依排成日突然落雨☔️，本來想約朋友去燒烤，都即刻hold住先。其實想食燒烤🔥未必要聽天由命咁被動既，介紹個好地方比大家，有得食燒烤，仲有海鮮、魚生、多國美食、甜品、琳琅滿目，保證滿足晒大人同小朋友😍。
回帶去返上個月同屋企人去左城門河畔既麗豪酒店「濠餐廳」嘆池畔燒烤風味自助晚餐🍽。喺泳池邊燒烤，真係夠晒Chill🥂。燒烤區設於室外，絕對唔洗怕攻到成身燒烤味👍; 有專人即點即燒，有美國斧頭扒🥩、牛肋骨、豬仔脾🍖、龍蝦🦞、青口、元貝、海蝦🦐等。寶雲酥羊架、龍蝦鉗、燒菠蘿🍍都值得推介。仲可以試埋自選配料既喇沙🍜，夠晒惹味。
自助餐中另一焦點就係凍海鮮盤🦀，有開邊龍蝦、鱈場蟹腳、大蝦、加拿大海螺等，源源不絕供應，味道鮮甜😋。
刺身🐟都係必吃之選，我至愛既三文魚好夠肥美新鮮，其他仲有吞拿魚、鯛魚及甜蝦、八爪魚等。
熱葷方面選擇都好多，仲有香煎鴨肝、即焗新鮮生蠔、香烤片皮鴨、馬來沙嗲等。
最後梗係唔可以錯過甜品環節🎂，長長既甜品櫃擺滿數十款精緻既甜品，以「莓果饗宴」為主題🍓，多款甜品如雜莓朱古力甜品，雜莓軟心朱古力蛋糕、士多啤梨藍莓芝士蛋糕等都加入莓果元素，唔只外型吸引，酸酸甜甜既甜品仲好岩夏天食💕，好fresh好清新。另外仲有我最鐘意既豆腐花、小朋友又可以夾糖食🍬，玩朱古力噴泉，最後食埋Movenpick雪糕🍧同埋coco berry 雪糕球涼透心❄️，為豐富盛宴完美作結🤩。
食飽飽再喺城門沙畔散下步返市中心，微風吹來感受下休閑寧靜，真係好舒服💖。
+++ +++ +++ +++ +++ +++ +++ +++
麗豪酒店「池畔燒烤風味自助晚餐」
成人每位港幣 568 元起
小童每位港幣 298 元起
（逢星期六日及公眾假期供應）
雖然依個泰式風情主題就完左，酒店每月都推出唔同主題既自助餐架，上佢地官網或留意Facebook更新💫，仲會有早鳥訂位折扣優惠架！
https://www.regalhotel.com/
+++ +++ +++ +++ +++ +++ +++ +++
Regal Riverside Hotel
#麗豪酒店 #池畔燒烤自助晚餐 #甜品必吃 #美食推介 #沙田美食 # 自助餐
甜品必吃 在 佳佳甜品台灣- morning 台北ヽ(＾Д＾)ﾉ*** 今天 ... - Facebook 的推薦與評價
morning 台北ヽ(＾Д＾)ﾉ*** 今天還是來分享我們最經典的40年米其林推薦#芝麻糊好了，不然內場師傅一直報怨#楊枝甘露做到手發抖(￣▽￣*) #佳佳甜品#必吃米其林推薦養身 ... ... <看更多>