慢慢調整翻一個適合你年齡及風險承受程度的組合。

我會建議你過1年後，經濟好翻D，匯豐（0005）上翻D，減持部分，餘下就慢慢減，直至去到適合你配合配置的比例。

至於恆生（0011），質素比匯豐好，因此留低的比例不較匯豐多。

至於其他選股，其實無問題的，都是一些有質素的股票，你持有無問題。至於月供部分，你可以長期進行。

------------------------------------------------

Q22058：

老師 我抽中白居二 但而家二手樓市都好貴

但唔利用今次機會又怕再抽唔到
你覺得其實買公屋（eg 華貴邨）有你升值潛力？

樓齡29年 - 但好似有地鐵2026年華富有地鐵。

另外一係買私樓 要承擔有機會租唔出時 要俾供費 ，心目中係天水圍wetland seasons bay.

主要都想升值 搵到錢 可以財務自由！

你點睇呢兩個選擇，我知都幾大分別.....

龔成老師：

從自住的角度，你好好運用白居二會較好，公屋在投資角度的價值不及私樓，但從自住角度，其實可以考慮，因為你能以較少的現金流支出，解決了自住方面的問題，你就可以有較大的餘下現金流，去進行其他方面的投資。

華貴邨在地點不差的，港島區始終近中環，但地鐵相信有排先起好。因為佢要拆左華富邨，安頓好原本的居民，之後先用地鐵一整發展，相信要10年時間先落成。

華貴邨在公屋裡，算是有質素的，但不是大升類，只是平穩增長。如果你從自住的角度考慮，不是不可。

------------------------------------------------

Q22059：

龔 Sir，現時持有：

1000 股 9988 @$213
4000 股 1928 @$36.9
120,000 股 728 @$2.58
2000 股 941 @$48.7
30,000 股 3033 @$7.9

請問對此組合有何意見?建議加入金股，車股到組合?

現時買 7299 定2840 會較好?

龔成老師：

你現時持有的股票，基本上都是有質素的，其實問題不大，你持有就得，部分股雖然略有回落，但長線有得守的。

但你長遠，最好建立一個更平衡的組合，同一股票，最好佔組合比例15%以下。

你可以加入ＳＰＤＲ金ＥＴＦ（2840），這是一隻追蹤黃金價格的交易所買賣基金，當金價上升，佢都會上升，當金價跌，佢都會跌。

睇翻佢過往的價格表現，基本上都追蹤到黃金的價值，因此都可以成為投資黃金的工具。

只要佔組合比例不過多就得。

------------------------------------------------

Q22060：

想問，其實如果我長揸6666，唔會會可以上番去呢？

好驚佢會爆煲啊，到時渣都冇

龔成老師︰

若母公司出事，的確有機會出現，母公司要沽出恒大物業(6666)股權套現還債的情況。如果真係出現，的確會令股價受壓。

但你要記住，我地投資係睇長線，和企業本質。恒大物業(6666)負債情況，無母企咁差，加上物管行業，預期未來會發展得唔錯，因此有投資價值。

不過，集團大部份物業，都係來自母公司。故母公司出問題，令發展減慢，有機會會影響到集團發展。

當然，這些都是未知之數。以現時狀況計，恒大物業(6666)都有投資價值。如果你真係較擔心佢前景，你可以沽出部份，去平衡風險。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

［今日寫呢啲］美股嘅，冇乜特別。之前ADP就業數據差，但官方數據勁。信邊個？市場已經話你知。債息即升，舊經濟股升，科技股跌。但之後又點？就Patreon入面講

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

港股嘅，而家個個草木皆兵，稍為見到有咩消息就驚成個行業消失。但，係咪就全部人沽晒佢冇人敢買？你可以睇下昨日咩騰訊700阿里巴巴9988之類仲有得升

DropBox創新高，就不用講啦，出業績嘛，但重點都唔係業績。呢隻都唔少讀者買咗。今年升50%咁滯，我舊年12月寫的，滿意未？

萬眾期待嘅維他奶盈警，咁刺激就留返Patreon入面講。但，幾樣嘢你可以留意下。首先，公司幾多月結？嗰壇嘢幾時嘅事？咁快出盈警？另外，公司之前嘅大陸生意都麻麻地，係咪順手？仲有，舊年上半年就賺7億，今年話應該冇錢賺，當然大倒退。但，舊年下半年呢？唔好忘記之前仲要有保就業喎。個「盈警」，真係壞消息？入面同你細講，仲有埋之前業績個Excel

每日一圖，兩個。第一個，仲有5萬億美金嘅錢未入市。咩錢？點嚟？係咪真係會入市？冇人知，但似乎機會都大，唔通買債券？定係做定期？冇錯，低息就係焗你買股票。又，文入面話埋你知，嗰5萬億邊度嚟的

第二個，信報嘛，不過都係引外國媒體啫。假想實驗一個，A君B君，買一樣嘅嘢，一年7%回報（算貼近現實）。A君頭十年每年買十萬，之後三十年乜都唔做。B君頭十年乜都唔做，之後三十年每年買十萬。四十年後？邊個多錢啲？答案係A君。但明明A股只係拎咗一百萬出嚟，B君拎咗三百萬，當然同個回報7%有關，但，聽聞好多人話，「我唔貪心，一年執兩三成就夠」，咁A君只會拉開更遠。

呢度嘅啟示，當然係複利的威力，同埋投資趁早。問題係，後生仔邊有錢！咁呢個case有乜得著？就文入面講

Good Read，兩篇都比較嚴肅。第一篇易睇啲，作者之前係大行分析員（我都sort of 係），同你解釋下呢個行業奇怪嘅生態。你有冇諗過，啲大行報告，係畀乜人睇？當然係畀客。咁好多人知啲客係基金。但，報告收幾錢？答案係：一個仙都唔收（所以，亦唔多介意啲街外人睇到）。咁點賺錢？當然係bundle落其他嘢。但點解會咁？文入面講

彩蛋係話你知，至少在美國，計及通脹，分析員嘅人工，2000年已經見咗頂。你仲可以去睇下分析員其實搵幾錢（美國呀下）

文章二，極長，哲學嘢。作者話大家理解金錢同埋Bitcoin，都係完全錯晒。點解咁講？因為我地成日係用adjective，唔係noun（？！？！？！）．佢仲有舉例。例如枱面有罐可樂，有個盲人朋友，你點解話佢知枱上面有乜？你咪話佢知有罐可樂！但如果佢唔知咩係可樂呢？咁你會用名詞解佢知，「汽水咯」，唔知咩係「汽水」？「有氣嘅水」（我作的）。但，如果你用形容詞，就難搞了。黑色嘅，液體，賣10蚊罐，都唔會知你講乜。由呢度開始講，作者就話我地理解貨幣嘅思路完全錯喎，只係不停講貨幣可以點，可以點，完全失晒焦，之類。好得閒嘅哲學家可以去睇

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

諗sir友人在社交媒體，被旅遊儲蓄計劃吸引。計劃賣點是「周圍飛，想飛就飛！」，每日儲HK$33，第二年開始派HK$13,000。友人希望諗sir用專業角度分析，計劃是否值得投資。
日儲HK$33旅遊儲蓄計劃 真係咁正？
旅遊儲蓄計劃月供HK$1,000，去東南亞旅行，保証獲派HK$13,000；去歐美旅行，月供HK$3,000，保証獲派HK$39,000作招徠。

諗sir指，旅遊儲蓄計劃的計劃書內容與銷售彩頁提及的月供HK$1,000，並不吻合。計劃書列出月供US$2,293，需供款15年。不過問題不大，因為月供金額比例，可以調整。

諗sir指銷售彩頁會有機會出現排版錯覺，月供HK$1,000，不一定與保証獲派HK$130,000掛勾

計劃質疑一：計劃書可見，月供HK$1,000，保証獲派金額不會達HK$130,000，應該只會派獲派HK$6,000至HK$7,000。

計劃質疑二：計劃書列明，第二年只保證派發US$615。如不提取US$615，到第15年保証有US$8,610、紅利US$7,605，及保証現金價值US$19,016，最盡只可獲US$35,230(US$19,016+8,610+7,605)。

諗sir建議，直接索取實體計劃書以供參考，因為只聽保險銷售人員描述，或自行閱讀計劃銷售彩頁，不及直接閱讀實體計劃書來得實際。
應如何運用3萬多美元？
建議一：美國十年期國債或美元定期存款
諗sir建議選擇低風險投資，選擇美國國債或美元定期存款。

現時美元定期存款，存款半年已有3.5厘的年回報。如果把US$34,394放在3.5厘定期存款，年利息有US$1,203。

美國十年期國債孳息率是2.8%，是無風險投資。相比上述的旅遊儲蓄計劃，派息更多。

建議二：每年存款US$293

每年存US$293，維持15年。約在第7年會獲派一筆過US$17,197。再用US$17,197作3.5厘定期存款，年利息有US$601。
建議三：美國三十年期國債、債券或iBond
買美國三十年期國債，或選擇匯豐銀行或工商銀利債券，每年回報有5-6厘息。
iBond保證派1厘息，一般會按香港通漲比率(CPI)派息，CPI約派3-4厘息。

▼▼查看更多▼▼
【理財真人Show】► https://goo.gl/cpcAmb
諗sir樓換樓► https://goo.gl/wdyI3E
星級理財 ►https://goo.gl/CgCLte
新盤速遞 ►https://goo.gl/JRL1j0
《經濟一週》FACEBOOK專頁 ►http://facebook.com/edigest/

過去幾年市場一直炒美國加息預期，2015年及2016年12月都分別加過一次息，但基於時間相隔太久，仍未有個真正加息周期出現。去到明天3月15日再次有機會加息，中間有甚麼影響，有甚麼要留意，今天會跟大家一一分析。



在分析前先重提一下上星期提到的股票IGG(799.HK)，近期有很多粉絲同學提問，技術上在上星期提到後不斷向上，累計升幅已有8至9%，整體大趨勢已作出一個突破，但仍可以做出部署。暫時雖然出現射擊之星，策略上可以留意$7.03，未跌穿的話整個短線走勢到不至於太淡，如明天出現今早跌穿，我想大家都會知道應該怎樣做。有可能是止賺離場或其他部署。若覺得長線是仍然可以繼續持有的話留意6.47這個支持，跌穿$6.47有可能整個升浪都會完結，粉絲朋友只有一注朋友的話便要小心，因為若跌穿這個位置整個帳面獲利便會蒸發，相反明天再次出現陽燭向上下一關目標$8.3。



回到正題，今天會跟大家分析美國加息。首先跟大家分析一下利率期貨現時市場預期美國明天加息機率是100 ，證明市場非常樂觀明天絕對會加息，而聯儲局反而過其行的機率是較少。早前聯儲局主席耶倫出來演說是亦透露今次加息機率非常高， 加上早前經濟數據全部指向允許加息，同一時間96%會認為加0.25%。



超低息借貸成本完結

若明天真的加息的話跟上次加息時間只有三個月，證明很大機會再次進入加息週期。過去一個超低息的借貸成本有機會完結，雷曼之後很多公司因通過低息貸款，亦令殭屍企業出現，當然亦有部份公司成功把握這次機會翻身，例如Amazon等其他高借貸公司，Amazon 本身都是高，只是可以透過借貸營造出高增長。除了公司之外其實個人的需要留意，我們做了一個按揭計算，樓宇借貸方面現時按揭利率約只有兩厘， 例如480萬的樓宇月供30年每月還款需要14,000多，若來加息加至5厘，每月還款可以去到21000 雖然眼看只是增加3厘利息但你的供款負擔而增加五成。



存款利率逐步上升

因為港元跟美元掛鉤關係，很多時候訂下的貨幣政策香港亦會跟隨美國， 因為現時存款利率已近乎零，其他人都不太願意將資金放在銀行中。存款利率上升代表吸引市民將資金放到銀行中， 而對投資要求方面要求亦要越來越高。



美國三十年債券

美國利率三十年來都下跌，令國債都有下行壓力。美國利率向上，30年債券

在加息週期很大機會會觸發升浪。



貨幣戰出戰

當一個國家貨幣本身已在加息，其實已對該國的貨幣需求增加。更何況買的是美金貨幣在防守力上已相當不錯。若美國真的進入加息週期，美金上升機率並會較大，但同樣對美國自身經濟有不利因素，例如進口方面，而狂人特朗普一直在實行保護政策，有機會繼續指責中國或歐洲是貨幣操縱國， 最後亦會形城貨幣戰



聯邦儲備利率

過去30年，聯儲局總共有三次加息週期， 分別在1994至1995.﹑1999至2000年﹑2004至2006年，到底之後利率會否爆升？耶倫之前做了很多鴿派的事情，然而一直都在拖沓，假如長期不加息的話通脹便會瘋狂向上。很多時候我們說通脹是有利一個國家，詰個臬說是不一定， 比如說一些非洲國家，通常過急的話，經濟都會爆破，所以才需要加息。



我們根據過30年三次加息週期當中都是升市，現時部就是一步步將止賺位推高，以捕捉這個加息週期的升浪。

近來經濟上出了不同的詞匯， 例如去產能、一帶一路、 日本迷失， PPP，僵屍企業 這些是什麼來的呢？其實很簡單，只要你聽幾分鐘便會明白。

五分鐘明白甚麼是「日本迷失」：日本迷失20年，僵屍企業，有錢沒地方用
首先整個故事的是由日本開始的， 日本迷失已經有三十年之多，其實源自80年代的時候， 日本出口非常強勁， 於是西方國家要求簽訂廣場協議，目的是干預外匯市場，想日元走強。廣場協議裏面有西德，法國，美國，日本。由於日本是戰後敗國，基本上都會同意被迫日元升值，當時日本股市和樓市皆升，但繼而日本房地產泡沫爆破，加上因日元升值，失去出口競爭力，直到如今，日本的經濟增長仍然停滯不前。到了2005年，日本銀行業有好轉的情況，而且還有加息，但是2008年美國次按危機，令日本的金融又再受到打擊。

中國類似日本的僵屍企業
僵屍企業亦都在那個時候迅速形成。僵屍企業是指一些負債企業，雖然可以產生現金流，但是扣除成本之後，最多只能支付貸款利息，而無力償還貸款本金。換言之，這樣的僵屍企業本來應該死亡，只依賴銀行貸款勉強維持生存，並且無法恢復活力。不斷加大的債務，引發日本債務危機，重創日本經濟。日本在資產價格泡沫破滅之後，經濟陷入了衰退狀態。當時僵屍企業集中零售業、酒店等行業。其實英國都曾經出現僵屍企業的情況，只是日本的時間最長。至於中國的僵屍企業主要是大約2008至2009年形成， 當時內地推動四萬億政策，加快鐵路、公路等重大基礎設施建設，很多資源都湧入基建項目，形成產能過剩。現時僵屍企業最重點的是煤炭和鋼鐵行業，需求不斷下降也是使去產能更加嚴峻。

-甚麼是PPP？（中國怎以「PPP打僵屍」）
因應以上情況，政府推出了很多對應政策，一帶一路、去庫存、亞投行，就是想像中國過量的產能去除至印度、中東國家。近期政府聚焦PPP（公私合營），今年在上半年開始，政策集中在清理煤炭和鋼鐵行業中的僵屍企業。PPP是指政府公共部門與私營部門合作。在坊間都可以見到有很多政策的書籍， 就是為了內地政策出台而發行的。不過我們亦都可以在八月的數據可以看到經濟數據出現反彈，例如克強指數。我們在2015年都曾提及煤炭鋼材已開始轉好，PPP 始終都是治標難治本的做法，如果繼續不斷過量供應，僵屍企業的情況都不會有很大改善，最重要還是看去庫存、「一帶一路」的成效，每次政策出台都可作為我們短線炒作相關行業的指標，大家可以留意有關的投資方向。

════════════════════

?財務自由不是夢！把握機會免費體驗?

施傅【10年財務自由】1小時簡介+工作坊
立即試看：https://www.gregorysy.com/

════════════════════

❓有效 極速 儲存千萬❓

【零至千萬加速器】1小時簡介+工作坊
免費試看：https://edu.money-tab.com/pages/accelerator

════════════════════

茶敘50 《ALL or NOTHING》
立即購票：https://edu.money-tab.com/pages/teatalk-50-online

所有課程/活動一覽: https://money-tab.info/activity

施傅新書「量化交易」手冊
網上即買： https://www.money-tab.info/2020-book-purchase


✓ APP下載: http://onelink.to/mtapp
✓ 升級版: https://money-tab.com/membership

❖訂閱【富翁電視MTTV】頻道:
https://bit.ly/35dJW4Y
❖訂閱【我要做富翁】頻道:
https://bit.ly/35LOy2J
❖讚好Facebook專頁:
https://facebook.com/203349819681082
❖追蹤Instagram專頁:
https://www.instagram.com/money_tab/