【#保險你問我答 大長claim】
問︰
唔小心整親去睇跌打，保險包唔包？
答︰
咁就要睇返你本身買嘅係咩保單喇！
如果你買嗰份係有門診保障嘅醫療保險、又或者有醫療保障嘅意外保，你可以留意返保障範圍係咪涵蓋跌打、針灸、推拿等中醫治療項目，市面上唔少產品都係有呢類嘅保障。提提你，如果買嘅係意外保，記得受傷原因必須係由外來及不可預知嘅突發事故所引致先至有得賠！
至於點先可以claim返醫藥費，你就要留意返你嘅醫生要係本港嘅註冊中醫；有啲保險公司除咗收據之外，仲會要求你交埋藥方。唔同保險公司嘅索償要求同程序都會有分別，唔清楚就要向保險公司或者中介人查詢返啦！
#睇親中醫都好長手尾 #真係吓吓都大長claim #細個覺得中醫好老套 #大個咗就覺得好有用 #老了 #蓋世保鑑Insurpedia
