【 賣文時間 】
【 吃一頓飯,寫出一篇《是咁的,法官閣下》文章 】
「與其說你寫視評,不如說你在擔任電視節目導賞員。」坐了三個半小時飛機來到新加坡出差,夜晚跟一位同樣身在獅城公幹、從事策展工作的文化界朋友吃飯時,他細聽過去兩年半的游大東寫電視文章進化史後得出的結論。
可能是飯氣攻心,這句話傳進耳際時,我呆了半晌,反芻他的見解,突然好像明白自己多一點:「原來我過去這段日子如此努力,是漸漸朝這個方向進發,而我竟然不知。」記得由最初撰文書寫《瑪嘉烈與大衛系列 綠豆》開始,來到今天,我從來都不認為自己寫的是視評,因為我無法知道,怎樣的評論才叫做全面,但確實參考以往的文章,又有一種評論的成份,只是講得不夠深,我已不止一次,因為自覺寫得不夠「入肉」,羅列的例子不足而心虛,因為我執着的,是一種好比學術評論水平的標準,而我知自己永遠都做不到,做得不夠好,於是還原基本步,細想到底我寫電視文章的初衷是甚麼。
那是2015年無綫深宵重播《大時代》,我在個人面書帳戶書寫長達80篇的「大時代即時電視筆記」,是我一邊看,一邊在面書發帖,屬夾敘夾議的內容,晚晚洗版,直至有幾天太忙沒有寫,有朋友留言問我:「點解你唔寫?我想睇!」終於第一次有人告訴我,原來我寫電視介紹是有市場的,再次細讀一下,那些根本不是甚麼評論,而是一種像在展覽會場中,放在展品旁邊的簡短介紹,受眾會明白,為何會出現這個畫面,演員如何掌握情緒,為何劇本要如此舖排,究竟剛才這一幕戲是如何製作出來。我覺得香港電視業發展已逾半世紀了,卻從沒有人嘗試開拓這類全新品種,一個同時包含介紹、評論和訪問或回應的文章,能夠引領觀眾看節目時,有更多趣味和思考空間。
比如這一篇講《是咁的,法官閣下》的文章,是早幾日下班後在紅磡吃飯時看到此劇而有感而發,讚,就擺到明,但為何要讚?可以是外景選址,可以是配樂,可以是導演掌鏡角度,我試圖梳理自己的想法,加加減減,變成現時的出街版本,因為看劇後有疑問有感受,才寫下,結果文章內又會繼續帶出更多新問題,我喜歡這種反覆的思考過程,有助我將來去訪問行內人的時候,能夠提問得更加精準。當然,正因為這是沒有人試過如此寫文,所以我經常處於一種自信搖搖欲墜的局面,因為我不知道,自己可以寫多久,市場又是否接受。題外話,其一,有朋友問:「你係唔係咁憎TVB啫?!」答案:不是,我每間電視台的節目都會寫,只要有留意開本頁就會明,只是無綫過去一個月都沒有令我很有衝動想寫文章的節目出現,我又不想求求其其截一張圖咆哮兩句呃Like,於是索性不寫TVB一個月,那是巧合。
第二:有一位仁兄叫「我信,我真係信」在「香港01」本文的網站下方留言:「游大東一定係大陸仔,識用套路等詞!」奇怪了,套路我由細聽到大,果真是內地用語?而他可能看不到,我文中亦寫了「俹簁」兩個字,「俹簁」音「乸西」,即「求其」咁解,那是真真正正的粵語中文,如果我的行文讓對覺得小弟是內地人、新移民,請移玉步,看看去年小弟的受訪文章(http://bit.ly/2PdKXFi),就會知道這是一個美麗的誤會,而更多人最初以為,我是一位年過六旬的阿伯。
(08112018)
#游大東 #游大東影視筆記 #是咁的法官閣下 #港劇 麥明詩 Louisa Mak 01娛樂 王梓軒 Jonathan Wong Chee-hynn Ben Wong 黃智賢 Oscar Leung 梁烈唯 梁烈唯 Oscar Leung Lit Wai 黎振燁 Jackson Tvb粉絲團 TVb粉丝俱乐部 #TVB #陳耀全 #李茜 香港電車迷會 Hong Kong Trams Enthusiast 香港電車文化館 Hong Kong Trams Station 林秀怡 Kirby Lam 王君馨 GraceWong Eddie Kwan 關禮傑 快樂的 思想。影視隨筆 講劇時辰到 我睇咗啲乜嘢 黃子恆 Lam King Ching The Culturist 文化者 阿果 譚蕙芸
http://bit.ly/2zyRnV4
綠豆傳粵語版 在 a仔.音樂.旅遊 Facebook 的精選貼文
如欲取得更佳閱讀效果,請於網誌瀏覽:
https://aamusictravel.com/2017/03/10/神作是如何煉成的-膠歌大解構-2/
.
上一集解構過一首膠歌出到名既其中一個原因,係出自一個令人瑯瑯上口既Hook Line,而呢個Hook Line,通常位於Chorus既第1句,上次就講左「條女很清楚收兵好過嫁人」同「我是一個西伯利亞人」,但大家都明白,如果去來去去所以粵語流行曲既Pattern都係重心放落Chorus頭1句,仲要首首4拍4,Beat 70咁樣,想抄完歌唔比人發現都幾難,還好作曲人編曲人絕對有專業操守同熱誠,使到我地所聽既流行曲不致於乜都同出一徹,其實講咁耐就係想話,Hook Line唔一定放死一個位置,諗下大家作咁多年文都係重點放落第2,3,4段既頭一句,你唔悶改個個都厭,所以,呢D「重心句」絕對可以擺係不同位置,以供鑑賞。
.
當然,唔排除有人睇完上一篇之後有人會反駁,點解寫歌一定要比個曲框住,好可惜,我既回答係,香港粵語流行曲絕大部分係先曲後詞 (唔信既話睇下黃志華先生既《粵語歌詞創作談》),雖然唔好既曲可以用好既編曲挽回唔少分數,但就好似你買/租左層樓咁,擺到明係1房1廳1個廁所,你可以去IKEA度下點樣善用個百幾二百呎,但你唔會將你D雜物塞滿你間房之後放張床入廁所訓,然後隊個馬桶出個開放式廚房攞抽油煙機當抽氣扇用掛? 我唔排除你係專業Designer,無房勝有房,但係呢個Blog我都係比大家睇下開心下又學下野,都係按返一般玩法吧。
.
入正題,開始又清費下自己過去既作品。 相比《條女很清楚…》,呢首《明將戰友》顯然無咁大熱,其中一個原因係客源比較窄,據說曾經有50萬Views,但後來應該都係環球叫Youtube剷片,所以無哂D Views,慘!
.
《明將戰友》改自陳奕迅既《最佳損友》,呢首歌其中一個特點就係,Hook Line唔係擺Chorus第1句,好簡單問自己M 句,呢首歌你最記得邊度? 「朋友,我當你一秒朋友….」,好顯然,重心其實廿6左係Verse度,而因為Verse既結構係並排而行,寫差唔多Level既野得,寫得愈黎愈激亦得,所以當初我Post左係高登係得8句,然後係自己估唔到既情況下,出左去一陣就200幾個回覆:
.
明將 我帶個Friend去明將
明將 佢上網兼四圍唱
明將 據說已經影埋相
咸魚 仍然連住條腸
.
明將 你試過都會迷上
明將 你試過都會包場 (後來有巴打用「吹脹」,比我寫得更好)
明將 最夠創新攞埋獎
點解紅豆 要配沙律醬
.
因為呢首歌Hook Line放係Verse部分,而原詞已經係Verse度不斷重覆「朋友」二字去強化首歌既中心思想,因此我照辦煮碗,將「明將」二字入落去歌詞之中,當中當然亦運用左「抄原詞結構」既技功,在此不贅。
.
不過,最吸引到人既句子其實係「點解紅豆,要配上沙律醬?」呢句。 寫歌好緊要既一樣野係,要能夠令人從歌詞之中引發聯想,例如「條女很清楚收兵好過嫁人」,好多巴打絲打一睇就覺得「有聲」,原因係因為就咁讀出黎已經同《落花流水》既Chrous好配合,一望到歌詞就識唱,而呢次寫明將,我寫完先覺得好野既係,原來自己寫左D咁有畫面既野上去,當你一見到呢一句,又去過明將,見識過外形猶如無數蛆蟲係舊飯上面蠕動既紅豆軍艦,就會見字如見圖一樣,想嘔既同時又想笑。
.
同樣地,歌詞裡面見到不少明將菜單上既種種「美食」,其實正正就係想更加洗腦。從小到大學中文,我地不知不覺間學會一樣野,雙音字節永遠比單音字節順口同美觀,例如「香蕉」比「蕉」更文雅,又或者要形容「食」呢個動詞,可以用「咀嚼」、「進食」、「吞嚥」呢D雙音字節去包裝,唔知你地中文老師有冇教過喇,總之呢樣野對行文十分有幫助。
.
仍然未夠
啃多一打多春魚都不夠
我有肚痛過你有沒有
好多東西吞咗先知好臭
飛奔廁格去嘔,但喉嚨仍勁臭
.
實實在在任食過會折壽
敢不敢再去試試綠豆
弊在已沒有芥辣也沒有豉油
o趙了五秒泡菜勁臭
.
問我有沒有,確實也沒有
一直想食的胃口,一直點豉油
為何o舊甘蝦,在最後已縮水變瘦
.
不知那右手在抖,已沒法入口
被推入口,心內想呼救
其實碟甘蝦,在雪櫃已經擺到臭
.
咁名詞又關雙音字節咩事呢? 是咁的,如果用返口語,動詞好多時會變單音字節,除非你去玩debate,否則你咁文鄒鄒人地聽起上黎反而覺得奇怪。但因為名詞通常唔受書面語/口語既影響,所以多用名詞(當然要用得準確)係可以增加行文或者歌詞既流暢度,而且用食物既名稱,畫面感更強,當然名詞有好多種,而且唔一定要用雙音字節,例如人名:
.
任劍輝跟你有段情 我也為你高興
用樂小姐身份見證 最不可靠葉宇澄
樂瞳仍然能得勝 李冰冰
顏福偉任性 如若留下四哥 郭晶晶
.
同樣係「有聲」既歌詞,雖然內容唔止空洞,根本係無,但係比起「香腸蚊帳機關槍」更勝一籌既係,因為呢堆人名係同類項,要記亦容易串聯起黎,所以更易上口。
.
延伸閱讀:
.
不過無論技巧再高明,文筆再流暢,一首歌要出到名唔止睇佢地既內涵,外在既因素例如宣傳、時勢,呢D都極為影響一首歌既知名度。同樣道理,一首寫得差既歌,同樣可以因為作同唱個個有人氣,而配合到天時地利,因此而成名。有時間既話我會開返幾個Post講下一D應該出名又冇出,同埋無理由出到名但又上到神枱既作品。等有時間有心機先,其實我仲有40首歌等緊要寫,係要作埋曲。
.
.
利申: 問心我唔覺得《明將…》同《條女…》既質素好過自己既另一D口水作品,但就係呢兩首出到名,所以感觸好大
.
延伸閱讀:
.
神作是如何煉成的? 膠歌大解構 #1
https://aamusictravel.com/2017/02/24/神作是如何煉成的-膠歌大解構-1/
.
多角誌 (原曲: 盧巧音 – 三角誌)
http://evchk.wikia.com/wiki/多角誌
.
填詞技巧 - 淺談0243
https://aamusictravel.com/2017/07/14/填詞技巧-淺談0243-上/
.
填詞技巧 - 進階版0243
https://aamusictravel.com/2017/08/11/進階版0243-上/
.
小弟的音樂頻道
https://www.youtube.com/channel/UCxKy4U8sJbtRcZezs8BbYdw