疫情斷斷續續，最近又多咗啲變種新case，食肆措施一直都冇辦法完全放寬，真係好耐都冇成家齊人一齊出街同檯食飯，再加上呢幾日媽咪唔係屋企煮飯比大家食，所以就order @feverfoodhk 嘅到會返黎做Dinner。
「6-8人自選套餐」
✨北海道帆立貝野菌炒烏冬配木魚花：
白嫩爽口嘅帆立貝，貝柱肥碩，野菌爽口，而且最欣賞嘅係烏冬濕潤得黎唔油膩。
✨黑松露野菌燴⻑通粉配⻄班牙火腿：
⻑通粉軟硬適中，黑松露同野菌亦落得頗重手，食落帶陣陣⻄班牙火腿嘅自然鹹香，小姪女勁中意。
🍽秘製滷水拼盤(約2磅裝)：
裡面有紅腸、豬耳、滷蛋、雞腎等等，鹹度適中，亦滷得夠入味，加埋解膩嘅甜酸醋汁，三五兩下就被大家夾過清光。
🍅砵酒鮮番茄濃湯煮藍青口(約2磅裝)：
藍青口size唔算太大隻，但係隻隻飽滿鮮甜，番茄濃湯亦有粒粒番茄茄肉，不錯。
🐟森巴醬烤美國龍利魚卷配飛魚籽(約2磅裝) ：龍利魚柳被捲成花狀，配上表面嘅粒粒飛魚籽，入口細綿柔軟中又不失咬口。
🥒飛魚籽蟹肉清爽鮮青瓜塔(9件) ：
司機運送過程似乎經受震蕩，黎度嘅時候青瓜塔好多都塌曬，如果著重貌相擺盤，呢個未必係好選擇，不過就味道而言就無問題，絲絲蟹肉加上清爽青瓜，幾適合作為開胃前菜。
🐖芥末蜜糖烤原隻德國咸豬手配自家醃製橄欖：蜜糖芥末醬多甜少辛，係小朋友都食到嘅辣度，德國咸豬手則皮Q肉彈，烤完都保留豬手獨有嘅膠原口感。
🐣無激素原隻法國燒雞配黑松露紅酒汁 1400g：雖然豬手唔錯，但呢個燒雞就令我覺得更驚艷，外皮燒得有微微薄脆，肉層濕潤，唔嚡口唔乾爭爭亦唔油膩。
💕PS：裡面有齊保溫袋、發熱貼、錫紙，所以送過黎仲熱辣辣，抵讚。餐具都有齊，記得唔好自己重複買。 @ Home
秘製滷水拼盤 在 Shengmian.hk - 秘制古法滷水拼盤新登場 勝面Sheng Mian... 的推薦與評價
秘制 古法滷水拼盤新登場 勝面Sheng Mian 全新推出的「秘制古法滷水拼盤」 ，拼盤備有滷蛋、豬耳、豬大腸、豬頸肉、牛腱心、雞翼、雞腎，用上台灣自家製的滷水汁配 ... ... <看更多>