「叔叔，你唔係仲玩 Facebook 吓嘛？咩話，你唔識玩 Facebook？唔識咪唔好玩囉。」
我都知，玩 Facebook 真係好老土嘅；唔識玩，就老土^2。
其實，我自己個 personal account 一早都荒廢；叫做留個方法畀舊朋友可以 message 我。所以，呢個 Page 無乜 interaction ，我都唔覺出奇。
但都想借問一聲，究竟大家係唔係轉晒去 Youtube？其實我真係少少抗拒上鏡；成日都唔為意就望第二度。如果唔係 #湛國揚 我真係唔想上鏡。
我寧願做 podcast，照顧好似我咁有老花嘅朋友；係 Apple / Spotify / Google 均有代派。
我最享受始終係靜靜咁寫評論；直覺話我知，我嘅讀者多數都係低調內向嘅一群，鍾意靜靜咁去思考問題。
又或者，我最應該開發嘅媒體，係白紙黑字嘅書。
計劃出書，但睇怕都只有台灣有機會，所以唔可以用粵語入文；所以，最近一篇，我用返正路少少嘅書面語；我怕終有一日，自己會忘記書面中文嘅語法。
最後，可能大家覺得我自從開咗 Patreon / unsubject 之後，就成日只有賣廣告推銷自己。鬼咩，一篇評論閒閒地一千幾百字，長則四千幾五千，仲有乜嘢其他好分享呢？
不過，又好似呢段隨筆，我都覺得無理由放去 paywall 後面。總之，大家都隨心隨緣喇。
呢次我都唔貼 link ，又睇下 Facebook 會唔會幫我派多些少 post。其實要搵我嘅 Patreon 或者 unsubject 嘅朋友，一定搵到，唔駛咁 hard sell 嘅，我諗。
睇返書面語 在 港語學- 【睇吓睇字咩意思？】粵語的「睇」字 的推薦與評價
粵語的「睇」字，是「看」的意思，如「睇電影」即「看電影」，「睇書」即「看書」。粵語用「睇」字，普通話一律用「看」字。粵語的「睇」字只是粵語專用嗎？ ... <看更多>