不枉此生
老公：朋友家人撒手人寰，節哀順變可以講，sorry for your loss可以講，簡單一句保重take care更應該講，但最討厭人講RIP，人都死咗，都聽唔到。
老婆：呢句係講畀在生嘅人聽嘅。
老公：生勾勾唔講，死咗先嚟講。人死如燈滅，赤條條來，光脫脫而去，等我第時瓜咗，火葬，骨灰撒喺公園或大海，循環再用，唔使同我辦喪禮，唔使同我立墓碑，更唔使嚟拜祭我，淨係喺心入面懷念我，一了百了，乾手淨腳。
老婆：我都係咁諗，一言為定。
老公：你真係我嘅靚蘇眉。
生命有限期，無論你幾有錢，幾顯赫，幾有權勢，幾咁耀武揚威，人人總有一死，點解仲都要整番最後一鋪「生榮死哀」啫，太鋪張，太虛偽啦。只要善用或多或少的天賦，活得精彩，留低些感染或啟發他人的東西，也就沒有白活，無愧於心了。倘有餘力，幫助一下感動到自己的人吧，可以嗎？
昨天遇上挫折，今天抖擻精神，人生有高有低，有順有逆，頓悟南柯一夢嘅真締，才叫不枉此生呀，Un唔un啫？
節哀順變take care 在 莊偉忠- 不枉此生老公：朋友家人撒手人寰，節哀順變可以講 的推薦與評價
不枉此生老公：朋友家人撒手人寰，節哀順變可以講，sorry for your loss可以講，簡單一句保重take care更應該講，但最討厭人講RIP，人都死咗，都聽唔到。 ... <看更多>