我瞓醒喇。乜咁感動既 😌😌
我睇你地D留言好好笑呀。好開心呀。真係一班陪住我地成長既朋友。仲係一大大大班 😍 字裡行間你地流露住果種愛護之情 > 你做乜無啦啦鬧我個friend呀？ < 呢種感覺呢.. 真係好窩心架！
老實講湊呔細12年既生涯。你地都陪伴住。都知道係點樣過。尤其是頭幾年非人生活。世上哪有一個要湊仔既媽媽會係垃圾呢.. 😂😂
我都講過我係工作狂果D人。其實7係可以養到我地。唔使我邊湊仔邊做野。咁當然係無乜錢儲果種。但我就真係唔想生活只得湊仔 (雖然對住2隻野都好開心 😍) 。我心理唔平衡。我一定要做返D自己野。結果變成全職煮婦 + 全屋瞓晒再做野...
我果時都幾大壓力。來自自己的！因為係我自己要做。而唔係老公要我做野。變左我覺得我絕對唔可以影響到日間湊仔同家務工作。更唔可以推野比老公做。咁無理由自己想做額外野。原本工作就要人執手尾既.. 😌
而家都唔怕講啦大家咁熟。佢地2歲時 我寫書啦 (好似每本有幾萬港紙的版稅，然後我為此事參加左"童望之友" 一直捐獻到而家，當係為買左書的大家積福♥) 然後接住我攪 CurryBee童裝啦。做左一年頂唔順。因為真係成日做到 4, 5am... (埋數總共賺左500 美金。版費/成本/絲印/運費.. 因為貨量少，成本好高！D錢其實係比廠賺晒，唔蝕都偷笑lu... 不過果段時間我係好開心既。自己design 自己品牌。雖然短暫。都叫做圓左一個夢 😇)
然後唞左陣。我又開始做手袋網店喇。呢個就真係終於有錢賺。做左5年半。當然又係要超感激大家啦！無你地支持。我屋企都無錢裝修。亦無錢投資儲比呔細讀書.. 😃😃 所以基本上我係一直有工作。仲要係日頭湊仔。晚上捱夜工作。可能因為咁。呢幾年真係身體差左。免疫力一低。D病痛就出黎...
我老公心痛我。所以上年開始幫手煮飯減輕吓我。同埋其實佢係鍾意煮同有心機煮。我係勁厭惡 😂 (都唔明點解憎果個要煮10年，鍾意果個會唔出手煮？我霸住你個位你都唔開心啦 😑) 咁我覺得我過去12 年都叫完成歷史性任務啦。湊到對仔咁大又咁肥頭髮又濃密。樣樣都妥當。屋企地板長期乾淨架！仲想我點啫 (係咪想迫死我丫 😂)
唔係wor... 我睇睇吓上果幾個Po 好似咁局咁既？
首先就講踩bike 前煮飯。然係就揾件炸兩出黎鬧我 ( 鬧我唔奇丫，但讚你廿四孝喎，加左錢架？ 😂) 之後就引到班卜友群起而攻之。再來一個 man爆護妻Po !! 然後就個個話可以獎你買單車！！
成件事.. 有D可疑...
不過話說回頭。世上萬物都係講求平衡。家庭/ 事業/愛情/友情... 不付出 只接收 就會失衡。根本無可能一個廿四孝。一個係垃圾。係咁一早離左婚喇！你老細一路唔出糧比你。再好人或再蠢既 你都唔會再幫佢打工啦係咪？人與人相處之道好簡單：大家錫大家 ♥
童望之友 在 成爲奧比斯童望之友，拯救小孩視力👁️ - Facebook 的推薦與評價
成爲奧比斯 童望之友 ，拯救小孩視力👁️ · 【抓緊黃金治療期，逆轉孩子失明命運⏳】 0至8歲是小朋友視力發展黃金期 ，可是很多貧困地區的眼疾小孩因不懂求 ... ... <看更多>