真心，係一個爆到七彩嘅國家做前線醫護係好大壓力
個個發燒、咳、周身骨痛、打乞嗤、流鼻涕、呼吸困難等等，全部我都要assume COVID until proven otherwise
每次見病人都要著全副武裝N95、頭套、眼罩、頭盔/face shield、手套、保護衣、次次做完procedures都成身汗，汗係咁滴落隻眼但又唔抹得
試過有個幾後生嘅媽媽52歲，急症時照咗張CXR，bilateral lower zone花咗，過咗一晚突然開始desat到92-95%，RR去到40，諗住俾d藥佢，粒豆竟然塞L咗，又要全副武裝去幫佢打豆順便抽埋血。
個仔瘋狂打電話問媽媽點，其實都唔知點答，我都唔知，個clinical course未peak，我都唔知到底之後會唔會要落dexa同high flow幫幫佢，但我又唔可以話好穩定，入院時個肺已經幾花，依加臨床再衰咗一定仲花。
「喂文醫生，24號床個病人你地team話想要high flow，但無負壓床，點搞？」
我都唔L知，每日都係一堆我答唔到嘅問題，無力感其實好重，打親去ICU問都係無位，叫你搞住先，真係就快搞唔掂再打俾佢地
雖然打咗兩針Pfizer delta protection 87% symptomatic infection，我都唔想做果13%。定期做surveillance swab，等result又好L緊張😩😩😩
有人話你有訓練著PPE，做得呢行預咗。咪玩啦，PPE每次gown up and gown down都係風險，無人可以100%每次都無出錯。做得呢行係預咗嘅，但唔代表會唔驚驚嘅，消防員都預咗每年8號風球或黑雨都有人要去行山，要冒險咁去救人嘅，但唔代表咩都唔怕嫁嘛。
#天佑澳洲
#祝福大家平平安安
突然周身骨痛 在 晴報Sky Post - 突然周身骨痛人士留意！望埋有冇呢6個病徵呀 的推薦與評價
突然周身骨痛 人士留意！望埋有冇呢6個病徵呀～ 【#晴報HealthyLife】如廁頻密、周身骨痛、久咳難斷尾、體力下降，這些病徵與一般老人病十分相似，但如果驗血後， ... ... <看更多>