[viutv] 3月2號又有3個新節目
近呢幾個月，viutv嘅綜藝10點半及11點時段都係會一次過轉新節目，事關通常呢兩段時間嘅集數都會係15集。所以就會係一次過轉兩個新節目。而聽日開始，就會有3個全新劇集及節目
9:30 時段 – 全新劇集《#二月廿九》
呢套劇由吳海昕、徐天佑、劉俊謙領銜主演，而且吳海昕同劉俊謙，係繼《教束》後再度合作。而幕後班底就由之前《教束》導演 #黃智揚 擔任今次編審，而導演方面就會係之前拍《夜曲13》嘅導演 #羅嘉駿 擔任
劇情方面係講述一名2月29號出世嘅女仔發現自己原來有穿越時空修補過去一切錯誤嘅能力。
等 #膠兄 講下呢套劇賣點啦，呢套劇之前12月就去咗日本北海道取景，而且幕後班底又有黃智揚同羅嘉駿坐鎮，的確係會令大家「放心」少少 (因為大家都知道 viutv 啲劇真係一時得，一時唔得，而唔得係佔大多數)。一直以嚟《二月廿九》所出嘅宣傳品都係好文青同埋靚嚟做主題，睇埋噚日播嘅製作特輯只少 #膠兄 係有意慾想睇下係點樣。
同埋徐天佑甚少拍電視劇集，對上一套叫電視劇，就真係09年港台嘅單元劇《流金頌》。所以今次的確令唔少人都期待天佑演出
10:30 時段 – 派錢節目《#埋嚟睇埋嚟玩》
由 伍姑娘(伍詠薇) 加上 Kathy仔 、Yoshi、阿神、CK主持全新派錢節目《埋嚟睇埋嚟玩》，之前佢哋進行過一次facebook live，就講解過遊戲係大家睇佢哋拍嘅片，伍姑娘會再問問題，然後觀眾就要whatsapp某個電話，最有創意個4位就可以獲得1000蚊。
呢個節目係繼2016年《#籌旗》後viutv另一個互動遊戲節目。不過，之前《籌旗》就運用viutv開發嘅網上問答系統，今次就單靠whatsapp到底會唔會多人答到幕後工作人員都睇唔切呢？呢類型節目如果夠得成功，就會吸引到好多人玩、好多人睇同埋可以做到長做長有，因為派錢出街係會吸引到好多香港人。但如果呢個節目喺派錢問題出事、揀答案、系統出錯就會搞到大家冇隱，跟住就好快大家唔想睇。所以頭一個禮拜的確係呢個節目關鍵，所以 #膠兄 未必太有信心呢個節目，但有伍姑娘做始終都會睇下
11:00 時段 – 旅遊節目《#金剛旅神團》
由金剛、Hailey、Shirley、Yoshi、娟姐，4位「旅神」同金剛去東京發掘唔同吃喝玩樂，有人就話呢個節目就似「森美旅行團」，到底似唔似聽日睇過一集就知啦。不過呢個節目賣點當然係4位女神一次過出現喺同一個節目入面啦，最初見到金剛幾驚又介紹台灣，如果介紹台灣，我 #膠兄 不如睇返《C9旅行團》。
不過提外話，呢排viutv都算用返多咗自己人，例如︰Shirley同Yoshi差不多每次轉新節目都會見到佢哋，而且佢兩個都係埋有綜藝感覺同埋好笑。而《埋嚟睇埋嚟玩》就緊加用多咗viutv自己藝員，例如︰CK 平時做開《十五分鐘熱度plus》或《interviu》，今次主持埋遊戲節目，可以睇下佢主持成點啦
照計呢3個節目的確係吸引唔同年齡人士去睇，到底好唔好睇聽日就知道。只少大家都係多一個選擇，我 #膠兄 唔係叫大家揀隔籬大台呀，而係講緊網上嘢。支持下本地製作又係一件好事
#聽到大台話8點半套劇有37點真係講咗句粗口
#個數據仲要跨咁Q多個平台先有
#睇下啲新嘢好過啦
Sofiee Ng 吳海昕 Chui Tien You 劉俊謙 伍詠薇 Christine Ng Kathy仔 YoshiYu余逸思 阿神 CK Chu 朱晉傑 Hailey Chan Shirley Sham 沈殷怡 娟姐 Florica Lin 游大東【鴻鵠志－影視筆記】
=========================
Instagram：https://www.instagram.com/todui9atvshow/
Facebook：做乜膠睇電視
網上問答系統 在 超越Kahoot!的線上互動教學遊戲網站：Blooket - YouTube 的推薦與評價
把課程變成超Fun 的互動 問答 遊戲Kahoot! 簡單易用讓全球上百萬老師愛不釋手~. PAPAYA 電腦教室•56K views · 14:50. Go to channel ... ... <看更多>